Pakɔsje 26:4 - Maktub gə́ To gə Kəmee

⁴ Ma m’ɔr kura gə njétaŋgɔmje el ləm, M’njaa gə njéhulaije el ləm tɔ.

Pakɔsje 26:4 ပူးပေါင်းရင်းမြစ်များ

Maktub gə́ wɔji dɔ Jɔb 31:5

Ɓó lé m’njaa dan taŋgɔm’g ləm, Ɓó lé gɔlm wɔilɔ pélé-pélé loo-ra-goso-ɓogo’g ləm tɔ ndá

Pakɔsje 1:1

Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

Pakɔsje 101:4

Meekɔs ŋgwɔḭ lé m’a kunda ɓad gə́ raŋg ləm, Njemeeyèr lé kara ma m’ndigi kwá gə́ rɔm’g el ya ləm tɔ.

Pakɔsje 119:115

Seḭ njémeeyèrje lé ɔdje tam’d gə́ raŋg, Gə mba kam m’aa ne dɔ godnduje lə Ala ləm kər-kər.

Pakɔsje 119:63

Ma lé m’wa baokura gə deḛ lai gə́ ɓəli ləm, Gə deḛ gə́ d’aa dɔ ndukunje ləi kər-kər lé ləm tɔ.

Gosota-Kəmkàrje 12:11

Yeḛ gə́ ndɔ ndɔ ləa lé Muru asee nag-nag, Nɛ yeḛ gə́ ndolè goo néje gə́ gə mḭdé ba lé Kəmkàr na mée tas.

Gosota-Kəmkàrje 13:20

Yeḛ gə́ ɔr kura gə njékəmkàrje lé Tel to njekəmkàr tɔ, Nɛ yeḛ gə́ to njeboalookaw lə mbəje lé Iŋga némajel keneŋ.

Gosota-Kəmkàrje 9:6

Maji kar sí ubaje négərel lé yá̰je Ndá a síje tɔɓəi Seḭ a njaaje dan rəw’g lə gosonégər!

Jeremi 15:17

Ma m’isi loo-kwa-dɔ-na̰’g Le njékimlooje gə mba kal rɔm sə dee el, Nɛ gə goo siŋgamoŋ ləi lé M’isi ne gə karm ba, Mbata i ar oŋg-boo rusu məəm tub-tub.

1 Njé gə́ Kɔrḭtə 15:33

Ǝrje rɔ sí el: kɔr kura gə dəwje gə́ majel lé ɓa néra sí gə́ maji a tuji ne ya.

2 Njé gə́ Kɔrḭtə 6:17

Yee gə́ bèe ɓa Mbaidɔmbaije pana: Undaje loo mbuna dee’g teḛje, Saaje rɔ sí rɔ dee’g gə́ gogo, Ɓó tibije mbɔr né gə́ mina̰ lé el.