Pakɔsje 31:3 - Maktub gə́ To gə Kəmee

³ Maji kari tuga mbii par gə́ rɔm’g ləm, Ɔs ne rɔi ɓad gə́ ree la səm ya ləm tɔ. Maji kari to biri mbal gə́ loo-kula-dɔm to keneŋ ləm, Gə kəi-kaar-kɔgərɔ gə́ m’iŋga kaji keneŋ ləm tɔ.

Pakɔsje 31:3 ပူးပေါင်းရင်းမြစ်များ

Nehemi 9:12

I ɔr no̰ dee dan kàrá gə mum gə́ mbo̰ na̰ sururu ləm, Loondul’g ndá i ɔr no̰ dee gə pər gə́ mbo̰ na̰ sururu Gə́ ndogó rəw-kaw dee’g ar dee d’aw gée’g ləm tɔ.

Nehemi 9:19

Nɛ I lé, gə goo boo-meekɔrjol ləi lé I uba dee ya̰ dee dɔdilaloo’g el Ndá mum gə́ mbo̰ na̰ sururu Gə́ ɔr no̰ dee rəw-kaw dee’g dan kàrá lé sané el ləm, Pər gə́ mbo̰ na̰ sururu Gə́ ndogó no̰ dee’g loondul’g rəw-kaw dee’g Gə́ d’aw gée’g lé kara sané el ləm tɔ.

Pakɔsje 102:3

Ɔn kəmi səm ndɔ gə́ néurti ram’g el, Lel mbii par gə́ rɔm’g loo gə́ m’ra né gə ndum wəl lé Ɔs rɔi ɓad gə mba kam né gə́ ma m’dəjii lé,

Pakɔsje 116:2

Mbata yeḛ tuga mbia par gə́ rɔm’g ya, Bèe ndá m’a ɓar ria loo gə́ m’isi ne kəmba lé saar-saar ya tɔ.

Pakɔsje 139:24

Aa loo oo ɓó lé m’aw rəw gə́ majel’g ndá Ɔr nɔm dan rəw gə́ to gə no̰’g.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 25:11

Ǝi Njesigənea̰, mbɔl dɔ rii lé ɓa I ar məəi ti ne mbidi dɔ néra kori-kori’g ləm, Mbata to né gə́ boo ya.

Pakɔsje 25:5

Maji kari ɔr nɔm dan kankəmta’g ləi, gə́ ndoom ne né, Mbata i nja to Ala gə́ njekajim, M’unda məəm yel dɔi’g ta-ta ya.

Pakɔsje 25:9

Deḛ gə́ d’ula dɔ dee lé Yeḛ ɔr no̰ dee dan rəw gə́ danasur’g ləm, Deḛ gə́ d’ula dɔ dee lé Yeḛ ndoo dee rəw ləa ləm tɔ.

Pakɔsje 43:3

Maji kari ula gə lookàr ləi gə meenda londoŋ ləi am! Maji kar dee d’ɔr nɔm ləm, Maji kar dee d’onm par gə́ dɔ mbal’g ləi gə́ to gə kəmee ləma, Gə par gə́ loo-sije’g ləi ləm tɔ!

Pakɔsje 71:3

Maji kari to gə́ biri mbal ləm gə́ to njo̰loo-kula-dɔm keneŋ Gə́ m’askəm tel gə́ keneŋ gə ndɔm-ndɔm ya! I ya wɔji njaŋg gə mba kam m’iŋga kaji Mbata i lé to biri mbal ləm gə kəi-kaar-kɔgərɔ ləm ləm tɔ.

Pakɔsje 79:9

Ala, i gə́ to njekaji sí lé Maji kari ree la sə sí gə mba kar rii ɓar ne ləm, Gə́ taa dɔ sí ar məəi oso lemsé dɔ kaiya ra síje’g Mbata lə rii-i nja ləm tɔ.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Lugu 1:79

Mba ndogó dɔ dəwje gə́ d’isi loo gə́ ndul njudu-njudu’g Gə d’isi loo gə́ ndil yoo dəb dɔ dee’g bigim ləm, Mba kar sí j’oo loo kila gɔl sí rəw meekulɔm’g lé ləm tɔ.

Tagə́maji gə́ Ja̰ ndang 16:13

Loo gə́ njenai sə sí, yeḛ gə́ to Ndil gə́ gəd lé a ree ndá yeḛ a kɔr no̰ sí dan kankəmta’g, mbata yeḛ a kula sí ta gə́ mbaiyee kea̰ el, nɛ taje lai gə́ yeḛ oo lé ɓa yeḛ a kula sí ləm, yeḛ a riba sə sí dɔ néje gə́ d’a gə ree lé ləm tɔ.

Njé gə́ Epesə 1:12

mba kar síjeḛ gə́ j’unda meḛ sí yel dɔ Jeju Kristi’g kédé lé jeḛ n’to ne nékila riɓar dɔ rɔnduba’g ləa ya.

Jujé 7:9

Kana̰je gə deḛ lai gə́ d’isi mee ɓee’g neelé d’a koo taree ndá d’a ree kaḭ dɔ sí sub ləm, d’a kar ri sí udu bo̰ dɔ naŋg nee ləm tɔ. Ŋga see ɗi ɓa i a ra mba kar boo-riɓar ləi to ne ɓəi wa.