Pakɔsje 22:28 - Maktub gə́ To gə Kəmee

²⁸ Dəwje lai gə́ dɔ naŋg nee d’a kḛji dɔ Njesigənea̰’g ləm, D’a tel kəm dee par gə́ rəa’g ləm tɔ, Gel-bɔje lə ginkoji dəwje gə raŋg lai D’a kunda barmba dəb kəm dee naŋg nɔḭ’g tɔ.

Pakɔsje 22:28 ပူးပေါင်းရင်းမြစ်များ

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 66:23

Gə naḭ gə́ teḛ sigi-sigi-je lai lé ləm, Gə ndɔ-kwa-rɔje kára-kára lai ləm tɔ lé Dəwje lai d’a ree kunda barmba naŋg nɔm’g, Njesigənea̰ ɓa pa bèe.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Abdias 1:21

Njétaa dee kɔm dee tarje lé d’a tuga loo kaw dɔ mbal gə́ Sio̰ gə mba gaŋg rəwta dɔ mbal’g lə Esawu. Ndá loo ko̰ɓee lé a to ka̰ Njesigənea̰ ya.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.