Pakɔsje 19:9 - Maktub gə́ To gə Kəmee

⁹ Ndukunje lə Njesigənea̰ lé To gə goo rəbee sur, D’ar dəwje d’al ne rɔ dee, Godnduje lə Njesigənea̰ lé To ta gə́ àr raŋg-raŋg, D’ar kəm dəw lé inja ne bərəŋ tɔ.

Pakɔsje 19:9 ပူးပေါင်းရင်းမြစ်များ

Gḭ-Néje 22:12

Kura gə́ dara lé pana: Un jii ɔrɔ ne rɔ ŋgon neelé el ləm, ra səa né el ləm tɔ. Mbata ɓasinè lé ma m’gər gao to gə́ i ɓəl Ala ya. Ŋgoni gə́ to ŋgon gə́ kára ba kiao lé i ɔgm el.

Gḭ-Néje 42:18

Ndɔ gə́ njekɔm’g munda lé ndá Jisəb ula dee pana: Gə́ raje né neelé ndá seḭ a síje ne kəmba. Mbata ma lé m’ɓəl Ala.

1 Mbaije 18:12

Tɔɓəi loo gə́ m’a kubai kya̰’i ndá Ndil Njesigənea̰ a kuni kaw səi loo gə́ ma m’gər’g el, ndá m’a kaw kula Akab ɓa ɓó yeḛ ḭgai el ndá a tɔlm. Nɛ ma kura ləi m’to njeɓel Njesigənea̰ gə basm ba.

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Pakɔsje 10:5

Rəw-kabeeje lai to tag nea̰’g gə ndəa-ndəa, Rəwta-gaŋg lə Ala yeḛ gər gelee el, Yeḛ ti ɓɔlee koma̰ ne njéba̰je ləa lai.

Pakɔsje 111:10

Ɓəl Njesigənea̰ ɓa to gin kəmkàr gə́ dɔtar, Deḛ lai gə́ d’aa dəa kər-kər lé takə̰ji lə dee inja paw. Rɔnduba ləa to saar-saar gə no̰ tɔ.

Pakɔsje 115:13

Yeḛ a tɔr ndia dɔ deḛ gə́ ɓəl Njesigənea̰’g ya, Dəwje gə́ gɔ-gɔ gə́ njé gə́ boo-boo kara ləm tɔ.

Pakɔsje 119:1

Rɔlel nai gə deḛ gə́ gel dee godo rəw-kaw dee’g Ar dee njaa gə goo godndu Njesigənea̰ lé.

Pakɔsje 119:106

Ma lé m’un ndum gə rɔkubu ndá M’a kaar dɔ’g njaŋg Gə mba kaa ne dɔ godnduije gə́ meekarabasur ləi wɔji.

Pakɔsje 119:111

Tornduije lé to gə́ nénduba ləm gə́ to saar gə no̰, Mbata deḛ to né gə́ m’ndá məəm kaḭ dɔ’g.

Pakɔsje 119:142

Meekarabasur ləi to meekarabasur gə́ to saar gə no̰ ləm, Godndui lé kara to gə́ kankəmta ya ləm tɔ.

Pakɔsje 119:39

Rɔkul gə́ a gə dəb dɔm’d gə́ ma m’ɓəl lé Maji kari ɔsee rɔm’g rəw gə́ raŋg Mbata rəwta-gaŋgje ləi lé to maji péd-péd ya.

Pakɔsje 119:62

Lée dan mee loo bab ya kara M’ḭ tar gə mba pidii Mbata rəwta-gaŋgje ləi gə́ gə dɔ najee lé.

Pakɔsje 119:7

Loo gə́ ma m’ndoo godnduije gə́ meekarabasur ləi wɔji ndá M’a kɔs ne gajii gə məəm gə́ to goo kára ba bərəŋ.

Pakɔsje 119:75

Ǝi Njesigənea̰, ma m’gər gao Rəwta-gaŋgje ləi lé to gə dɔ najee ya. Meenda londoŋ lé ɓa i am m’oso ne kul.

