Pakɔsje 33:3 - Maktub gə́ To gə Kəmee

³ Maji kar sí ɔsje pa gə́ sigi areeje ya! Imje nékimje lə sí ləm, Ɔrje ndu sí gə́ tar ləm tɔ!

Pakɔsje 33:3 ပူးပေါင်းရင်းမြစ်များ

1 Sôrta Gḭka-Israɛlje 13:8

Dabid gə Israɛlje lai la no̰ Ala’g lé gə sḭgarɔ dee bura gə pakɔs ləm, gə kṵdu-kagje ləm, gə kṵdu-ko̰déje ləm, gə dalè-bajḭgje ləm, gə ma̰dje gə́ sa səgə-səgə ləma, gə to̰to̰je ləm tɔ.

1 Sôrta Gḭka-Israɛlje 15:22

Kenania gə́ to bao-nékim mbuna Ləbije’g lé ɔr no̰ dee loo kim né’g mbata yeḛ lé gər gosee maji yaa̰.

1 Sôrta Gḭka-Israɛlje 25:7

Deḛ lai gə ŋgako̰ deeje gə́ d’as tɔl-joo-dɔ-dee rɔ-jinaijoo giree jinaijoo (288) lé to bao-paje lə Njesigənea̰, deḛ lai to njégoso paje ya.

2 Sôrta Gḭka Israɛlje 34:12

Dəwje neelé d’ila ŋgonkoji ra kula lə dee gə goo rəbee. Deḛ d’isi gel njékoo goo deeje gə́ to Jahat gə Abdias gə́ to Ləbije mbuna Merarije’g ləm, gə Jakari gə Mesulam gə́ to gə́ mbuna Keatje’g ləm tɔ.

Pakɔsje 144:9

Ǝi Ala, m’a kɔs pa gə́ sigi kari ləm, M’a kunda no̰ rii gə ndu pa kṵdu-ko̰dè gə́ kulá dɔg lé ləm tɔ.

Pakɔsje 149:1

Maji kar sí pidije Njesigənea̰! Ɔsje pa gə́ sigi arje Njesigənea̰. Ɔsje pa pideeje ne mbuna ŋgankojije’g!

Pakɔsje 40:3

Yeḛ ɓa ɔrm mee bwa-tuji’g Dan bɔrɔ dubu’g ləm, Yeḛ urm dɔ biri mbal’g tar ndoi ləma, Yeḛ ar gɔlm to njam-njam ləm tɔ.

Pakɔsje 40:4

Yeḛ ula pa gə́ sigi tam’g Am m’pidi ne Ala lə sí ya, Dəwje bula d’a koo ndá d’a ɓəl ləm, D’a kɔm meḛ dee dɔ Njesigənea̰’g ləm tɔ.

Pakɔsje 96:1

Ɔsje pa gə́ sigi arje Njesigənea̰, Ɔsje pa arje Njesigənea̰, Seḭ lai gə́ síje dɔ naŋg neelé.

Pakɔsje 98:1

Pakɔs lé. Ɔsje pa gə́ sigi arje Njesigənea̰ Mbata yeḛ ra néje gə́ dumkoo ləm, Jikɔlee gə kag jia gə́ àr ŋgad-ŋgad ɓa lá səa.

Esai 42:10

Ɔsje pa gə́ sigi arje Njesigənea̰, Ɔsje pa pideeje ne Areeje ɔr gwɔi naŋg nee njal, Seḭ gə́ awje dɔ baa-boo-kad’g Gə seḭ gə́ síje ta’g ləm, Seḭ dɔgoré-looje gə dəwje lai gə́ d’isi keneŋ ləm tɔ.

Njé gə́ Epesə 5:19

Pakɔsje ləm, gə pa kula rɔnduba dɔ Ala’g ləma, pa gə wɔji dɔ né gə́ ka̰ ndil lé ləm tɔ lé yee ɓa ɔsje pea gədje ne na̰ ləm, ɔsje ne gaji Mbaidɔmbaije, ilaje ne riɓar dəa’g gə meḛ sí bura ləm tɔ.

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

Loo gə́ killa rea kəm Ja̰’g 14:3

Deḛ d’ɔs pa gə́ sigi no̰ kalimbai’g ləm, gə no̰ nékundaje gə́ d’aw kəmba sɔ lé ləma, gə no̰ ŋgatɔgje’g lé ləm tɔ. Dəw kára kara askəm ndoo pa neelé el, nɛ deḛ gə́ tɔl-dɔg-loo-tɔl gə dɔ dee 44 lé deḛ gə́ dɔ naŋg nee gə́ d’uga dɔ dee ɓa d’askəm ndoo pa nee ya.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.