Pakɔsje 31:6 - Maktub gə́ To gə Kəmee

⁶ M’ya̰ ndiləm meḛ jii’g, Njesigənea̰, Ala gə́ njegin kankəmta lé I nja a taa dɔm.

Pakɔsje 31:6 ပူးပေါင်းရင်းမြစ်များ

Pakɔsje 139:2

I oo loo kisi naŋg ləm ləm, gə loo kḭ tar ləm ləm tɔ, Takə̰ji ləm gə́ nai əw ɓəi lé i oo gao ya.

Pakɔsje 24:4

Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

Pakɔsje 26:5

Loo-kwa-dɔ-na̰ lə njéra némajelje lé Ma m’ə̰ji bəḭ-bəḭ ləm, M’isi na̰’d gə njémeeyèrje el ləm tɔ.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Junas 2:8

Loo gə́ ndiləm teḛ pərəŋ ndá M’ar məəm olé dɔi-i Njesigənea̰’g, Tamaji ləm kara aw njal teḛ rɔi’g Mee kəi’g ləi gə́ to gə kəmee doi lé tɔ.

Tagə́maji gə́ Ja̰ ndang 2:8

Yen ɓa yeḛ ula dee pana: Ɓasinè ɔrje awje ne rɔ mbai gə́ njenaḭ’g lé. Ndá deḛ d’ɔr d’aw ne rəa’g ya tɔ.

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

1 Njé gə́ Kɔrḭtə 10:20

Ma m’pana: Né gə́ njépole-magəje pole ne magəje lé deḛ d’inja gə́ məs d’ar ndilje gə́ yèr lé ɓó d’ar Ala el. Togə́bè ɓa, ma m’ndigi kar sí ɔmje meḛ sí na̰’d sad gə ndilje gə́ yèr lé el.

1 Njé gə́ Kɔrḭtə 8:4

Togə́bè ɓa, ta sɔ da nékulje gə́ d’inja gə́ məs d’ar magəje lé jeḛ n’gər gao magəje gə́ dɔ naŋg neelé to gə́ né el. Ala lé yeḛ nja kára ba kiao ɓa si gən.