Pakɔsje 25:18 - Maktub gə́ To gə Kəmee

¹⁸ Maji kari oo kəmtondoo ləm ləm, gə ndookoo ləm ləm tɔ Ndá ar məəi ti mbidi dɔ kaiya ramje’g lai.

Pakɔsje 25:18 ပူးပေါင်းရင်းမြစ်များ

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

Pakɔsje 119:132

Maji kari tel kəmi par gə́ rɔm’g Ɓó gə oo né kəm lootondoo’g Gə goo nérai gə́ i ra Mbata lə deḛ gə́ d’unda rii dan kəm dee’g lé.

Pakɔsje 119:153

Maji kari oo kəm lootondoo’g Ɓó gə taam ilam ne tar ya kari Mbata ma lé m’ar məəm wəi dɔ godndui’g lé el.

Pakɔsje 132:1

Pakɔs kḭ kaw tuga ne loo ɗao-ɗao gə́ tar. Njesigənea̰, maji kari ar məəi olé teḛ dɔ Dabid’g ləm, Gə dɔ néje gə́ too lai gə́ rəa ləm tɔ.

Nɔ̰-ndôo gə́ wɔji dɔ Jerusalem 1:9

Yiro wa kubu gə́ rɔ dee’g Aree mina̰ jɔmri-jɔmri ləm, Deḛ d’ə̰ji dɔ né gə́ a teḛ dɔ dee’g el ləm, Koso gə́ deḛ d’oso lé Ar kaar dee wa dee ne paḭ ləm, Dəw kára kara gə́ njegɔl dee godo ləm tɔ. Ǝi Njesigənea̰, maji kari oo kəm sí loo to ndòo’g ya! Ti-rɔ lə njeba̰ lé Ḭ dɔ maree’d gə́ kédé-kédé.

Nɔ̰-ndôo gə́ wɔji dɔ Jerusalem 5:1

Njesigənea̰, ar məəi olé dɔ né gə́ teḛ dɔ sí’g lé! Aa loo oo rɔkul gə́ d’ila dɔ sí’g lé!

Matiyo 9:2

Aa ooje, deḛ ree gə njerɔko̰ rəa’g, to diŋgam gə́ dəb rəa wəi wɔ, ar dee d’unee gə twa-rɔko̰ ləa bura. Loo gə́ Jeju oo meekun lə dee ndá yeḛ ula dəw gə́ dəb rəa wəi lé pana: Ŋgonəm, nda məəi kaḭ-kaḭ, kaiya ləi ɔr dɔi’g.

Lugu 1:25

Yee gə́ nee ɓa to noji gə́ Mbaidɔmbaije wa səm, ɓa ila ne kəmee dɔm’g mba kɔr né rɔkul dɔm’g mbuna dəwje’g.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.