Pakɔsje 27:4 - Maktub gə́ To gə Kəmee

⁴ Ma m’dəji Njesigənea̰ né kára gə́ ma m’ndiŋga lé Ma m’ndəb ndəbee gə mba kiŋga: Ma m’ndigi si kəi lə Njesigənea̰ saar gə nɔm ya Gə mba korè ne kəm ndəŋ dɔ boo-ronduba’g lə Njesigənea̰ ləm, Gə mba kar kəm wəi ne sḭ dɔ kəi-siée’g ləm tɔ.

Pakɔsje 27:4 ပူးပေါင်းရင်းမြစ်များ

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

Pakɔsje 23:6

Tɔgərɔ ya, rɔlel gə meemaji d’a korè səm rəw na̰’d més Mee ndɔje lai gə́ m’isi ne kəmba Ndá m’a si kəi’g lə Njesigənea̰ saar rudu ndɔje’g ləm.

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Pakɔsje 26:8

Njesigənea̰, kəi-sii gə́ i si keneŋ lé Ma m’unda dan kəm’g, To loo gə́ rɔnduba ləi to keneŋ.

Pakɔsje 27:8

M’ə̰ji goo ta gə́ i pa pana: Maji kar sí n’saŋgje loo koo kəmi lé ndá Ǝi Njesigənea̰, m’saŋg loo koo kəmi ya to!

Pakɔsje 50:2

Mee ɓee gə́ Sio̰ gə́ ndoolé keḭ-keḭ lé Rɔnduba lə Ala ndogó jol-jol keneŋ.

Pakɔsje 65:4

Néra gə́ kori-korije lé al dɔm sula ya, I a kar məəi ti mbidi dɔ kaltaje’g lə sí.

Pakɔsje 84:10

Ǝi Ala, i gə́ to dər-rɔ lə sí lé maji kari oo ya, Maji kar kəmi to jḛ̀ dɔ yeḛ gə́ i wa dəa gə́ ubu lé ya.

Pakɔsje 84:4

Tḭtḭ iŋga kəi kula dəa keneŋ ləm, Ləbmsiri kara iŋga kəi ləa ɔm ŋganeeje keneŋ ya ləm tɔ Mbɔr loo-nékinjaməs’g ləi-i Njesigənea̰ gə́ njeboo-néje lé I gə́ to mbai ləm, gə Ala ləm lé ya.

Pakɔsje 90:17

Maji kar meenoji lə Njesigənea̰, Ala lə sí nai rɔ sí’g, Maji kari ar kula ra sí gə́ jeḛ n’raje gə ji sí to ne njaŋg, Oiyo, maji kar kula ra sí gə́ jeḛ n’raje gə ji sí to njaŋg ya.

Jeremi 29:13

Seḭ a saŋgmje ndá a kiŋgamje, ɓó lé seḭ a saŋgmje gə ŋgaw meḛ sí bura.

Loo gə́ killa rea kəm Daniel’g 9:3

Ma m’tel kəm par gə́ rɔ Mbaidɔmbaije Ala’g lé ləm, m’ra tamaji ləm, m’ra ndòo rəa’g ləm, m’ɔg məəm ɓó ləma, m’ula kubu-kwa-ndòo rɔm’g m’isi ne dan bu’g ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Lugu 10:42

Né kára ba gə́ ndée to lé yee ɓa gə́ né gə́ maji gə́ Mari orè kəmee dɔ’g nja, to né gə́ dəw a kwa rəa’g kɔr pai godo.

Lugu 13:24

Ɔsje rɔ sí ɓad mba kandə gə tarəw gə́ njo̰ ɓa. Mbata ma m’ula sí təsərə, njé gə́ na̰je bula d’a saŋg loo gə mba kandə keneŋ nɛ d’a kas el.

Lugu 18:1

Jeju un ta ula dee gə gosota tɔji dee gə mba kar dee d’oo, lé riri kara d’a ra tamaji ta Ala’g ta-ta ɓó d’a kar rɔ dee wəi dɔ’g sululu pai godo.

Lugu 2:37

Yeḛ si gə́ njekəisiŋga ɓəi ar ləbee aḭ rɔ-jinaijoo-giree-sɔ ndá yeḛ ya̰ mee kəi-Ala un gɔlee unda raŋg ndɔ kára el. Yeḛ wa Ala mée’g loondul’g gə dan kàrá ləm, ɔg ne mée ɓoo ta-ta ra ne tamaji təa’g ləm tɔ.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Pilibə 3:13

Ŋgakɔmje, ma lé m’oo rɔm to gə́ m’teḛ lée’g el ɓəi: né kára ba gə́ m’isi m’ra lé m’wa məəm mbidi m’ti dɔ né gə́ m’ya̰ goom’g gogo,

1 Timote 5:5

Dené gə́ to njekəisiŋga tɔgərɔ gə́ si gə karee ba lé yeḛ unda mée yel dɔ Ala’g ləm, yeḛ ra ne tamaji oso ne ndòo rəa’g ai ne mée sam-sam loondul’g gə dan kàrá ləm tɔ.

Ǝbrəje 11:6

Tɔgərɔ ya, ɓó lé meekun godo ndá dəw kára kara askəm taa kəm Ala el. Mbata kɔm mee dɔ Ala’g kée to gə́ yeḛ si gən ləm, kée gə́ yeḛ gə́ a kar nana gə́ ndolè uba maji ləm tɔ lé yee ɓa gə́ kuma̰ kar dəw rəm ne pər gə́ rɔ Ala’g ya.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 22:10

Ahimelek dəji Njesigənea̰ ta mbata ləa ləm, yeḛ aree muru gə kiambas lə Goliat gə́ to dəw gə́ Pilisti lé ləm tɔ.

1 Samel 30:8

Bèe ɓa Dabid dəji Njesigənea̰ pana: See m’a kun dɔ gɔl njérɔje nee wa. See m’a kiŋga dee ya wa. Njesigənea̰ tel ilá keneŋ pana: Un dɔ gɔl dee ndá i a kiŋga dee ləm, i a taa dee gə́ d’wa dee ɓər lé kɔm dee tar ya ləm tɔ.