Pakɔsje 31:12 - Maktub gə́ To gə Kəmee

¹² Njékoma̰ səmje lai telm gə́ nérɔkul gə́ boo ləm, Gə nérɔkul gə́ boo mbata lələm ləma, Gə né gə́ to ɓəl kədm-kədm mbata lə njéboatakəije ləm ləma Gə né gə́ to ɓəl kədm-kədm mbata lə baokuraje ləm ləm tɔ, Deḛ gə́ d’oom raga lé D’aḭ d’unda rɔ dee ŋgərəŋ rɔm’g.

Pakɔsje 31:12 ပူးပေါင်းရင်းမြစ်များ

Maktub gə́ wɔji dɔ Jɔb 19:13

Yeḛ ar ŋgakɔmje d’unda rɔ dee ŋgərəŋ rɔm’g ləm, Ar baokuraje ləm kara sa rɔ dee rəw rɔm’g ləm tɔ.

Maktub gə́ wɔji dɔ Jɔb 19:14

Njé’g ləm d’ubam d’ya̰’m ləm, Baokuraje ləm gə́ gəd ya kara meḛ dee wəi dɔm’g ləm tɔ.

Pakɔsje 119:83

Mbata ma lé m’to asəna gə ɓɔl gə́ naa̰ tar kəm sa’g bèe, M’ar məəm wəi dɔ godnduije’g lé nda̰ el.

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Pakɔsje 38:12

Baokuraje ləm gə deḛ gə́ gərm kara D’unda rɔ dee ɓad rɔm’g mbata lə doo ləm, Njé’g ləm gə́ pər ya kara D’aar ŋgərəŋ səm ləm tɔ.

Pakɔsje 89:52

Ǝi Njesigənea̰, ar məəi olé dɔ boo-nérɔkulje’g lə njéba̰je ləi ləm, Dɔ boo-rɔkulje’g lə deḛ gə́ d’ila dɔ yeḛ gə́ i wa dəa gə ubu lé ləm tɔ.

Esai 30:14

Ndògo-bɔrɔ neelé d’a tɔ pɔs-pɔs To gə́ tɔ ne jo lə njekubajo Gə́ deḛ tɔ d’ar gailá nai el ləm, Esé a kiŋga əb keneŋ Gə mba kun ne pər mee pil’g el ləma, Esé d’a kɔr ne mán ɓul-mán’g bèe el ləm tɔ.

Loo gə́ killa rea kəm Ja̰’g 2:27

Yeḛ a kon dee gə kag-lar to gə́ dəw tɔ ne jo a̰jije pɔs-pɔs bèe to gə́ ma kara Bɔm un ndia am gə mba ra togə́bè ya tɔ.