Pakɔsje 32:5 - Maktub gə́ To gə Kəmee

⁵ M’teggin kaiya ram m’ari ya. M’iya səi dɔ néra kori-kori ləm el tɔ, M’pana: M’a riba dɔ kaltaje ləm pərəg no̰ Njesigənea̰’g, Bèe ɓa i tuji bo̰ néra kaiya ləm gə́ a gə kɔs tam’g lé.

Pakɔsje 32:5 ပူးပေါင်းရင်းမြစ်များ

2 Samel 12:13

Dabid ula Natan pana: M’ra kaiya m’ɔs ne ta lə Njesigənea̰ rəw ya. Natan tel ula Dabid pana: Njesigənea̰ ar mée oso lemsé dɔ kaiya’g ləi ndá i a kwəi el ŋga.

2 Samel 12:9

See gelee ban ɓa i ə̰ji ta lə Njesigənea̰ bəḭ-bəḭ ra ne né gə́ majel kəmee’g togə́bè wa. I tɔl Uri, dəw gə́ Het gə kiambas ləm, i taa dené ləa aree tel to dené ləi ləm tɔ nɛ yeḛ lé i tɔlee gə kiambas lə Amo̰je ya.

2 Samel 24:10

Gée gə́ gogo goo tura gə́ Dabid ar dee tura bula lə koso-dəwje lé ndá kaaree ɓar ɗigi-ɗigi. Bèe ɓa yeḛ ula Njesigənea̰ pana: Ma m’ra kaiya gə́ boo loo gə́ m’ra né neelé. Ǝi Njesigənea̰, ɓasinè ar məəi oso lemsé dɔ néra kori-kori’g lə kura ləi mbata né gə́ m’ra lé to némbə ya.

2 Samel 24:17

Loo gə́ Dabid oo kura gə́ dara gə́ tɔl koso-dəwje lé ndá yeḛ ula Njesigənea̰ pana: Aa oo, ma nja m’ra kaiya. Ma nja taree wa dɔm nɛ badə-kosoje neelé ɗi ɓa deḛ ra wa. Maji kar jii wɔi dɔm-ma gə dɔ njémeekəije’g lə bɔm ɓa.

1 Mbaije 8:50

ar məəi oso lemsé dɔ kaiya ra koso-dəwje’g ləi gə dɔ kaltaje’g lə dee gə́ d’al d’ɔsi ne rəw lé, maji kari ɔs deḛ gə́ njékwa dee gə́ ɓərje kaw sə dee lé ɓɔḭ-ɓɔḭ mba kar dee nja kara d’oo kəmtondoo lə dee tɔ.

2 Sôrta Gḭka Israɛlje 6:29

ɓó lé dəw kára, əsé koso-dəwje ləi gə́ Israɛl lai d’ar ndu ra tamaji əsé ndu ra ndooje lə dee ɓar ar nana kara gər né gə́ to mée’g əsé némeeko̰ gə́ rəa ɓa ula jia par gə́ rɔ kəi’g neelé ndá

Esdras 10:11

Ɓasinè, maji kar sí tegje gin kaiya lə sí arje Njesigənea̰ gə́ to Ala lə bɔ síje-je ndá gə́ raje torndia. Undaje rɔ sí ɓad rɔ dəwje gə́ mee ɓee’g nee ləm, gə rɔ denéje gə́ to ginkoji gə́ raŋg’d ləm tɔ.

Maktub gə́ wɔji dɔ Jɔb 31:33

Ɓó lé ma m’lɔm dɔ néra kori-korije ləm tɔ gə́ dəwje lai ra bèe, M’iya ne dɔ majel ləm məəm’g.

Maktub gə́ wɔji dɔ Jɔb 33:27

Yeḛ ɔs pa no̰ dəwje’g pana: Neḛ n’ra kaiya n’al ne dɔ néra gə́ danasur, Nɛ Ala ar bo̰ néra neḛ ɔs ta neḛ’g to gə́ kəm karee ɔs ta neḛ’g lé el.

Pakɔsje 103:12

To gə́ kḭ bər kaw gə́ dɔ-gó əw yaa̰ lé Kaltaje lə sí kara yeḛ ɔm dee əw sə sí togə́bè tɔ.

Pakɔsje 103:3

Yeḛ nja ɓa ar mée oso lemsé Dɔ néra kori-korije’g ləi lai ləm, Rɔko̰je gə́ gə ria-ria kara Yeḛ ɔr rɔi’g ndɔs-ndɔs ləm tɔ.

Pakɔsje 25:16

Maji kari ila kəmi dɔm’g Ɓó gə oo ne kəm lootondoo’g ya kari, Mbata ma lé d’ubam d’ya̰’m D’am m’isi ne gə́ njenékəmndoo ya.

