Pakɔsje 23:1 - Maktub gə́ To gə Kəmee

¹ Pakɔs lə Dabid. Njesigənea̰ lé to njekulbadje gə́ ulm-ma ya, Né kára kara a naa̰m el.

Pakɔsje 23:1 ပူးပေါင်းရင်းမြစ်များ

Pakɔsje 34:11

Ŋgan toboḭje lé Ɓó ra dee ləm, lab ɔr dee ləm tɔ, Nɛ deḛ gə́ ndolè goo Njesigənea̰ lé Némaji kára kara lal dee nda̰ el.

Pakɔsje 78:52

Yeḛ ar koso-dəwje ləa d’unda loo teḛ to gə́ badje bèe ləm, Yeḛ ɔn dee dɔdilaloo’g to gə́ koso-nékulje bèe ləm tɔ.

Pakɔsje 79:13

Nɛ jeḛ gə́ n’toje koso-dəwje ləi Gə́ n’toje koso-nékulje ləi gə́ j’aar loo-ko̰-mu’g ləi lé J’a pidii saar-saar gə no̰ ya ləm, J’a kɔs pa kila ne riɓar dɔi’g kar ŋgaka síje d’ɔs gə́ kédé-kédé ya ləm tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Jeremi 31:10

Seḭ ginkoji dəwje gə raŋg, Ooje ta lə Njesigənea̰, Ndá ilaje mberee dɔgoré-looje Gə́ əw lé pajena: Yeḛ gə́ sané Israɛlje kédé lé A tel mbo̰ dee dɔ na̰’d Ndá yeḛ a kaa dɔ dee to gə́ njekulbadje Aa ne dɔ koso-badje ləa bèe.

Ejekel 34:14

N’a kul dee loo-ko̰-mu gə́ maji’g ləm, loo-to dee a to dɔ mbalje gə́ Israɛl gə́ ndəw ləm tɔ, lé nee ɓa d’a kwa rɔ dee loo-kwa-rɔ deḛ gə́ maji’g ləm, d’a kiŋga loo-ko̰-mu lə dee gə́ idi lururu dɔ mbalje gə́ Israɛl ləm tɔ.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Tagə́maji gə́ Ja̰ ndang 10:11

Ma m’to njekulbadje gə́ gəd. Njekulbadje gə́ gəd lé ya̰ rəa yag mbata lə badje ləa.

Tagə́maji gə́ Ja̰ ndang 10:14

Ma m’gər badje ləm, dee kara dee gərm gao ləm tɔ.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Njé gə́ Pilibə 4:19

Mbɔl dɔ boo-nébaoje gə́ nduba rɔ dee rəa’g gin Jeju Kristi’g lé Ala ləm a kar sí néje lai gə́ seḭ awje ndòo dee ya.

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

1 Piɛrə 2:25

Kédé lé seḭ toje asəna gə badje gə́ d’aw kori-kori bèe, nɛ ɓasinè seḭ telje gə́ rɔ njekul sí’g ləm, gə rɔ njekaa dɔ sí’g ləm tɔ.

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.