Pakɔsje 25:12 - Maktub gə́ To gə Kəmee

¹² See dəw gə́ ra ɓa ɓəl Njesigənea̰ wa. Njesigənea̰ a tɔjee rəw gə́ kəm karee njaa keneŋ.

Pakɔsje 25:12 ပူးပေါင်းရင်းမြစ်များ

Gḭ-Néje 26:2

Njesigənea̰ teḛ dəa’g ulá pana: Maji kari ɔd aw mee ɓee gə́ Ejiptə’g el, si mee ɓee gə́ ma nja m’a gə kulai ɓa.

Pakɔsje 111:10

Ɓəl Njesigənea̰ ɓa to gin kəmkàr gə́ dɔtar, Deḛ lai gə́ d’aa dəa kər-kər lé takə̰ji lə dee inja paw. Rɔnduba ləa to saar-saar gə no̰ tɔ.

Pakɔsje 32:8

M’a ndooi ləm, M’a tɔji rəw gə́ kəm kari njaa keneŋ ləm tɔ, M’a kwɔjii ta kəmkàr ləm, M’a korè kəm sḭ dɔi’g ləm tɔ.

Pakɔsje 37:23

Njesigənea̰ lé ar gɔl dəw ŋgəŋ ŋgəŋ-ŋgəŋ ləm, Rea lelee dɔ rəw-kabee’g ləm tɔ.

Teḛ-Raga 4:15

I a kulá ta ləm, i a kɔm tareeje lai təa’g ləm tɔ, nɛ ma nja m’a nai gə tai ləm, m’a nai gə təa-yeḛ ləm tɔ, tɔɓəi ma nja m’a ndoo sí né gə́ kəm kar sí raje lé ya tɔ.

Gosota-Kəmkàrje 1:7

Ɓəl Njesigənea̰ ɓa To gin gosonégər gə́ dɔtar, Mbəje lé d’ə̰ji takəmkàr Gə tandoo lé bəḭ-bəḭ.

Gosota-Kəmkàrje 15:33

Ɓəl Njesigənea̰ ɓa ndoo dəw kəmkàr, Tɔɓəi kula dɔ kédé ɓa rɔnduba orè gée ɓəi.

Gosota-Kəmkàrje 16:6

Mbɔl dɔ meemaji gə ŋgonkoji ɓa D’ɔr ne ta néra gə́ majel dɔ dəw’g ləm, Mbɔl dɔ ɓəl gə́ dəw ɓəl Njesigənea̰ lé ɓa Yeḛ ya̰ ne goo majel ləm tɔ.

Gosota-Kəmkàrje 2:5

Yen ɓa i a gər loo ɓəl Njesigənea̰ ləm, Kəmi a kinja dɔ gər ndaa Ala’g lé ləm tɔ.

Gosota-Kəmkàrje 2:9

Bèe ɓa i a gər ne néra gə́ gə dɔ najee ləm Gə goo rəbee ləm, gə néra gə́ danasur ləma Gə goo rəw gə́ rara kara gə́ maji ləm tɔ.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Tagə́maji gə́ Ja̰ ndang 7:17

Dəw gə́ rara ɓa lé wa mée kɔgərɔ gə mba ra torndia lé ndá ta kɔr ləm gə́ m’ɔr lé m’ɔr gə ka̰ Ala əsé m’ɔr gə́ kama kara yeḛ a gər gao ya.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

Néra Njékaḭkulaje 10:22

Deḛ d’ilá keneŋ pana: Kɔrnəi, ɓée boo-njérɔje gə́ tɔl lé yeḛ to gə́ njemeekarabasur ləm, yeḛ tədkag Ala lé ləm tɔ, ar Jibje lai gə gel dee gel dee d’ɔr goo ta ləa maji. Ala ar kura ləa gə́ dara gə́ undá gə kəmee lé teḛ dəa’g ulá gə mba karee ula-kula ɓari kəi ləa gə mba koo taje tai’g.

Néra Njékaḭkulaje 11:14

Yeḛ nja ɓa a kulá néje lai gə́ yeḛ a kaji ne, gə njémeekəije ləi na̰’d tɔ.

Néra Njékaḭkulaje 13:26

Ŋgakɔmje gə́ dəwje gə́ toje ŋgaka Abrakam ləm, gə seḭ gə́ ɓəlje Ala lé ləm tɔ lé ta kaji neelé d’ula ne d’ar sí-seḭ ya.

Jujé 3:4

Nɛ mbuna sí-seḭ gə sa̰duk gə́ neelé seḭ a kya̰je pən-loo as kəmkil dəw tɔl-dɔg loo joo (2.000): seḭ a teḛje mbɔree’g dəb el. Yee nja a tɔji sí rəw gə́ kəm kar sí njaaje keneŋ mbata seḭ njaaje rəw’g neelé kédé el ɓəi.

1 Ja̰ 2:27

Kɔr gə́ yeḛ ɔr sí unda sí gə kəmee lé nai sə sí ɓəi, yee ɓa seḭ awje ne ndòo njendoo sí né dɔ maree’g el ŋga, nɛ to gə́ ndia gə́ yeḛ tɔr dɔ sí’g lé to né gə́ tɔgərɔ ɓó to né gə́ ŋgɔm el, yeḛ nja ɓa a ndoo sí néje lai lé ndá maji kar sí naije səa gə goo ta gə́ seḭ taaje mba̰ lé tɔ.

1 Samel 9:6

Kura lé tel ulá pana: Aa oo, dəw lə Ala kára si mee ɓee-boo’g nee. Yeḛ to dəw gə́ dəwje lai d’ila riɓar dəa’g. Ta néje lai gə́ yeḛ pa ndá néeje lé aw lée’g béréré-béréré ya. Ar sí j’awje keneŋ j’oo. Banelə yeḛ a tɔji sí rəw gə́ kəm kar sí j’unje ya.