Pakɔsje 29:3 - Maktub gə́ To gə Kəmee

³ Ndu Njesigənea̰ ɓar dɔ manje’g pṵgum-pṵgum ləm, Ala gə́ njedo̰gɔr-ronduba ar ndi ndaŋg paḭ-paḭ ləm tɔ, Njesigənea̰ lé si dɔ baa-booje’g ya.

Pakɔsje 29:3 ပူးပေါင်းရင်းမြစ်များ

Maktub gə́ wɔji dɔ Jɔb 36:33

Ndu ndaŋg ləa ɓa yeḛ ɔr ne nea̰ Ndá koso-nékulje d’oo kaa ree ləa dəb tɔ.

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Pakɔsje 104:3

Yeḛ ra loo-siée dɔ manje gə́ tar ləm, Yeḛ ar kil-lə-ndi to gə́ pusu-rɔ ləa ləma, Yeḛ aḭ ŋgwɔd dɔ bag lel’g lé ləm tɔ.

Teḛ-Raga 19:16

Ndɔ gə́ njekɔm’g munda teḛ gə ndɔ lé ndi ndaŋg ləm, ndi tel ləma, ndi ḭ ŋgwɔḭ-ŋgwɔḭ ɔn dɔ mbal ləm tɔ, ndu to̰to̰ ɓar po̰-po̰, ar koso-dəwje lai gə́ d’isi loo-si dee’g neelé ɓəl unda dee badə gaŋg dee .

Teḛ-Raga 9:28

Raje tamaji ta Njesigənea̰’g mba kar ndi gə́ ndaŋg gə ndi kwɔji lé gaŋg ndá m’a kya̰ loo kar sí awje ya ɓó dəw a kɔg sí naŋg el ŋga.

Teḛ-Raga 9:33

Moyis unda loo mee kəi’g lə Parao̰ teḛ mba kaw raga gir ɓee-boo’g ndá yeḛ odo jia par gə́ rɔ Njesigənea̰’g, bèe ɓa ndi əw ne rəa ndaŋg ləm, ndi kwɔji kara gaŋg ne ŋgəji ləma, ndi oso ne naŋg teŋ el ŋga ləm tɔ.

Tagə́maji gə́ Ja̰ ndang 12:29

Boo-dəwje gə́ d’aar keneŋ d’oo lé pa pana: To gə́ ndi gə́ ndaŋg. Njé gə́ raŋg pana: Kura gə́ dara ɓa wɔji səa ta.

Néra Njékaḭkulaje 7:2

Etien tel ilá keneŋ pana: Ŋgakɔmje-je gə bɔmje-je, ooje ta ləm maji. Ala gə́ njero̰duba lé teḛ kəm bɔ síjeḛ Abrakam’g təsərə, loo gə́ yeḛ si Mesɔpotami kédé ɓa yeḛ aw si Sara̰ ɓəi, yeḛ ulá pana:

Loo gə́ killa rea kəm Ja̰’g 11:19

Kəi-Ala gə́ to dara lé təa ɔr to tag, ar sa̰duk-manrɔ gə́ yeḛ man ne rəa lé to raga ndəgəsə. Ndi tel ləm, dəwje d’unda bula ləm, ndi ndaŋg ləm, naŋg yə ɓugu-ɓugu ləma, ndi kwɔji kara ər ɓai-ɓai ləm tɔ.

Loo gə́ killa rea kəm Ja̰’g 16:18

Ndá ndi tel ləm, ndu dəwje ɓar ləm, ndi ndaŋg paḭ-paḭ ləma, naŋg yə ɓugu-ɓugu ləm tɔ, ndɔ kunda dəwje gə́ dɔ naŋg neelé saar ɓasinè dəw oo naŋg gə́ yə ɓugu-ɓugu togə́bè el ɓəi.

Loo gə́ killa rea kəm Ja̰’g 19:6

Tɔɓəi ma m’oo ndu ɓar asəna gə ndu boo-dəwje gə́ bula digi-digi gə́ ɓar asəna gə mán gə́ ula u-u-u bèe ləm, asəna gə ndi gə́ ndaŋg paḭ-paḭ bèe ləm tɔ pana: Aleluia! Mbata Mbaidɔmbaije Ala lə sí gə́ to Bao-siŋgamoŋ lé yeḛ nja o̰ ɓee mba̰.

Loo gə́ killa rea kəm Ja̰’g 4:5

Ndi gə́ tel ləm, gə ndaŋg ləma, gə ndu dəwje gə́ ɓar ləm tɔ lé teḛ dan kalimbai’g lé. Néje d’asəna gə pərŋgelje siri ndɔḭ no̰ kalimbai’g lé ndɔḭ wər-wər, deḛ nja to ndilje lə Ala gə́ siri lé.

Loo gə́ killa rea kəm Ja̰’g 8:5

Kura gə́ dara lé un bai-larlɔr, odo ne yel pər gə́ to dɔ loo-nékinjaməs’g ɔm mée’g aree rusu ɓa unda ilá dɔ naŋg nee. Ndu dəwje ɓar yi-yi ləm, ndi tel ləm, ndi ndaŋg ləma, naŋg yə ləm tɔ.

1 Samel 7:10

Loo gə́ Samel si inja nékinjaməs gə́ ka̰ roo lé bèe-bèe ndá Pilistije d’ɔr rɔ d’aw ɓee lə Israɛlje kaw rɔ sə dee. Njesigənea̰ ar ndi ndaŋg dɔ Pilistije’g mee ndəa gən ar dee d’ila rima-rima rəw kaw dee’g. Bèe ɓa Israɛlje dum dee ne ya.