Pakɔsje 28:3 - Maktub gə́ To gə Kəmee

³ Maji kari orəm na̰’d gə njémeeyèrje gə njéra né kori-korije el, Deḛ lé pata meelɔm gə mar deeje Nɛ gosɔyèr ɓa to meḛ dee’g.

Pakɔsje 28:3 ပူးပေါင်းရင်းမြစ်များ

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 10:7

Tajikil ləm, gə ta sukəmloo ləma, gə kərgoso ləm tɔ rusu təa tub-tub, Ta lèbè kəm dəwje gə ta néra gə́ kori-kori rusu gel ndəa̰ tɔ.

Pakɔsje 12:2

Ǝi Njesigənea̰, gə́ ree la sə sí! Njémeemajije d’isi sané pá ləm, Majikojije d’udu mbuna dəwje’g ləm tɔ.

Pakɔsje 141:4

Maji kari ar məəm aḭ teḛ par gə́ dɔ néraje gə́ majel’g el ləm, Gə m’ɔm na̰’d gə njéra majelje Mba ra sə dee né gə́ ka̰ kila ta dɔ loo’g el ləma, Gə mba kam m’ɔm sə dee na̰’d loo-muru-gad’g lə dee kára kara el ləm tɔ.

Pakɔsje 26:9

Deḛ gə́ to njékaiyaje, gə deḛ gə́ d’ila məs lé Maji kari orəm sə dee na̰’d més el.

Pakɔsje 36:4

Taje gə́ teḛ təa’g to taŋgɔm ləm, gə ta sukəmloo ləm tɔ, Yeḛ mbad ra né gə kəmkàr ləm, gə néra gə́ maji lé ləm tɔ.

Pakɔsje 52:1

Pakɔs lə Dabid gə́ ar bao-pa mba karee ɔs sə dee lé.

Pakɔsje 55:21

Yeḛ ula jia ndiŋ Mba kunda deḛ gə́ d’isi səa lɔm kédé ləm, Ndu manrɔ ləa kara yeḛ un kəmee dɔ’g rəw ya ləm tɔ.

Pakɔsje 62:4

See ndɔ gə́ ra ɓa seḭ a kəwje kḭ kɔmje na̰ dɔ dəw’g lé wa. See ndɔ gə́ ra ɓa seḭ lai a kəwje kḭ saŋgje loo mbata kṵdáje Kareje to asəna gə ndògo-bɔrɔ gə́ to podé lé Esé asəna gə ŋgalaŋ gə́ unda naŋg bèe lé wa.

Pakɔsje 7:14

Ɓandaŋ gə́ yeḛ wɔji ne dəw ɗig-ɗig lé To ɓandaŋg gə́ ka̰ yoo ləm, Yeḛ ar kandə ɓandaŋg ləa taa pər bilim-bilim ləm tɔ.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Bula lə Israɛlje 16:26

Yeḛ ula koso-dəwje pana: M’ra ndòo rɔ sí’g mba kar sí ḭje ta kəi-kubuje’g lə dəwje gə́ njémeeyèrje neelé awje əw ləm, gə mba kar sí ɔrɔje rɔ né lə dee kára kara el ləm tɔ nà seḭ a tujije sə dee na̰’d loo gə́ bo̰ kaiya ra deeje a gə kɔs ta dee’g bɔsɔrɔ lé.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.