Pakɔsje 33:16 - Maktub gə́ To gə Kəmee

¹⁶ Kudu boo-njérɔje ɓa d’askəm kaji mbai lé el ləm, Boo-siŋgamoŋ lé kara as kɔr bao-rɔ kilá tar el ləm tɔ.

Pakɔsje 33:16 ပူးပေါင်းရင်းမြစ်များ

Pakɔsje 44:3

Ji siŋgamoŋ ləi gə́ ɓar mèr-mèr lé I tuba ne ginkoji dəwje gə raŋg Ya̰ loo unda dəwje ləi keneŋ ləm, I tɔl ginkoji dəwje gə raŋg Ya̰ loo ar dəwje ləi taa loo keneŋ pəl-pəl ləm tɔ.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

2 Sôrta Gḭka Israɛlje 20:23

Amo̰je gə́ Moabje d’ḭ d’ur dɔ njé gə́ dɔ mbal gə́ Seir tuji dee pugudu-pugudu. Tɔɓəi loo gə́ deḛ d’unda ŋgaŋ tɔl njé gə́ Seir lé mba̰ ndá deḛ ya tel tɔl na̰ gə́ yo gə́ nee tɔ.

Njéga̰g-Rəwtaje 7:2

Njesigənea̰ ula Gedeo̰ pana: Dəwje gə́ d’isi səi neelé bula yaa̰ boo kəm kam m’ila Madianje meḛ ji dee’g el, nà banelə Israɛlje d’a kula ne rɔnduba dɔ rɔ dee-deḛ’g kɔsm ne rəw pana: Ji neḛje ya ɓa n’taaje ne rɔ neḛje.

Teḛ-Raga 14:28

Manje lé tel o̰ ménéné tur dɔ pusu-rɔje, gə dɔ njérɔ gə kundaje, gə dɔ njérɔje lə Parao̰ lai gə́ d’andə goo Israɛlje’g dan baa-boo’g lé ndá dəw kára kara al ɗiga teḛ raga el.

2 Sôrta Gḭka Israɛlje 32:21

Yen ŋga Njesigənea̰ ula kura ləa gə́ dara aree tuji bao-rɔje lai, gə ɓé-njérɔje, gə ŋgan-mbaije lai gə́ d’isi loo-si mbai gə́ Asiri’g. Togə́bè ɓa mbai lé tel gə rɔkul aw ne mee ɓee’g ləa. Yeḛ aw mee kəi-magə’d ləa ndá lé neelé ŋganeeje gə́ d’ḭ mée’g ya tɔlee gə kiambas tɔ.

2 Sôrta Gḭka Israɛlje 20:12

Ǝi Ala lə sí, see i a gaŋgta dɔ dee’g el wa. Mbata jeḛ lé siŋga sí gə mba rɔ ne gə njérɔje gə́ bula digi-digi gə́ d’aw gə́ nee lé godo ar sí n’gərje né gə́ kəm ra el nɛ kəm sí to gə́ dɔi-i’g ya.

1 Samel 17:4

Yen ŋga bao-rɔ kára unda loo mee loo-si Pilistije’g teḛ aar dan kudu-njérɔje gə́ joo’g lé. Débee neelé ria lə Goliat, yeḛ to dəw gə́ Gat, tɔɓəi yeḛ ŋgal as kəmkil dəw misa̰ gə gesee gə́ as tad lə pə̰ ko̰ ji dəw gə ŋgon jia gə́ rudu lé.

Jujé 14:12

Bèe ndá am mbal gə́ neelé gə́ Njesigənea̰ pa taree mee ndəa gən lé, mbata i oo ta lə Anakje gə́ d’isi keneŋ ləm, ɓee-booje gə́ boi-boi gə́ ndògo-bɔrɔ gugu dɔ dee to keneŋ ləm tɔ. Ɓó lé Njesigənea̰ a nai səm ndá m’a tuba dee gə́ raga to gə́ Njesigənea̰ pa ne taree lé ya.

