Pakɔsje 30:12 - Maktub gə́ To gə Kəmee

¹² Ndu no̰je ləm lé I nja tel dee gə́ ndu kalrɔ ləm, I ɔr kubu-kwa-ndòo ləm tel ula ka̰ rɔlel rɔm’g

Pakɔsje 30:12 ပူးပေါင်းရင်းမြစ်များ

Gḭ-Néje 49:6

Ma lé m’ɔm sə dee na̰’d dɔ tapa dee’g gə goo ŋgəḭ el ləm, Ndiləm ɔm sə dee na̰’d loo-kwa-dɔ-na̰’g lə dee el ləm tɔ! Mbata deḛ tɔl dəwje gə goo oŋg gə́ to meḛ dee’g ləm, Deḛ tḭja kwɔi bɔ maŋgje lé Gə goo meeyèr lə dee lé ləm tɔ.

Este 8:16

Mbuna Jibje’g kara si maji gə rɔlel gə boo-rɔkal ɓa to keneŋ tɔ.

Este 9:22

To mee ndɔje neelé ɓa deḛ d’iŋga loo-kwa-rɔ dee loo gə́ deḛ taa ne rɔ dee ji njéba̰je’g lə dee ndá d’a ra naḭ gə́ wɔji dɔ kəmndoo gə́ d’isi keneŋ gə́ tel to rɔlel ləm, gə ndɔ némeeko̰ lə dee gə́ tel to ndɔ ra naḭ ləm tɔ. Bèe ɓa ndɔje neelé a to ndɔ muru-gad ləm, gə ndɔ rɔlel ləm, d’a kar na̰ nénojije yo gə́ nee ləma, d’a kai njéndooje né keneŋ ləm tɔ.

Pakɔsje 13:6

Ma lé m’ɔm məəm dɔ meemaji’g ləi, Boo-rɔlel kara taa məəm pəl-pəl Mbata kaji ləi gə́ i ajim ne lé ya tɔ. M’ɔs pa m’ar Njesigənea̰ Mbata yeḛ ra səm maji.

Pakɔsje 145:2

M’a kar dɔi ai səgərə gə ndɔm-ndɔm ləm, M’a kunda no̰ rii gə ndɔm-ndɔm saar gə no̰ ya ləm tɔ.

Pakɔsje 16:9

Gelee gə́ nee ɓa m’isi ne dan rɔlel’g ləm, Ndiləm al ne rəa gə boo-rɔkal ləma, Darɔm kara si ne maji lɔm Am m’unda ne məəm yel gə́ dɔi’g ləm tɔ.

Pakɔsje 44:8

Nɛ i nja ɓa ɔr sí ji njéba̰je’g lə sí ləm, Deḛ gə́ d’ə̰ji sí bəḭ-bəḭ lé kara i ila rɔkul dɔ dee’g ləm tɔ.

Pakɔsje 57:8

Ǝi Ala, m’wa məəm kɔgərɔ, Ma m’wa məəm kɔgərɔ ya, M’a kɔs pa ləm, M’a kim nékimje ləm ləm tɔ.

Pakɔsje 71:14

Nɛ ma lé m’a kunda məəm yel gə ndɔje kára-kára lai, M’a pidii, m’a tel pidii ya gə́ kédé-kédé.

Pakɔsje 71:23

Loo gə́ m’ula rɔnduba dɔi’g lé Tam a pata rɔlelee ləm, Taa gə́ i taa dɔm lé A kar rɔlel taa ne məəm pəl-pəl ya ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Lugu 19:40

Nɛ yeḛ tel ila dee keneŋ pana: Ma m’ula sí təsərə, ɓó lé deḛ ɓa d’wa ta dee d’isi mundu ndá kɔr mbalje ɓa d’a ra né wəl-wəl ya!

Néra Njékaḭkulaje 4:20

Mbata jeḛ lé j’askəm kəw rɔ sí dɔ pata né gə́ jeḛ j’oo gə kəm sí gə mbi sí lé el.

Loo gə́ killa rea kəm Ja̰’g 7:12

pana: Amen! maji kar pa pidi ləm, gə rɔnduba ləm, gə kəmkàr ləm, gə ta ra oiyo ləm, gə riɓar ləm, gə siŋgamoŋ ləma, gə dɔmoŋ ləm tɔ lé d’ula dɔ Ala lə sí gə ləbee-ləbee saar-saar gə no̰. Amen!