Pakɔsje 31:7 - Maktub gə́ To gə Kəmee

⁷ Deḛ gə́ d’unda rɔ dee mbo̰-mbo̰ gə́ rɔ magə-poleje’g gə mḭdé ba lé Ma m’ə̰ji dee bəḭ-bəḭ, Nɛ m’ɔm məəm dɔi-i Njesigənea̰’g ya.

Pakɔsje 31:7 ပူးပေါင်းရင်းမြစ်များ

Nehemi 9:32

Nɛ ɓasinè, əi Ala lə sí, Ala gə́ boo Njesiŋgamoŋ gə́ to ɓəl kədm-kədm, I gə́ aa dɔ manrɔ ləi ləm, Ar məəi ɔr jol-jol ləm tɔ lé Nékəmndooje lai gə́ ra síjeḛ ləm, gə mbaije lə sí ləm, Gə ŋgan-mbaije lə sí ləm, Gə njékinjanéməsje lə sí ləm, Gə njéteggintaje lə sí ləm, Gə bɔ síje-je ləma, Gə koso-dəwje ləi lai ləm tɔ Un kudee mee ndəa’g lə mbaije gə́ Asiri Saar teḛ ne ɓogənè lé Maji kari oo gə́ né gə́ lam ba kəmi’g el.

Maktub gə́ wɔji dɔ Jɔb 10:9

Maji kari ar məəi olé dɔ’g to gə́ a̰ji ɓa i ubam ne, See i a ndigi telm gə́ nduji naŋg gogo wa.

Maktub gə́ wɔji dɔ Jɔb 23:10

Lé bèe kara yeḛ gər rəw-kabm gao, Loo gə́ yeḛ a naam ndá M’a kunda loo teḛ gə rɔm gə́ àr ŋgad-ŋgad to gə́ larlɔr bèe.

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 119:153

Maji kari oo kəm lootondoo’g Ɓó gə taam ilam ne tar ya kari Mbata ma lé m’ar məəm wəi dɔ godndui’g lé el.

Pakɔsje 13:5

Mba kar njeba̰ ləm ḭ pana: Neḛ n’dum dɔm mba̰ bèe el ləma, Mba kar njékoma̰ səmje lé d’al rɔ dee Loo gə́ m’unda ndolè lé el ləm tɔ.

Pakɔsje 142:3

M’ree gə ta no̰ ləm nea̰’g ləm, M’ɔr sor néurti gə́ ram lé m’aree ləm tɔ.

Pakɔsje 25:18

Maji kari oo kəmtondoo ləm ləm, gə ndookoo ləm ləm tɔ Ndá ar məəi ti mbidi dɔ kaiya ramje’g lai.

Pakɔsje 71:20

Dan nékəmndoo’g gə dan némeekonje’g lé I aḭ ne məəm ya, Nɛ i a tel kam m’isi kəmba gogo ɓəi ləm, I a kam m’unda loo m’teḛ mee bwa-dɔɓar’g ləm tɔ.

Pakɔsje 9:13

Mbata yeḛ dal ba̰ məs ləm, Yeḛ ar mée olé dɔ njénékəmndooje’g ləm tɔ,

Pakɔsje 90:14

Teḛ gə ndɔ gə ndɔje kára-kára lai lé Ar meemaji ləi taa meḛ sí pəl-pəl Ndá j’a síje ne dan rɔlel’g gə dan rɔkal’g saar ndɔ kwəi lə sí ya.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 63:16

Lée togə́bè kara i ɓa to bɔ síje Mbata Abrakam gər sí el ləm, Israɛl kara gər sí el ləm tɔ. I Njesigənea̰ ɓa to bɔ síje Un kudee ləw-ləw ba lé Rii lə njekoga dɔ sí.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 3:50

Saar kar Njesigənea̰ gə́ si sém loo gə́ tar ya Ila kəmee oo ɓa.

Nɔ̰-ndôo gə́ wɔji dɔ Jerusalem 5:1

Njesigənea̰, ar məəi olé dɔ né gə́ teḛ dɔ sí’g lé! Aa loo oo rɔkul gə́ d’ila dɔ sí’g lé!

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.