Pakɔsje 12:7

Taje lə Njesigənea̰ lé to kankəmta ya, To asəna gə larnda gə́ deḛ ndiri pe’d gɔl siri loo-kula-bṵda’g Gə mba kar siḭyee teḛ karee àr ne ŋgad-ŋgad lé ya.

Pakɔsje 147:19

Ta ləa lé yeḛ riba dəa ar njé’g lə Jakob lé Godndiaje gə ndukunje ləa lé yeḛ riba dəa ar Israɛlje.

Pakɔsje 36:1

Pa lə Dabid gə́ to kura lə Njesigənea̰ gə́ ar bao-pa mba karee ɔs sə dee lé.

Pakɔsje 36:6

Njesigənea̰, meemaji ləi lé taa mee dara pəl-pəl ləm, Meenda londoŋ ləi to yaa̰ aw njal teḛ loo-kil’g lə ndi ləm tɔ.

Teḛ-Raga 21:1

Aa ooje, godnduje gə́ seḭ a kundaje no̰ dee’g ɓa to nee:

Gosota-Kəmkàrje 8:13

Ɓəl Njesigənea̰ lé To gə́ kḛji néra gə́ majel bəḭ-bəḭ. Kesta gə beelé gə rəw néra gə́ majel, Gə ta gə́ pata gə́ kori-kori lé Néje neelé ma m’ə̰ji dee bəḭ-bəḭ ya.

Esai 26:8

Gelee gə́ nee ɓa, əi Njesigənea̰, Jeḛ ŋginai ne dɔ rəwta-gaŋgje’g ləi, Jeḛ ndiŋgaje rɔ sí gə mba ɓar rii ləm, J’ar meḛ sí olé ne dɔi’g ləm tɔ.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Néra Njékaḭkulaje 10:22

Deḛ d’ilá keneŋ pana: Kɔrnəi, ɓée boo-njérɔje gə́ tɔl lé yeḛ to gə́ njemeekarabasur ləm, yeḛ tədkag Ala lé ləm tɔ, ar Jibje lai gə gel dee gel dee d’ɔr goo ta ləa maji. Ala ar kura ləa gə́ dara gə́ undá gə kəmee lé teḛ dəa’g ulá gə mba karee ula-kula ɓari kəi ləa gə mba koo taje tai’g.

Njé gə́ Rɔmə 11:22

Meemaji lə Ala ləm, gə néra gə́ kədərə gə́ dum maree gə́ yeḛ ra ləm tɔ lé maji kari la̰ji toree məəi’g: néra gə́ kədərə gə́ dum maree gə́ yeḛ a ra gə deḛ gə́ d’oso nɛ meemaji ləa gə́ yeḛ ra səi-i ɓó lé i aar dɔ gɔli’g njaŋg gin meemaji ləa’g ya. Ɓó lé i aar dɔ gɔli’g njaŋg keneŋ el ndá yeḛ a tugai tɔ.

Njé gə́ Rɔmə 2:2

Tɔgərɔ ya jeḛ n’gər gao ta gə́ Ala a gaŋg dɔ deḛ gə́ njéra néje gə́ togə́bè lé a to gə goo kankəmta ya.

Tel tura Godndu 4:8

Esé see ginkoji dəwje gə́ boo gə́ ra ɓa d’aw gə godnduje gə ndukunje gə́ gəd-gəd to gə́ godnduje nee lai gə́ ma m’unda no̰ sí’g ɓogənè lé wa.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,

Loo gə́ killa rea kəm Ja̰’g 16:7

M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.

Loo gə́ killa rea kəm Ja̰’g 19:2

mbata rəwta-gaŋg ləa to gəd ləm, to gə dɔ najee ləm tɔ. Yeḛ gaŋg rəwta ila dɔ kaiya-dené gə́ njemina̰ naŋg nee gə mɔdkaiya ləa, yeḛ dal ba̰ məs kuraje ləa gə darɔ məsee-yeḛ nja.

1 Samel 12:24

Nɛ ɓəl ya maji kar sí ɓəlje Njesigənea̰ ləm, raje né areeje gə ŋgonkoji gə meḛ sí bura ləm tɔ. Mbata aa ooje boo-némɔrije gə́ yeḛ ra mbata lə sí lé.