Pakɔsje 26:6 - Maktub gə́ To gə Kəmee

⁶ M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Pakɔsje 26:6 ပူးပေါင်းရင်းမြစ်များ

Pakɔsje 24:4

Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

Pakɔsje 43:4

M’a kaw par gə́ loo-nékinjaməs’d gə́ ka̰ Ala Gə́ to Ala gə́ njegin rɔlel ləm gə njegin rɔkal ləm lé, Ǝi Ala, i gə́ to Ala ləm lé M’a kim kṵdu-kag lé pidii ne ya.

Pakɔsje 73:13

Togə́bè ɓa né gə́ m’ra mba kar məəm àr ne ŋgad-ŋgad lé M’ra kari ba ya ləm, Jimje gə́ m’togo m’riba ne dɔ ta gə́ wa dɔm el lé kara Tel to ne né gə́ gə mḭdé ba ya ləm tɔ.

Tagə́maji gə́ Ja̰ ndang 13:9

Simo̰ Piɛrə tel ilá keneŋ pana: Bèe ndá Mbaidɔmbaije, maji kari togo gɔlm ɓa goo kára ba el, nɛ togo jim gə dɔm bura ya.

Tel tura Godndu 21:6

Ŋgatɔgje lai gə́ mee ɓee-boo’g neelé, deḛ gə́ d’aw pər gə́ rɔ nin’g lé ndá d’a togo ji dee dɔ ma̰də maŋg gə́ deḛ təd gina gwɔbee kəm-rəw-mán’g lé.

1 Timote 2:8

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.

Titə 3:5

ndá yeḛ aji sí ya, meekɔrjol ləa lé gə batɛm gə́ yeḛ sugu sí ne ɓa yeḛ oji sí ne sigi gə goo siŋgamoŋ lə Ndilmeenda