Pakɔsje 25:3 - Maktub gə́ To gə Kəmee

³ Deḛ lai gə́ d’unda meḛ dee yel dɔi’g lé Rɔ dee a kul el, Deḛ gə́ d’un dɔ mar deeje gə́ sḭ lé Deḛ nja rɔkul a dəb dɔ dee’g.

Pakɔsje 25:3 ပူးပေါင်းရင်းမြစ်များ

Gḭ-Néje 49:13

Jabulo̰ a ra ɓee ta baa-boo-kadje’g, Yeḛ a si dɔ koŋgo’g loo-kaar-batoje’g Ndá ŋgaŋ naŋg ləa a kaw njal teḛ Sido̰.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

Pakɔsje 109:3

Deḛ d’wam gə meḛ dee Təd ne taje ɓəd-ɓəd d’ɔm dɔm’g ləm, Deḛ d’undam ne ɓad lal ne né gə́ bèe ləm tɔ.

Pakɔsje 119:78

Njébeeleje gə́ d’orè dɔm naŋg lal né gə́ bèe lé Maji kar kəm sɔḭ wa kəm dee, Ma lé godnduije lé ma m’la̰ji tor dee məəm’g ya.

Pakɔsje 123:2

Aa oo, to gə́ kəm kuraje lé wəi sḭ dɔ ji ɓée deeje’g ləm, To gə́ kəm kura gə́ dené wəi sḭ dɔ ji ɓéeje gə́ dené bèe ləm tɔ lé Jeḛ nja kara n’telje ne kəm sí par gə́ rɔ Njesigənea̰ Ala’g lə sí togə́bè to Saar gə mba karee oo ne kəmtondoo lə sí.

Pakɔsje 132:18

N’a kar rɔkul dəb dɔ njéba̰je’g ləa rigim ləm tɔ, Nɛ dəa-yeḛ lé dɔgugu ləa a ndogó keneŋ kɔr jol-jol.

Pakɔsje 22:6

Deḛ no̰ gə́ rɔi’g ndá d’aji ne ləm, Deḛ d’ɔm meḛ dee dɔi’g ndá kəm sɔḭ ɓar ri dee el ləm tɔ.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Pakɔsje 31:17

Maji kari ar kəmi to jḛ̀ dɔ kura’g ləi, Maji kari ajim gə goo meenoji ləi!

Pakɔsje 31:18

Njesigənea̰, loo gə́ m’ɓar rii ndá Ar rɔkul dəb dɔm’g el. Maji kar njémeeyèrje ɓa rɔkul dəb dɔ dee’g ləm, Maji kar dee d’ur mee bwa’g dɔ mundu mbuna njé gə́ d’wəi’g ləm tɔ.

Pakɔsje 33:20

Jeḛ j’unda meḛ sí yel gə́ dɔ Njesigənea̰’g, Yeḛ lé to njela sə sí ləm, gə dər gel sí ləm tɔ.

Pakɔsje 35:26

Maji kar deḛ lai gə́ d’al rɔ dee dɔ nékəmndoo’g ləm lé Nai gə rɔkul ya! Maji kar deḛ gə́ d’ḭ səm kara Rɔkul-boo dəb dɔ dee’g bigim to!

Pakɔsje 37:34

Maji kari unda məəi yel dɔ Njesigənea̰’g Aa ne dɔ rəw ləa ndá Yeḛ a kuni gə́ tar kari iŋga dɔ naŋg neelé gə́ kaḭ ləm, I a koo ne njémeeyèrje gə́ d’udu guduru ya ləm tɔ.

Pakɔsje 6:10

Njesigənea̰ oo ta gə́ m’to ne təa’g ləm, Njesigənea̰ taa tamaji ləm rəgm ya ləm tɔ.

Pakɔsje 62:1

Pakɔs lə Dabid gə́ ar bao-pa mba karee ɔs sə dee gə goo ta lə Jedutun lé.

Pakɔsje 62:5

D’ɔm meḛ dee na̰’d téréré Gə mba kɔs dəw neelé gə́ loo-siée to tar sab karee oso tuji ne, D’al rɔ dee dɔ taŋgɔm’g, Dɔ ta dee ɓa ndutɔr ḭ keneŋ Nɛ meḛ dee gə́ kəi lé ta ndɔl ɓa teḛ keneŋ tɔ.

Pakɔsje 69:4

Ma lé m’no̰ m’sané siŋgam ləm, Rəw gwɔsm gə́ kəi tudu kurum-kurum ləma, Kəm kara tel ndul kɔl-kɔl ləm tɔ Loo gə́ m’aa ne loo gə́ par gə́ rɔ Ala’g lé ləm lé.

Pakɔsje 69:6

Ǝi Ala, i lé gər néra mbə ləm gao ya ləm, Néramje gə́ to gə goo rəbee el lé kara D’iya rɔ dee kəmi’g el ləm tɔ.

Pakɔsje 71:13

Deḛ gə́ ndigi tujim lé Maji kar kəm sɔḭ wa kəm dee ləm, Ar dee d’udu ne guduru ya ləm tɔ. Deḛ gə́ saŋg loo mba kam m’udu lé Maji kar rɔkul ḭ dəb dɔ dee’g ləm, Ar ndɔl wa dɔ dee ləm tɔ.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Nɔ̰-ndôo gə́ wɔji dɔ Jerusalem 3:25

Meemaji lə Njesigənea̰ lé To mbata yeḛ gə́ unda mée yel dəa’g Yeḛ gə́ saŋgee gə ŋgaw mée bura.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Tagə́maji gə́ Ja̰ ndang 15:25

Nɛ yee gə́ neelé teḛ togə́bè gə mba kar ta gə́ ndaŋg mee maktub godndu’g lə dee lé aw ne lée’g béréré ya, mbata ndaŋg pana: Deḛ d’ə̰jim bəḭ-bəḭ lal né gə́ bèe tɔ.

Njé gə́ Rɔmə 8:25

Nɛ ɓó lé jeḛ j’unda meḛ sí yel gə́ dɔ né gə́ jeḛ j’oo el ɓəi ndá j’ila ne meḛ sí po̰-po̰ ŋgina ne ya.