Pakɔsje 20:3 - Maktub gə́ To gə Kəmee

³ Yeḛ gə́ loo-siée to gə kəmee doi dɔ mbal gə́ Sio̰ lé Maji karee ula gə né la səi ari ləm, gə négədi ari ləm tɔ.

Pakɔsje 20:3 ပူးပေါင်းရင်းမြစ်များ

Gḭ-Néje 4:4

Abel kara ree gə ŋgandər nékulje gə́ mbuna nékulje’g ləa gə ubu dee tɔ. Abel gə nékarnoji ləa taa kəm Njesigənea̰ rəgm.

1 Sôrta Gḭka-Israɛlje 21:26

Dabid unda loo-nékinjaməs lée’g neelé ar Njesigənea̰ ləm, yeḛ inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ.

2 Sôrta Gḭka Israɛlje 7:1

Loo gə́ Salomo̰ tɔl tamaji ləa mba̰ ndá pər ḭ dara roo nékinjaməs gə́ ka̰ roo ləm, gə nékinjaməs gə́ raŋg ləm tɔ ndá rɔnduba lə Njesigənea̰ taa mee kəi lé pəl-pəl tɔ.

Pakɔsje 128:5

Njesigənea̰ gə́ loo-siée to Sio̰ lé A tɔr ne ndia dɔi’g Ndá i a koo Jerusalem gə́ si dan maji’g Ndɔje lai gə́ i si ne kəmba lé.

Pakɔsje 134:3

Maji kar Njesigənea̰ gə́ loo-siée to Sio̰ lé tɔr-ndia dɔ sí’g. Yeḛ nja ɓa gə́ njera dara gə naŋg nee tɔ.

Pakɔsje 51:19

Nékinjaməs gə́ taa kəm Ala rəgm lé Yee ɓa to ndil dəw gə́ oso kul, Ǝi Ala, ɓəŋgərə dəw gə́ ti dus mba kwa ndòo rɔ ləa lé i ə̰ji bəḭ-bəḭ el.

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Ləbije 9:24

Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Néra Njékaḭkulaje 10:4

Yeḛ aa kəm dəw gə́ dara neelé gəl-gəl ləm, ɓəl undá badə gaŋgee ləm tɔ aree tel pana: Mbaidɔmbaije ban ŋga nee wa. Kura lə Ala gə́ dara tel ilá keneŋ pana: Tamaji gə́ i ra ləm, gə nojikwa ləi ləm tɔ uru loo teḛ no̰ Ala’g, yee ɓa ar mée olé ne dɔi’g gə mbəa ya.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.