Pakɔsje 25:13 - Maktub gə́ To gə Kəmee

¹³ Dəw neelé a kwa rəa dan maji’g ləm, Ŋgakeaje kara d’a kiŋga ɓee lé gə́ né ka̰ dee ləm tɔ.

Pakɔsje 25:13 ပူးပေါင်းရင်းမြစ်များ

Pakɔsje 37:11

Deḛ gə́ d’aw yururu lé D’a kiŋga dɔ naŋg nee gə́ nékwanduba lə dee ləm, D’a kal ne rɔ dee dan meelɔm’g ləm tɔ.

Gosota-Kəmkàrje 19:23

Ɓəl Njesigənea̰ ɓa teḛ gə dəw dɔ kəmə’g, Dəw gə́ ɓəlee togə́bè lé toɓi gə meelɔm ar némajel kára kara teḛ dəa’g el.

Gosota-Kəmkàrje 1:33

Nɛ yeḛ gə́ oo ta ləm ndá A kwa rəa gə meendakaḭ ləm, Yeḛ a si lɔm ɓó A ɓəl né majel kára kara el ləm tɔ.

Matiyo 5:5

Deḛ gə́ d’aw yururu lé rɔ dee lel dee, Mbata d’a kiŋga dɔ naŋg gə́ nékwanduba lə dee ya.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Pakɔsje 37:26

Yeḛ oo kəmtondoo ta-ta ndá Ar dee ndimá ne né, Ŋgakeaje d’iŋga ne ndutɔr ya.

1 Piɛrə 3:10

Tɔgərɔ ya. Yeḛ gə́ ndigi si gə kəmə lé Ɓó gə si ne rɔlel gə ndəa-ndəa Ndá maji karee ɔg ndəa̰ dɔ ta gə́ majel’g ləm, A kɔg təa dɔ taje gə́ ka̰ sukəmloo’g lé ləm tɔ.

Jeremi 32:39

M’a kar meḛ dee gə panjaa dee to asəna kára ba mba kar dee ɓəlm saar gə no̰ mbata maji lə dee-deḛ ləm, gə ka̰ ŋgan deeje-je gə́ goo dee’g ləm tɔ.

Pakɔsje 112:2

Ŋgakeaje d’a to njésiŋgamoŋje dɔ naŋg nee ləm, Ginkoji dəwje gə́ njéra nédanaje lé D’a kiŋga ndutɔr ya ləm tɔ.

Pakɔsje 69:36

Mbata Ala a kaji Sio̰ lé ləm, Yeḛ a tel kunda ɓee-booje gə́ ka̰ Juda lé gogo ləma, D’a si keneŋ karee to né ka̰ dee-deḛ ləm tɔ.

2 Piɛrə 3:13

Nɛ jeḛ lé jeḛ ŋgina dara gə́ sigi ləm, gə naŋg gə́ sigi gə́ meekarabasur a kur kəi keneŋ, jeḛ ŋgina gə goo ndukun ləa gə́ yeḛ un ar sí lé.

Njé gə́ Pilibə 4:19

Mbɔl dɔ boo-nébaoje gə́ nduba rɔ dee rəa’g gin Jeju Kristi’g lé Ala ləm a kar sí néje lai gə́ seḭ awje ndòo dee ya.

Jakari 9:17

Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Tel tura Godndu 33:12

Yeḛ pata dɔ ginkoji Bḛjamije’g pana: Deḛ gə́ Njesigənea̰ unda dee dan kəmee’g lé, D’a si lɔm mbɔree’g ya, Njesigənea̰ a ko̰ dɔ dee ta-ta ləm, A kunda dee dɔ tamee’g ləm tɔ.

Gosota-Kəmkàrje 20:7

Njemeekarabasur lé njaa gə goo rəbee, Rɔlel nai gə ŋganeeje gə́ gée’d gogo.

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Pakɔsje 37:29

Njémeekarabasurje lé D’a kiŋga dɔ naŋg neelé gə́ ka̰ dee-deḛ ya, D’a si keneŋ saar gə no̰.

Pakɔsje 37:22

Deḛ gə́ Njesigənea̰ tɔr ndia dɔ dee’g lé Dɔ naŋg lé tel to gə́ ka̰ dee-deḛ ya, Deḛ gə́ yeḛ ila ndɔl dɔ dee’g lé D’udu bo̰.

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Pakɔsje 31:19

Maji kar deḛ gə́ pa taŋgɔm lé Tel to njégwɔskuduje ya Mbata deḛ pata kəgəgə-kəgəgə d’ɔs ne njemeekarabasur lé rəw, Deḛ ti ne rɔ dee mugugu-mugugu ləm, D’ə̰jee ne bəḭ-bəḭ ləm tɔ.

Pakɔsje 37:9

Mbata njémeeyèrje lé d’a tuji pugudu, Nɛ deḛ gə́ d’unda meḛ dee yel dɔ Njesigənea̰’g lé Ɓee lé a to ka̰ dee-deḛ ya.

Pakɔsje 37:34

Maji kari unda məəi yel dɔ Njesigənea̰’g Aa ne dɔ rəw ləa ndá Yeḛ a kuni gə́ tar kari iŋga dɔ naŋg neelé gə́ kaḭ ləm, I a koo ne njémeeyèrje gə́ d’udu guduru ya ləm tɔ.