Pakɔsje 3:5 - Maktub gə́ To gə Kəmee

⁵ M’no̰ gə ndum gə́ boi wəl m’ar Njesigənea̰ Ndá yeḛ ilam keneŋ dɔ mbal’g ləa gə́ to gə kəmee doi.

Pakɔsje 3:5 ပူးပေါင်းရင်းမြစ်များ

Pakɔsje 127:2

Seḭ lé seḭ ḭje tar gə ndɔ rad gə mḭdé ba ya ləm, Seḭ toje naŋg kalaŋ el gə mḭdé ba ləma, Seḭ o̰je muru gə́ wɔji dɔ kula rɔ ndubu lə sí ləm tɔ. Nɛ yeḛ lé ar deḛ gə́ yeḛ unda dee dan kəmee’g né togə́bè Loo gə́ deḛ toɓi lé.

Pakɔsje 34:5

Ma m’ndolè goo Njesigənea̰ ndá Yeḛ tel ilam keneŋ, Yeḛ ɔrm dan boo-néɓelje’g ləm lai ya.

Pakɔsje 4:8

Rɔlel gə́ i unda dɔɓəŋgərəm’g lé Ur dɔ ka̰ dee-deḛ’g Loo gə́ koje gə nduúje lə dee daa na̰ rɔ dee’g lé.

Pakɔsje 66:9

Mbɔl dəa ɓa j’isije ne kəmba, Yeḛ ya̰ loo ar gɔl sí unda ndolè el.

Gosota-Kəmkàrje 14:26

Yeḛ gə́ ɓəl Njesigənea̰ lé Iŋga né gəd rəa gə́ to njaŋg, Ŋganeeje d’iŋga njo̰loo-kula-dɔ dee keneŋ tɔ.

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Gosota-Kəmkàrje 3:24

Loo gə́ i to naŋg ndá I a ɓəl né kára kara el ləm, Loo gə́ i a to naŋg lé I a toɓi gə meelɔm ya ləm tɔ.

Esai 26:3

Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Ləbije 26:6

M’a kar meekulɔm to mee ɓee’g ləm, dəw kára kara a jɔg sí dɔ ɓi’g lə sí el ləm tɔ, m’a kar daje gə́ majel godo mee ɓee’g ləm, dəw a dəs gə kiambas mee ɓee’g lə sí el ləm tɔ.

Néra Njékaḭkulaje 12:6

Mee til gə́ bèlè d’a gə teḛ səa raga kəm koso-dəwje’g lé Piɛrə to dan njérɔje gə́ joo gə́ tɔ kúla gə́ rəa’g rɔ dee’g lé ndá yeḛ toɓi. Njérɔje joo d’aar takəi’g raga d’aar ŋgəm takəi daŋgai lé tɔ.