Pakɔsje 32:3 - Maktub gə́ To gə Kəmee

³ Sim gə́ m’isi dɔ mundu lé Siŋgam ndusu ne budu-budu M’tuma̰ ne rɔm ŋgururu-ŋgururu gə ndɔ Saar ar kàr uru naŋg.

Pakɔsje 32:3 ပူးပေါင်းရင်းမြစ်များ

2 Samel 11:27

Loo gə́ kwa ndòo yoo lé kuree as mba̰ ndá Dabid ula kula ar dee ree səa kəi ləa. Yeḛ tel to dené ləa ndá yeḛ oji səa ŋgon gə́ diŋgam. Nɛ né gə́ Dabid ra lé taa kəm Njesigənea̰ el.

Maktub gə́ wɔji dɔ Jɔb 3:24

Tuma̰ ŋgururu-ŋgururu ɓa gə́ muru ko̰ ləm ləm, Ndu kii ləm ɓa taa loo pəl-pəl to gə́ mán bèe ləm tɔ.

Maktub gə́ wɔji dɔ Jɔb 30:17

Loondul lé sɔ siŋgam rug-rug ləm, Némeeko̰ gə́ aw yɔməm lé əw rəa el ləm tɔ.

Maktub gə́ wɔji dɔ Jɔb 30:30

Ndarəm pélé tɔr wuyum-wuyum ləm, Siŋgarɔmje guru rug-rug gə rɔnuŋga ləm tɔ.

Pakɔsje 22:1

Pakɔs lə Dabid gə́ ar bao-pa mba karee ɔs sə dee lé. D’ɔs gə ndu gwɔsee gə́ ria lə Duje-kai-mán-lə-daje.

Pakɔsje 38:3

Mbata ɓandaŋgje ləi d’wam ləm, Jii kara wɔi dɔm’g ndiŋ-ndiŋ ləm tɔ.

Pakɔsje 38:8

Dunm nuŋga ne kəd-kəd ləm, Darɔm si gə́ majee gə́ tḛ́-tḛ́ bèe el ləm tɔ.

Pakɔsje 51:8

Nɛ i lé ndigi kar kankəmta ur kəi mee dəw’g njɔd, Bèe ndá maji kari ar kəmkàr to məəm’g!

Pakɔsje 6:2

Njesigənea̰, maji kari ar bo̰ néram ɔs tam’g Loo gə́ oŋg ḭ səi el lé ləm! Tɔjim kəmkàr lal kar məəi ḭ səi jugugu ləm tɔ.

Gosota-Kəmkàrje 17:22

Mee dəw gə́ lelee lé to kuma̰ gə́ maji mbata lə darəa, Nɛ rɔkwəi sululu lé sɔ siŋgarea tɔ.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Esai 57:17

Gə goo mal né gə́ ra dee Gə́ ar ta wa ne dɔ dee lé ɓa Oŋg ḭ ne səm pu dɔ dee’g Am m’unda dee ne ləm, Ma m’iya ne rɔm pḛ́ dan oŋg’d ləm ləm tɔ, Ndá njekɔsta rəw aw ne rəw gə́ mée ndigi’g.

Esai 59:11

Jeḛ lai j’injaje miḭ to gə́ da-urs bèe ləm, Jeḛ n’tuma̰je ŋgururu-ŋgururu to gə́ dərndaje bèe ləm, Jeḛ ŋginaje kɔr dɔ sí kúla’g nɛ lé godo ləma, Jeḛ ŋginaje kaji nɛ nai sə sí əw ləm tɔ.

Nɔ̰-ndôo gə́ wɔji dɔ Jerusalem 1:3

Judaje d’aw ɓee-ɓər’g Ar dee d’ula kəm dee ndòo ləm, D’ɔm boo-kula ɓər dɔ dee’g ləm tɔ, Deḛ d’isi keneŋ mbuna ginkoji dəwje gə́ raŋg’g Nɛ deḛ d’iŋga loo-si lɔm el. Deḛ lai gə́ to njékula kəm dee ndooje lé D’uba dee naŋg bus gə boo-néurtije.

Nɔ̰-ndôo gə́ wɔji dɔ Jerusalem 3:4

Yeḛ ar dakasrɔm gə ndar rɔm lé Ndòlé mbao-mbao ləm, Yeḛ guru siŋgarɔmje lé kara Rug-rug ləm tɔ.

Nɔ̰-ndôo gə́ wɔji dɔ Jerusalem 3:8

Ma m’ila boo-ndum naŋg M’no̰ m’ɓar-ɓar Mba kar dee la səm nɛ pi ləm, Yeḛ un mbia rəw dɔ tamaji’g ləm ləm tɔ.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

1 Samel 31:13

Deḛ d’odo siŋga dee d’aw dubu dee gel mas’g ɓee gə́ Jabɛs ndá deḛ d’ɔg meḛ dee ɓoo as ndɔ siri.