Pakɔsje 25:18

Maji kari oo kəmtondoo ləm ləm, gə ndookoo ləm ləm tɔ Ndá ar məəi ti mbidi dɔ kaiya ramje’g lai.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Pakɔsje 38:18

Ma lé nai lam ba karm m’oso ya, Meeko̰ ləm kara to nɔm’g ta-ta tɔ.

Pakɔsje 38:19

Mbata ma m’gər néra kori-korije ləm gao, Kaiya ram lé am m’isi ne dan ɓəl’g.

Pakɔsje 51:6

M’ra kaiya m’ɔs ne ta ləi-i nja rəw ləm, M’ra ne né gə́ to kḛji kəmi’g, Bèe ɓa ta gə́ i a gaŋg lé A to gə dɔ najee ləm, Rəwta-gaŋg ləi kara Dəw a kimi dɔ’g el ləm tɔ.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Gosota-Kəmkàrje 30:20

Rəw-kaw kaiya-dené ɓa to nee: Yeḛ sɔ né ndá bɔr təa péd, Tɔɓəi yeḛ pana: Ma m’ra majel el.

Esai 65:24

Kédé ɓa kar dee ɓar rim ɓəi ndá M’a kila dee ta’g ləm, Kédé ɓa kar dɔ ta nai meḛ dee’g ɓəi ndá M’a koo ndu dee ləm tɔ.

Jeremi 2:23

See ban ɓa seḭ ulaje pajena: Rɔ sí mina̰ el ləm, Seḭ awje goo magə-Baal’g el ləm tɔ lé wa. Aaje loo ooje tor gɔl sí Gə́ to kəm wəl-loo’g ləm, Tegje gin né gə́ seḭ raje ləm tɔ. Seḭ gə́ toje asəna gə jambalje Gə́ njérɔkwɔilɔje gə́ awje yo gə́ nee!

Jeremi 2:35

Nɛ lé bèe kara seḭ pajena: Tɔgərɔ ya, ta wa dɔ sí el, Tɔgərɔ, oŋg ləa wəi ne bèm dɔ sí’g! Aa ooje, m’a gə kɔr ta kila dɔ sí’g Mbata seḭ pajena: Jeḛ n’raje kaiya el.

Jeremi 3:13

Maji kar sí tegje gin néra gə́ kori-korije lə sí ləm, Maji kar sí tegje gin majikoji el lə sí No̰ Njesigənea̰, Ala’g lə sí ləm, Gə kaw gə́ seḭ awje yo gə́ nee no̰ magəje gə́ dɔ ɓee’g gel kagje lai gə́ to təb ləma, Gə mbad gə́ seḭ mbad kooje Ne ta ləm saar lé ləm tɔ. Njesigənea̰ ɓa pa bèe.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Ləbije 5:5

Togə́bè nana ɓa gə́ ar ta kára mbuna taje’g neelé wa dəa ndá a teggin kaiya ləa gə́ raga tɔ.

Malasi 3:8

See dəw a su kəm Ala wa. Mbata seḭ suje kəm ya. Nɛ seḭ pajena: See loo gə́ ra ɓa seḭ suje kəm keneŋ wa. To loo gə́ néje lə sí dɔg ɓa kəm kar sí unje təa kára arje Ala ləm, gə loo kar nékarje ləm tɔ.

Lugu 16:15

Jeju ula dee pana: Seḭ lé seḭ rabje rɔ sí kəm dəwje’g mba kar dee d’oo sí gə́ njémeekarabasurje nɛ Ala gər meḛ sí gao ya. Mbata né gə́ rab rəa kəm dəwje’g raga lé Ala lé oo gə́ ram né ya.

Lugu 7:47

Gelee gə́ nee ɓa ma m’ulai ne təsərə, kaiya reaje gə́ to tap-tap lé ɔr dəa’g mba̰, mbata yeḛ undam dan kəmee’g yaa̰. Nɛ dəw gə́ kaiya dɔ dəa’g bəl ba ɓa ma m’ɔr dəa’g ndá yeḛ a ndigim bəl ba bèe ya tɔ.

Njé gə́ Epesə 4:32

Raje meemaji gə na̰ ləm, ooje kəmtondoo lə na̰ ləm tɔ. Maji kar sí arje meḛ sí oso lemsé dɔ na̰’g to gə́ Ala kara ar mée oso lemsé dɔ sí-seḭ gə́ ɔmje na̰’d gin Kristi’g lé tɔ.

Jujé 7:19

Juje ula Akan pana: Ŋgonəm, ula rɔnduba dɔ Njesigənea̰, Ala lə Israɛlje’g ləm, ila riɓar dəa’g ləm tɔ. Tɔɓəi ulam né gə́ i ra ɓó iya səm dəa el.