Pakɔsje 21:9 - Maktub gə́ To gə Kəmee

⁹ Njéba̰je ləi lé i a kwa dee gə jii peb, Jikɔli kara a kiŋga deḛ lai gə́ d’ḛjii bəḭ-bəḭ tɔ.

Pakɔsje 21:9 ပူးပေါင်းရင်းမြစ်များ

Gḭ-Néje 19:28

Yeḛ un kəmee aa loo par gə́ Sɔdɔm gə Gɔmɔr gə loo lai gə́ to ndag-loo’g lé ndá aa oo, yeḛ oo sa pər ḭ naŋg uba ŋgɔg-ŋgɔg asəna gə sa pər mbo-boo bèe.

Esdras 6:12

Maji kar Ala gə́ ar ria ɓar loo gə́ nee’g lé tuji mbai gə́ rara gə dəwje gə́ rara gə́ d’un ji dee mba tuji tapam əsé gə mba tuji kəi-Ala neelé gə́ to Jerusalem lé. Ma Darius m’un ndum njaŋg bèe ya. Maji ra née gə́ léegəneeya.

Maktub gə́ wɔji dɔ Jɔb 6:3

D’a kwɔi kunda nagəra gə́ mee baa-boo-kad’g, Gelee gə́ nee ɓa taje ləm aw ne saar ar ta mbə teḛ ne tam’g.

Pakɔsje 106:17

Naŋg teḛ təa uru Datan ləm, Naŋg lé o̰ rəd udu dɔ kudu-dəwje’g lə Abiram ləm tɔ.

Pakɔsje 18:38

Ma m’tuba goo njéba̰je ləm saar m’iŋga dee ya, Ma m’ya̰ goo dee m’tel el saar m’ar dee d’udu guduru.

Pakɔsje 18:8

Naŋg yə bura ɓugu-ɓugu Ar gin mbalje kara ɓar bura ɗigi-ɗigi tɔ. Néje neelé yə mbata mee Ala gə́ ḭ səa pu lé.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 2:5

Tɔɓəi oŋg ḭ səa aree pa ne sə dee ləm, Meekḭ jugugu ləa kara ar dee ndəb ne pəd-pəd ləm tɔ.

Pakɔsje 50:3

Ala lə sí lé si ree Ɓó yeḛ si dɔ mundu el, Loo gə́ nea̰’g lé pər o̰ kənənə-kənənə ləm, Loo gə́ gugu dəa sub lé kara lel-boo ula mbḭ-mbḭ ləm tɔ.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Matiyo 13:42

D’a kɔm dee dan pər gə́ kṵjee teḛ gi-gi’g, to loo gə́ d’a no̰ kar mán kəm dee wa dee jiim-jiim keneŋ ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 13:50

D’a kɔm njémeeyèrje dan pər gə́ kṵjee teḛ bilim-bilim ləm, d’a no̰ kar mán kəm dee wa dee jiim-jiim ləma, d’a sɔ ŋgaŋ dee keneŋ pəgərə-pəgərə ləm tɔ.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

Matiyo 3:10

Tina to ŋgira kagje’g béréré-béréré mba̰. Kag gə́ rara ɓa gə́ andə gə ka̰dee gə́ maji el ndá d’a tuga badə gaŋg kila pər’d.

Matiyo 3:12

Nékwayiŋga dɔ kó ləa to jia’g. Yeḛ a kwa ne yiŋga dɔ kó loo-kunda-kó’g ləa nɛ yeḛ a mbo̰ kandə kó ləa kɔm dàmá ndá yeḛ a roo yiŋga dəa gə pər gə́ a kwəi nda̰ el lé tɔ.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

Loo gə́ killa rea kəm Ja̰’g 20:14

Deḛ d’ɔm yoo gə loo lə njé gə́ d’wəi lé dan pər gə́ tad rəg-rəg. Pər gə́ tad rəg-rəg lé yee ɓa to yoo gə́ njekɔm’g joo lé.