Pakɔsje 21:7 - Maktub gə́ To gə Kəmee

⁷ I aree to né tɔr ndu dɔ’g saar gə no̰ ləm, I dəaa gə rɔlel gə́ al dɔ loo sula nɔḭ’g ləm tɔ.

Pakɔsje 21:7 ပူးပေါင်းရင်းမြစ်များ

Pakɔsje 13:5

Mba kar njeba̰ ləm ḭ pana: Neḛ n’dum dɔm mba̰ bèe el ləma, Mba kar njékoma̰ səmje lé d’al rɔ dee Loo gə́ m’unda ndolè lé el ləm tɔ.

Pakɔsje 16:8

Njesigənea̰ lé m’undá nɔm’g ta-ta, Mbata yeḛ aar dɔ jikɔlm’g Mba kam m’unda ne ndolè nda̰ el.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 26:1

Pakɔs lə Dabid. Njesigənea̰, maji kari gaŋgta ləm gə goo rəbee Mbata m’njaa gə goo rəw gə́ to gə dɔ najee. Ma m’ɔm məəm dɔ Njesigənea̰’g Bèe ndá m’a kunda ndolé nda̰ el.

Pakɔsje 45:3

I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Pakɔsje 61:4

Mbata i lé to njo̰loo-kula-dɔ ləm ya ləm, Gə kəi-kaar-kɔgərɔ gə́ duu dɔ loo no̰ njéba̰je’g ləm ya ləm tɔ.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Pakɔsje 9:2

M’a pidi Njesigənea̰ gə ŋgaw məəm bura ləm, M’a kɔr sor boo-néraije lai gə́ maji dum ləm tɔ.

Pakɔsje 91:2

M’ula Njesigənea̰ m’pana: Yeḛ nja gə́ njo̰loo-kula-dɔm keneŋ ləm, Yeḛ nja gə́ kəi-kaar-kɔgərɔ gə́ m’ula rɔm keneŋ ləma, Yeḛ nja gə́ Ala ləm gə́ m’ɔm məəm dəa’g ləm tɔ.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Matiyo 27:43

Yeḛ unda mée yel dɔ Ala’g lé, ɓó lé Ala ndigee ndá maji karee wá ɔree ɓasinè. Mbata yeḛ pana: Neḛ n’to Ŋgon-Ala ya.

Ǝbrəje 2:13

Tɔɓəi yeḛ pa pana: M’a kɔm məəm dəa’g. Yeḛ pa tɔɓəi pana: Aa oo, ma gə ŋganəmje gə́ Ala ɓa am dee.

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.