Pakɔsje 27:9 - Maktub gə́ To gə Kəmee

⁹ Maji kari iya səm kəmi el ləm, Maji kari ɔs ŋgonjelookisi ləi gə oŋg ŋgərəŋ el ləm tɔ. I nja ɓa to njela səm Bèe ndá maji kari ya̰’m el ləm, Ubam ya̰’m el ləm tɔ, I Ala gə́ njekajim.

Pakɔsje 27:9 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

Pakɔsje 102:2

Njesigənea̰, maji kari oo tamaji ləm, Ɓó gə mba kar ndu no̰ ləm lé Aw saar teḛ ne rɔi’g ya.

Pakɔsje 102:3

Ɔn kəmi səm ndɔ gə́ néurti ram’g el, Lel mbii par gə́ rɔm’g loo gə́ m’ra né gə ndum wəl lé Ɔs rɔi ɓad gə mba kam né gə́ ma m’dəjii lé,

Pakɔsje 119:121

Ma m’aa dɔ godndui gə dɔ néra gə́ gə dɔ najee, Maji kari ubam ya̰’m ji njékorè dɔm naŋgje’g lé el.

Pakɔsje 13:1

Pa lə Dabid gə́ ar bao-pa mba karee ɔs sə dee lé.

Pakɔsje 143:7

Ǝi Njesigənea̰, maji kari ɔs rɔi ɓad Gə mba kam né gə́ ma m’dəjii lé! Meem ila kas bilim. Maji kari o̰ kəmi səm el. Ɓó lé bèe el ndá m’a tel to asəna gə deḛ gə́ d’ɔm dee bwa-dɔɓar’g bèe.

Pakɔsje 24:5

Débee neelé Njesigənea̰ a tɔr ndia dəa’g ləm, Meekɔrjol lə Ala a kajee ləm tɔ.

Pakɔsje 44:24

Mbaidɔmbaije, maji kari ḭta. See ban ɓa i toɓi wa. Maji kari teḛ kəmi ɓó ɔs sí rəw saar gə no̰ el.

Pakɔsje 51:11

Maji kari un kəmi dɔ kaiya ramje’g rəw ləm, Tuji néra kori-korije ləm lai ləm tɔ.

Pakɔsje 69:17

Njesigənea̰, maji kari ilam keneŋ am ne né gə́ m’dəjii Mbata meemaji ləi dum dɔ loo ya, Maji kari tel kəmi par gə́ rɔm’g oom Mbata kookəmtondoo ləi lé boo dum dɔ loo ya tɔ.

Pakɔsje 69:18

Maji kari iya səm kəmi, ma kura ləi lé el! Mbata ma lé m’isi dan néurti’g s Ndá ɔs rɔi ɓad mba kam né gə́ m’dəjii lé.

Pakɔsje 88:1

Pakɔs lə Koréje gə́ bao-pa ɔs sə dee lé. Deḛ d’ɔs gə tébé-ro̰gje. To pakɔs lə Heman gə́ to ŋgoka Ejrak.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 59:2

Nɛ to néra majel lə sí ɓa Tḭ sí gə Ala lə sí ləm, To kaiyaje lə sí ɓa Ɔg sí loo koo kəmee ləma, Gə ɔgee koo ta lə sí ləm tɔ.

Jeremi 32:40

M’a kun ndum kar dee gə manrɔ gə́ to gə no̰ ndá m’a kuba dee kya̰ dee el ləm, m’a ra sə dee meemaji ləma, m’a kar ɓəlm to dɔɓəŋgərə dee’g ləm tɔ gə mba kar dee sa rɔ dee rɔm’g el ŋga.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

1 Samel 7:12

Samel un mbal kára ila mbuna Mispa’g gə Seḭ’g ndá yeḛ ɓaree Eben-Ejer, mbata yeḛ pana: Njesigənea̰ la sə sí saar teḛ loo gə́ nee’g.