Pakɔsje 22:23 - Maktub gə́ To gə Kəmee

²³ M’a teḛ gə rii mbuna ŋgakɔmje’g ləm, M’a pidii loo-kwa-dɔ-na̰’g lə koso-dəwje ləm tɔ.

Pakɔsje 22:23 ပူးပေါင်းရင်းမြစ်များ

Pakɔsje 106:5

Gə mba kam m’oo loo-si dan maji’g lə koso-dəwje ləi Gə́ i ɔr dee unda dee gə kəmee lé ləm, Gə mba kam m’al rɔm gə rɔlel lə koso-dəwje ləi ləma, Gə mba kam m’ti rɔm gə deḛ gə́ to gə́ nédɔji ləi lé na̰’d ləm tɔ.

Pakɔsje 109:30

M’a kɔr ndum wəl gə́ tar, pidi ne Njesigənea̰ ləm, M’a kila riɓar dəa’g mbuna koso-dəwje gə́ bula digi-digi’g ya ləm tɔ.

Pakɔsje 111:1

Pidije Njesigənea̰. M’a kɔs gaji Njesigənea̰ gə ŋgaw məəm bura Loo-kwa-dɔ-na̰’g lə dəwje gə́ njéra nédanaje ləm, Gə loo-mbo̰-dɔ-na̰’g lə koso-dəwje ləm tɔ.

Pakɔsje 115:11

Seḭ gə́ ɓəlje Njesigənea̰ lé Maji kar sí ɔmje meḛ sí dɔ Njesigənea̰’g. Yeḛ lé to gə́ njela sə dee ləm gə dər-rɔ lə dee ləm tɔ.

Pakɔsje 115:13

Yeḛ a tɔr ndia dɔ deḛ gə́ ɓəl Njesigənea̰’g ya, Dəwje gə́ gɔ-gɔ gə́ njé gə́ boo-boo kara ləm tɔ.

Pakɔsje 145:19

Deḛ gə́ ɓəlee lé Yeḛ ar néje lai gə́ deḛ ndiŋga lé Aw lée’g béréré ləm, Yeḛ oo ndu no̰ lə dee ndá aji dee ne ya ləm tɔ.

Pakɔsje 22:30

Njésiŋgamoŋje lai gə́ dɔ naŋg nee D’a sɔ né ləm, d’a kunda barmba dəb kəm dee naŋg nea̰’g ləm tɔ, Dəwje lai gə́ d’a gə tel nduji naŋg lé D’a rəm gə no̰ kəji dee yèm gə́ nea̰’g, Deḛ gə́ d’askəm kisi kəmba saar-saar el lé.

Pakɔsje 26:12

Gɔlm ŋgəŋ ŋgəŋ-ŋgəŋ dɔ rəw gə́ danasur’g. M’a kunda no̰ dɔkaisəgərə lə Njesigənea̰ loo-mbo̰-dɔ-na̰’g lə koso-dəwje lé ya.

Pakɔsje 33:8

Maji kar naŋg nee lai-lai ɓəl Njesigənea̰! Dəwje lai gə́ d’isi keneŋ kara Maji kar dee ndəb pəd-pəd nea̰’g tɔ.

Pakɔsje 35:18

Ma lé m’a pidii mbuna koso-dəwje gə́ mbo̰ dɔ na̰ ləm, M’a kɔs gajii mbuna koso-dəwje gə́ bula digi-digi ləm tɔ.

Pakɔsje 50:23

Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Pakɔsje 86:12

Mbaidɔmbaije, Ala ləm, m’a pidii gə ŋgaw məəm bura ya, M’a kula rɔnduba dɔ rii’g saar-saar gə nɔm ya tɔ.

Esai 25:3

Gelee gə́ bèe ɓa koso-dəwje gə́ to njésiŋgamoŋje D’ula ne rɔnduba dɔi’g ləm, Ɓee-booje lə ginkoji dəwje gə raŋg gə́ to njésiŋgamoŋje Ɓəli ne ləm tɔ.

Lugu 1:50

Meekɔrjol ləa to gə ləbee-ləbee gə́ kédé-kédé mbata lə deḛ gə́ to njéɓəleeje ya.

Lugu 2:20

Njéŋgəmbadje lé d’isi tel gə́ loo’g lə dee ndá d’ula rɔnduba dɔ Ala’g ləm, deḛ pidee ne ta-ta ləm tɔ, ɓa d’aw ɓəi mbata néje lai gə́ deḛ d’oo taree gə mbi dee ləm, gə d’oo gə kəm dee ləm tɔ, to gə́ d’ula dee lé ya.

1 Njé gə́ Kɔrḭtə 10:31

Bèe ndá lé né gə́ sɔje əsé né gə́ aije əsé né gə́ rara gə́ seḭ raje kara maji kula ne rɔnduba dɔ Ala’g lé.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.