Pakɔsje 31:2 - Maktub gə́ To gə Kəmee

² Njesigənea̰, m’saŋg njo̰loo-kula-dɔm rɔi’g ya. Maji kari ar rɔkul dəb dɔm’g el ŋga. Maji kari taam ɓó gə ajim Gə goo rəw gaŋgta ləi gə́ to gə dɔ najee.

Pakɔsje 31:2 ပူးပေါင်းရင်းမြစ်များ

2 Samel 22:3

Ala ləm tɔ biri mbal ləm Gə́ m’iŋga ne njo̰loo-kula-dɔm keneŋ. Yeḛ to dər-rɔ ləm gə́ m’a maji ne ləm, Gə loo ləm gə́ to tar sab gə́ m’ula dɔm keneŋ ləm tɔ.

Maktub gə́ wɔji dɔ Jɔb 7:21

See gelee ban ɓa i ar məəi oso lemsé dɔ kaiya’g ləm el ləm, I ar məəi wəi dɔ néra kori-korije’g ləm el ləm tɔ wa. Mbata ɓasinè m’a gə to babur’g. I a saŋgəm nɛ a koom el tɔ.

Pakɔsje 102:2

Njesigənea̰, maji kari oo tamaji ləm, Ɓó gə mba kar ndu no̰ ləm lé Aw saar teḛ ne rɔi’g ya.

Pakɔsje 130:2

Mbaidɔmbaije, maji kari oo ndum ya kari, Maji kari ur mbii gèŋ gə mba koo ne ndòo ra gə́ m’ra rɔi’g lé.

Pakɔsje 143:7

Ǝi Njesigənea̰, maji kari ɔs rɔi ɓad Gə mba kam né gə́ ma m’dəjii lé! Meem ila kas bilim. Maji kari o̰ kəmi səm el. Ɓó lé bèe el ndá m’a tel to asəna gə deḛ gə́ d’ɔm dee bwa-dɔɓar’g bèe.

Pakɔsje 25:2

Ala ləm, i nja ɓa m’ɔm məəm dɔi’g Ndá maji kar rɔkul ḭ dəb dɔm’g el! Maji kar njéba̰je ləm d’un baŋga dɔm’g el to!

Pakɔsje 40:17

Maji kar dee-deḛ lai gə́ ndolè gooi D’isi dan boo-rɔkal’g ləm, ra rɔlel dɔi’g ləm tɔ! Maji kar deḛ gə́ d’unda kaji ləi dan kəm dee’g Pa taree lal kwa ta dee pana: Njesigənea̰ nja to gə́ boo!

Pakɔsje 62:7

Oiyo, yeḛ lé to biri mbal ləm gə njegin kaji ləm ya tɔ. Yeḛ to njo̰loo-kula-dɔ ləm gə́ to tar sab. Bèe ndá m’a kunda ndolé nda̰ el.

Pakɔsje 69:17

Njesigənea̰, maji kari ilam keneŋ am ne né gə́ m’dəjii Mbata meemaji ləi dum dɔ loo ya, Maji kari tel kəmi par gə́ rɔm’g oom Mbata kookəmtondoo ləi lé boo dum dɔ loo ya tɔ.

Pakɔsje 7:2

Njesigənea̰, Ala ləm, m’saŋg loo-kula-dɔm rɔi’g, Maji kari ɔrm ji deḛ gə́ d’ula kəm ndòo’g lé ajim.

Pakɔsje 79:1

Pakɔs lə Asap. Ǝi Ala, Ginkoji dəwje gə raŋg lé aa loo pəl-pəl dɔ nédɔji’g ləi ləm, Kəi ləi gə́ to gə kəmee doi lé d’ila ndɔl dɔ’g ləma, Jerusalem kara d’aree tel to gə́ kɔr mbalje Gə́ d’wa kugu dɔ na̰’d bèe ləm tɔ.

Pakɔsje 86:1

Tamaji lə Dabid. Njesigənea̰, ur mbii gèŋ ɓó gə́ ilam keneŋ, Mbata ma lé m’to gə́ njendoo gə njenékəmndoo ya.

Pakɔsje 90:1

Tamaji lə Moyis, dəw lə Ala. Mbaidɔmbaije, i nja to njo̰loo-kula-dɔ lə sí kédé gə́ ləw saar ɓasinè.

Pakɔsje 91:9

Mbata Njesigənea̰ lé to njo̰loo-kula-dɔ ləi, I ar Njekurdɔloo’g lé to loo-sii ya.

Pakɔsje 94:22

Nɛ Njesigənea̰ lé to kəi-kaar-kɔgərɔ ləm ləm, Ala ləm lé to biri mbal gə́ to njo̰loo-kula-dɔ ləm lé ya ləm tɔ.

Gosota-Kəmkàrje 22:17

Ur mbii oo ne ta lə njékəmkàrje ləm, Unda məəi dɔ négər’g ləm ləm tɔ.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Lugu 18:8

Ma m’ula sí təsərə yeḛ a kḭ kalaŋ ra rəwta lə dee gə tɔgee ya. Nɛ see loo gə́ Ŋgon-dəw a gə ree lé see a kiŋga njémeekunje gə́ dɔ naŋg neelé nja to wa.

Tagə́maji gə́ Ja̰ ndang 6:56

Yeḛ gə́ sɔ darɔm ləm, gə ai məsm lé ləm tɔ ndá yeḛ uru məəm’g ləm, ma kara m’uru mée’g ləm tɔ.

Tel tura Godndu 32:31

Mbata yeḛ gə́ to mbal lə dee lé To asəna gə yeḛ gə́ to mbal lə síjeḛ el, Njéba̰je lə sí ya kara To gə́ njékɔr géeje ya tɔ.

1 Ja̰ 4:12

Dəw kára kara oo Ala nda̰ bèe el, ɓó lé jeḛ j’unda na̰ dan kəm na̰’d ndá Ala kara nai meḛ sí’g ləm, meenoji ləa kara ɔr dɔ meḛ sí’g ləm tɔ.