Pakɔsje 26:9 - Maktub gə́ To gə Kəmee

⁹ Deḛ gə́ to njékaiyaje, gə deḛ gə́ d’ila məs lé Maji kari orəm sə dee na̰’d més el.

Pakɔsje 26:9 ပူးပေါင်းရင်းမြစ်များ

2 Samel 16:7

Taje gə́ Simei pa ila ne ndɔl dəa’g ɓa nee: Aw gə́ nu, aw gə́ nu, i dəw gə́ njekilaməs gə njemeeyèr.

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

Pakɔsje 139:19

Ǝi Ala, maji kari ar njémeeyèrje d’udu bo̰! Seḭ diŋgamje gə́ njékilaməsje lé Maji kar sí saaje rɔ sí rɔm’d gə́ raŋg.

Pakɔsje 51:14

Maji kari am m’tel m’ra rɔlel dɔ kaji’g ləi gogo ləm, Ar ndili am m’ndiŋga rɔm gə mba ra né gə́ maji ləm tɔ.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Malasi 3:18

Ndá seḭ a tel kooje loo to ɓəd lə njemeekarabasur gə njemeeyèr ləm, gə loo to ɓəd lə dəw gə́ njera né kar Ala gə yeḛ gə́ ra né aree el ləm tɔ.

Matiyo 24:51

Mbai lé a kḭ kuru dəa’g kundá gə ndəi gaŋg rəa təgərə-təgərə ləm, a korè gə njéhulaije na̰’d məs ləm tɔ. Lée neelé to loo gə́ d’a no̰ gə mán-no̰ kəm dee’g keneŋ ləm, gə d’a sɔ ŋgaŋ dee keneŋ pəgərə-pəgərə ləm tɔ.

Matiyo 25:32

Ginkoji dəwje gə raŋg d’a mbo̰ na̰ nea̰’g ɓa yeḛ nja a kɔr kəm dee to gə́ njekulbadje ɔr ne kəm badje ləa gə bya̰je ləa lé bèe ɓəi tɔ.

Matiyo 25:44

Yen ŋga d’a tel kila mbai’g lé pana: Mbai, see loo gə́ ra ɓa jeḛ j’ooi loo-ɓoo gə́ tɔli’g əsé loo-kṵdaman gə́ tɔli’g, əsé loo ree gə mbá’g ləi, əsé loo kaw gə kudu dum’g ləi, əsé loo-rɔko̰ gə́ rɔi’g, əsé loo-si kəi-daŋgai’g ləi ɓa jeḛ n’lal ra né j’ari wa.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

1 Samel 25:29

Ɓó lé dəw kára ḭ tuba gooi gə mba tɔli ndá Ala ləi gə́ Njesigənea̰ a kulai pḛ́ rəa’g mbuna njésikəmbaje’g nɛ njéba̰je ləi ɓa yeḛ a kila dee əw to gə́ dəw ila ne né gə yɔroŋ-dooje bèe.