Pakɔsje 30:6 - Maktub gə́ To gə Kəmee

⁶ Mbata oŋg ləa lé kuree əw waga ba, Nɛ meenoji ləa lé to saar-saar gə no̰. Loondul’g lé no̰ ndòo to ya, Nɛ teḛ gə́ ndɔ rad lé boo-rɔkal teḛ tɔ.

Pakɔsje 30:6 ပူးပေါင်းရင်းမြစ်များ

Pakɔsje 10:6

Yeḛ ə̰ji ta mée’g pana: Né a yə ŋgira neḛ el. Loo ɔn dɔ neḛ mbèd ndá Meeko̰ a koso dɔ neḛ’g nda̰ el.

Pakɔsje 119:117

Maji kari to gə́ négədm Gə mba karm m’aji ne ləm, Gə mba karm m’ra ne godnduije lé lal kəw rɔm ləm tɔ.

Pakɔsje 126:6

Yeḛ gə́ odo kó né gə mán-no̰ kəmee’g Gə mba kaw dubu lé A tel gə boo-rɔkal Loo gə́ yeḛ odo dɔmaḭ-kée lé gə́ ɓée ya tɔ.

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Pakɔsje 16:8

Njesigənea̰ lé m’undá nɔm’g ta-ta, Mbata yeḛ aar dɔ jikɔlm’g Mba kam m’unda ne ndolè nda̰ el.

Esai 47:7

Seḭ paje pana: Seḭ a toje mbai dɔ ɓeeko̰je ya saar-saar! Seḭ ə̰jije meḛ sí’g to gə́ néje neelé Rudu dee a kun ɗiao bèe el ya saar.

Esai 54:7

Ma m’uba sí m’ya̰ sí, waga ba ya Nɛ gə goo boo-meenoji ləm lé M’a tel kwa sí gə́ rɔm’g.

Esai 56:12

Gə́ reeje, m’a kaw saŋg mán-nduú Ndá jeḛ j’a kaije nékai gə́ mḭ! Bèlè kara j’a ra togə́bè ya ɓəi ləm, J’a kaije yaa̰ karee ur dɔ yeḛ gə́ nee ya ɓəi ləm tɔ!

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Lugu 12:19

ndá n’a kula rɔ neḛ pana: Rɔm, nékiŋgai to yaa̰, a ra səi ləb bula yaa̰. Bèe ndá maji kari taa kəmə ɓó gə sɔ gə ai ra ne rɔlel tɔ.

2 Njé gə́ Kɔrḭtə 12:7

Tɔɓəi gə mba kam m’beelé m’ti ne rɔm mbata lə néje gə́ dumkoo gə́ to loo-kiya’g gə́ deḛ riba dɔ dee’g d’am m’oo lé el ndá d’ar kun ɔs ne dakasrɔm, yee ɓa to njekula lə Njekurai gə a gə kɔsm ta-ta mba kɔgm ne loo ti ne rɔm mugugu-mugugu ya.