Pakɔsje 22:7 - Maktub gə́ To gə Kəmee

⁷ Ma lé m’to gə́ kuru ɓó m’to gə́ dəw el, M’to nérɔkul lə dəwje ləm, koso-dəwje kara d’ḛjim bəḭ-bəḭ ləm tɔ.

Pakɔsje 22:7 ပူးပေါင်းရင်းမြစ်များ

Maktub gə́ wɔji dɔ Jɔb 12:4

Ma m’to nékunda-kogo lə baokuraje ləm Loo gə́ m’dəji Ala karee la səm, Dəw gə́ njemeekarabasur ləm, gə́ ta wa dəa el ləm tɔ lé to nékunda-kogo ya.

Maktub gə́ wɔji dɔ Jɔb 16:10

Deḛ teḛ ta dee gə mba tujim ləm, D’ula sul dɔm’g ləm, deḛ kunda kwɔjim ləma, Deḛ lai d’ɔm na̰’d téréré dɔm’g ləm tɔ.

Maktub gə́ wɔji dɔ Jɔb 16:4

Ɓó lé seḭ ɓa síje torm’g bèe kara M’a kaskəm pata dɔ sí’g to gə́ seḭ bèe ya tɔ, M’a tɔ dɔ sí gə taje ləm, M’a biri dɔm widi-widi dɔ sí’g ləm tɔ.

Pakɔsje 109:25

Ma lé d’oom gə́ nérɔkul ya, Loo gə́ d’un kəm dee d’oom ndá biri dɔ dee widi-widi ya tɔ.

Pakɔsje 31:18

Njesigənea̰, loo gə́ m’ɓar rii ndá Ar rɔkul dəb dɔm’g el. Maji kar njémeeyèrje ɓa rɔkul dəb dɔ dee’g ləm, Maji kar dee d’ur mee bwa’g dɔ mundu mbuna njé gə́ d’wəi’g ləm tɔ.

Pakɔsje 44:14

I ar sí n’tel to nérɔkul gə́ boo kəm njéboataɓeeje’g lə sí ləm, Deḛ gə́ d’aḭ dɔ sí sub kara I ar sí n’tel to nékunda-kogo gə nédəjindu lə dee ya ləm tɔ.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Esai 57:4

See na̰ ɓa seḭ kənje səa wa. See na̰ ɓa seḭ teḛje ta sí ləgəgə-ləgəgə ləm, Gə tɔrje ndo̰ sí béləm-béləm gə́ dəa’g wa. See seḭ toje ŋgan njékaltaje Gə́ gin sí gə́ gin taŋgɔm el wa.

Matiyo 27:29

Deḛ pḛdé kun gə́ dɔgugu d’ula dəa’g ləm, deḛ d’ula kag-kɔbə jikɔlee’g ɓa deḛ d’ɔs kəji dee naŋg nea̰’g d’ula sul dəa’g ləm tɔ pana: Lapia ɓòo, mbai lə Jibje.

Matiyo 9:24

Yeḛ ula dee pana: Ɔdje gə́ gogo, ŋgon gə́ dené neelé wəi el ɓəi nɛ yeḛ toɓi gə́ to ɓa. Deḛ kɔgee.

Mark 15:20

Loo gə́ deḛ d’ula sul dəa’g togə́bè mba̰ ndá deḛ d’ɔr kubu gə́ boi yul gə́ ndul piro-piro lé rəa’g, rəm d’ula darɔ kubu ləa-yeḛ nja rəa’g gogo, ɓa d’ɔd ndɔree d’aw səa gə mba ɗaree ɓəi tɔ.

Mark 15:29

Deḛ gə́ d’isi dəs gə rəw tar lé tajee ləm, gə tuga dɔ dee jəgm-jəgm ləm tɔ, deḛ pana: Wah! i ə nà a tuji kəi-Ala ndá ndɔ munda ba ya a tel karee to lée’g gogo wa lé

Lugu 16:14

Parisiḛje gə́ to njéko̰laolarje d’aar keneŋ d’oo ta ləa lai neelé ndá deḛ kogo ne.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.