Pakɔsje 32:6 - Maktub gə́ To gə Kəmee

⁶ Togə́bè ɓa maji kar deḛ lai gə́ to majikojije lé Ra tamaji ta Ala’g lé mee kàr’d gə́ rara kara ya! Lée mán bélm ḭ gə mba tur dɔ dee pubug kara A kaskəm tibi mbɔr dee nda̰ el.

Pakɔsje 32:6 ပူးပေါင်းရင်းမြစ်များ

Pakɔsje 144:7

Loo-sii gə́ tar lé maji kari ula jii ndiŋ Taa ne dɔm ɓó gə́ unm ne dan boo-manje’g ajim ləm, Ɔrm ne ji dəw-dɔ-ɓeeje’g ləm tɔ,

Pakɔsje 4:3

Seḭ dəwje lé see ndɔ gə́ ra ɓa seḭ a kəwje rɔ sí Kulaje sul dɔ rɔnduba’g ləm wa. See ndɔ gə́ ra ɓa seḭ a kəwje rɔ sí Ndigije néje gə́ gə mḭdé ba ləm, Ǝsé ndolèje goo taŋgɔmje ləm tɔ wa.

Pakɔsje 40:3

Yeḛ ɓa ɔrm mee bwa-tuji’g Dan bɔrɔ dubu’g ləm, Yeḛ urm dɔ biri mbal’g tar ndoi ləma, Yeḛ ar gɔlm to njam-njam ləm tɔ.

Pakɔsje 42:7

Ŋgaw məəm lé təd mán ya, Gelee gə́ nee ɓa m’ə̰ji dɔi’g un gelee ɓee gə́ Jurdɛ̰ ləm, Un gelee mbal gə́ Hermo̰ Saar teḛ ne dɔ mbal gə́ Misəar ləm tɔ.

Pakɔsje 91:7

Ɓó lé dəwje tɔl-dɔg (1.000) d’wəi mbɔri’g pər ləm, Tɔl-dɔg-loo-dɔg (10.000) d’wəi dɔ jikɔli’g ləm tɔ kara Né neelé a tibi mbɔri el ya.

Gosota-Kəmkàrje 1:28

D’a ɓarm nɛ m’a kila dee keneŋ el ləm, D’a saŋgəm pir-pir nɛ d’a kiŋgam el ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Esai 55:6

Saŋje Njesigənea̰ loo gə́ kəm kiŋgá’g, Ɓareje loo gə́ yeḛ sí ne mbɔr sí’g dəb.

Tagə́maji gə́ Ja̰ ndang 7:34

Seḭ a saŋgmje nɛ seḭ a darmje el ləm, loo-sim kara seḭ a kasje teḛje keneŋ el ləm tɔ.

2 Njé gə́ Kɔrḭtə 1:4

Yeḛ nja ɓa gə́ njegɔl sí dan némeeko̰ gə́ rara gə́ j’isi danee’g gə mba kar mbɔl dɔ gɔl gə́ yeḛ gɔl meḛ sí lé jeḛ kara j’askəm gɔl ne meḛ mar síje gə́ d’isi dan némeeko̰’g gə́ rara kara gə́ ra dee lé tɔ.

2 Njé gə́ Kɔrḭtə 6:2

Mbata yeḛ pana: Ndɔ noji’g ɓa ma m’oo ndu sí ləm, Ndɔ kaji’g lé ma m’la sə sí ya ləm tɔ. Aa ooje, ɓasinè lé to ndɔ noji lé ya ŋga. Aa ooje ɓasinè lé to ndɔ kaji lé ya tɔ.

1 Timote 1:16

Nɛ yeḛ ar mée oso lemsé dɔm’g gə mba kar Jeju Kristi riba ne dɔ meekila ləa gə́ yeḛ ila dɔm-ma gə́ m’to gə́ doŋgɔr lə dee pərəg ləm, mba kwam gə́ nétɔji lə dee gə́ d’a gə kɔm meḛ dee dəa’g mba kisi gə kəməgə́ gə no̰ lé ləm tɔ.

Titə 2:12

Noji neelé ndɔ sí mba kar sí mbad néje gə́ aw gə goo ka̰ meenda lə Ala lé el ləm, gə mbad mal néje gə́ ra dəwje ləm tɔ. Yee ndoo sí mba kar sí j’isi mbuna dəwje gə́ dɔ naŋg nee ɓasinè lé j’unda ne kəmkàr dɔ rɔ sí’g ləm, n’ra ne né gə́ to gə dɔ najee ləma, gə n’ra ne né gə́ to gə goo ka̰ meenda lə Ala lé ləm tɔ.