1 Mbaije 20:10

Ben-Adad ula kula ar Akab pana: Ɓó lé nduji naŋg gə́ Samari nai as rusu ŋgo ji koso-dəwje gə́ d’un goom’g nee ndá maji kar magəje ra səm nédɔkudu ya.

Njéga̰g-Rəwtaje 7:4

Njesigənea̰ ula Gedeo̰ pana: Njérɔje lé bula yaa̰ ya ɓəi. Ar dee d’aw ta mán’g ndá lé gə́ neelé ɓa m’a mbər dee keneŋ kari, yeḛ gə́ m’a kulai pana: Maji kar yeḛ neelé aw səi ndá a kaw səi ya, nɛ yeḛ gə́ m’a kulai pana: Maji karee aw səi el ndá a kaw səi el ya tɔ.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.

1 Mbaije 20:15

Yen ŋga Akab tən kuraje lə mbaije gə́ njékaa dɔ dəb ɓeeko̰je tura dee lé ndá yeḛ iŋga dee tɔl-joo gə dɔ dee rɔ-munda-gir-dee-joo (232), gée gə́ gogo yeḛ tən koso-dəwje lai gə́ to Israɛlje ndá d’as tɔl-dɔg-loo-siri (7.000).

2 Sôrta Gḭka Israɛlje 13:8

Ndá ɓasinè, seḭ ə̰jije meḛ sí’g gə mba kun baŋga dɔ ɓeeko̰’g lə Njesigənea̰ gə́ to ji ŋgalə Dabid’g, mbata seḭ toje dəwje gə́ bulaje digi-digi ləm, mbata seḭ awje gə néndaji ŋgan maŋgje gə́ to larlɔr gə́ Jeroboam ra gə́ magəje ar sí lé ləm tɔ.

Maktub gə́ wɔji dɔ Jɔb 36:7

Yeḛ un kəmee rəw dɔ njémeekarabasurje’g el. Yeḛ unda dee na̰’d gə mbaije dɔ kalimbaije’g ləm Yeḛ ar dee d’isi keneŋ saar gə́ no̰ mba kar dee d’iŋga ne rɔnduba ləm tɔ.

Maktub gə́ wɔji dɔ Jɔb 39:11

See i a kɔm məəi dəa’g mbata siŋgá gə́ to yaa̰ wa. See i a kyá̰ karee ra kula ləi gə dɔrea wa.

Pakɔsje 20:8

Njé gə́ yo nduna rɔ dee dɔ pusu-rɔje’g lə dee ləm, Njé gə́ nee nduna rɔ dee rɔ kundaje’g lə dee ləm tɔ, Nɛ jeḛ lé jeḛ m’ɓarje ri Ala lə sí gə́ Njesigənea̰ ya kára ba.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Jeremi 48:14

See to gə́ ban ɓa seḭ asjekəm pajena: Jeḛ n’toje njésiŋgamoŋje ləm, Gə njérɔje gə́ d’isi pèrèrè Gə mba rɔ ləm tɔ lé wa.

Ojee 10:13

Seḭ ndɔje kandə néra gə́ majel ləm, Seḭ injaje néra gə́ kori-korije ləma, Seḭ sɔje kandə néŋgɔmje ləm tɔ. Mbata seḭ ɔmje meḛ sí dɔ rəw-kaw síje’g ləm, Gə dɔ bao-rɔje’g lə sí gə́ bula digi-digi ləm tɔ.

Amɔs 2:14

Dəw gə́ njerɔkwɔilɔ lé a kaskəm kaḭ el ləm, Dəw gə́ njesḭga lé a kaskəm ra né gə siŋgá el ləma, Yeḛ gə́ to bao-rɔ kara a kaji rəa el ləm tɔ.

Amɔs 2:15

Dəw gə́ njeturu ɓandaŋg lé a kaar gəs el ləm, Dəw gə́ gɔlee wɔilɔ pélé-pélé lé a kaḭ teḛ ta’g el ləma, Yeḛ gə́ njekalkṵda kara lé a kaji rəa el ləm tɔ.