Pakɔsje 22:26 - Maktub gə́ To gə Kəmee

²⁶ I a to gin pa pidije ləm loo-mbo̰-dɔ-na̰’g lə koso-dəwje, M’a tɔl ne ta ndukun ləm bém kəm dee-deḛ gə́ ɓəli’g.

Pakɔsje 22:26 ပူးပေါင်းရင်းမြစ်များ

1 Sôrta Gḭka-Israɛlje 29:10

Dabid pidi Njesigənea̰ kəm koso-dəwje’g lai. Yeḛ pana: I Njesigənea̰, Ala lə bɔ síje Israɛl lé maji kar dɔi ai səgərə gə ləbi-ləbi saar-saar gə no̰ ya.

Pakɔsje 107:9

Mbata dəw gə́ si wəi yoo-kunda lé Yeḛ nja aree né gə́ yeḛ aw ndée ləm, Dəw gə́ wəi yoo-ɓoo lé kara Yeḛ ar némajije ləa taa rəa pəl-pəl ləm tɔ.

Pakɔsje 116:14

Ndukunje ləm gə́ m’un m’ar Njesigənea̰ lé M’a ra tɔl bém kəm koso-dəwje’g ləa lai ya.

Pakɔsje 116:18

Ndukunje ləm gə́ m’un m’ar Njesigənea̰ lé M’a ra tɔl bém kəm koso-dəwje’g ləa lai

Pakɔsje 40:10

Ma m’ila mber meekarabasur lé loo-mbo̰-dɔ-na̰ gə́ boo lə koso-dəwje, Aa oo, tam kara m’ndèm na̰’d el nja ɓəi, I Njesigənea̰ lé i gər gao ya tɔ.

Pakɔsje 40:16

Deḛ gə́ lulm ra né dɔm’g pana: Ya! ya! lé Maji kar dee d’aar dḭdiri-dḭdiri gə rɔkul tɔ.

Pakɔsje 50:14

Maji kar néra oiyo ɓa to gə́ nékinjaməs gə́ seḭ injaje arje Ala Gə mba tɔl ne ta ndukunje lə sí bém kar Njekurdɔloo’g.

Pakɔsje 69:32

Yee neelé taa kəm Njesigənea̰ rəgm Unda bɔ maŋg gə gajee gə ŋgo gɔleeje lé tɔ.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Junas 2:10

Ma lé m’a kinja nékinjanéməsje ləm, M’a kɔs pa rai ne oiyo ləma, M’a tɔl ta ndukunje ləm gə́ m’un m’ari lé bém ya ləm tɔ, Mbata Njesigənea̰ ɓa ajim ya.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.