Pakɔsje 19:8 - Maktub gə́ To gə Kəmee

⁸ Godndu Njesigənea̰ lé to maji dum, Yee ɓa ar dəw aji ne, Ndukunje lə Njesigənea̰ to kankəmta Gə́ kəm kɔm mee dɔ’g, D’ar njegərnéel lé tel to njekəmkàr.

Pakɔsje 19:8 ပူးပေါင်းရင်းမြစ်များ

Gḭ-Néje 26:5

Mbata Abrakam ila koji dɔ tapam’g ləm, yeḛ aa dɔ torndumje gə dɔ ndukunje ləm, ra néje lai gə́ m’wɔji karee ra ləma, yeḛ aa dɔ godndumje kər-kər ləm tɔ.

2 Mbaije 17:37

Godnduje, gə ndukunje, gə tornduje gə́ yeḛ nja ndaŋg mbata lə dee lé d’a kaa dɔ dee kər-kər gə mba ra née ɓó d’a ɓəl magəje el ŋga.

Nehemi 8:12

Bèe ɓa koso-dəwje lai d’aw mba sɔ gə kai ləm, gə mba kya̰ gesee kar dee gə́ ka̰ dee godo ləma, gə mba kya̰ rɔ dee dan boo-rɔkal’g ləm tɔ mbata deḛ gər gintaje gə́ d’ɔr ginee d’ar dee lé njai-njai ya.

Nehemi 9:13

I risi ur dɔ mbal’d gə́ Sinai Ndá i ula dee ta gə ndui gə́ ḭ mee dara gə́ tar, Tɔɓəi i ar dee ndukunje gə́ danasur ləm, Gə godnduje gə́ to kankəmta ləm, Gə tornduje ləma, gə godnduje gə́ maji dum ləm tɔ.

Pakɔsje 105:45

Gə mba kar dee tɔs ne kəm dee bao-bao dɔ ndukunje’g ləa lé ləm, Gə mba kar dee d’aa ne dɔ godndiaje kər-kər ləm tɔ. Pidije Njesigənea̰.

Pakɔsje 111:7

Kula reaje gə́ yeḛ ra gə jia lé Yeḛ ra gə meenda londoŋ ləm, Gə néra gə́ gə dɔ najee ləm tɔ, Ndukunje ləa lai lé to kankəm néje gə́ gəd ya ləm,

Pakɔsje 119:105

Ta ləi lé to gə́ pərŋgel gə́ ndogó kila gɔlmje’g ləm, To gə́ lookàr gə́ àr njai-njai dɔ kila-rəw’g ləm ya ləm tɔ.

Pakɔsje 119:12

Ǝi Njesigənea̰, ma m’pidii, Maji kari ndoom godnduije lé ya kari.

Pakɔsje 119:121

Ma m’aa dɔ godndui gə dɔ néra gə́ gə dɔ najee, Maji kari ubam ya̰’m ji njékorè dɔm naŋgje’g lé el.

Pakɔsje 119:128

Gelee gə́ nee ɓa ndukunje ləi lé M’oo gə́ né gə́ to gə goo rəbee ya, Rəw taŋgɔmje lai lé M’ə̰ji dee bəḭ-bəḭ.

Pakɔsje 119:130

Ta ləi gə́ riba dəa lé ar loo ndogó ne jol-jol Ar deḛ gə́ négər na meḛ dee tas lé d’iŋga gosonégər.

Pakɔsje 119:14

M’ndá məəm kaḭ m’aa ne dɔ tornduije kər-kər Asəna gə nébaoje lai gə́ m’iŋga gə́ kama ya.

Pakɔsje 119:143

Néurti gə néɓəŋgərəti lé darm bus ya, Nɛ godnduije lé ɓa m’ar dee to gə́ nérɔlelje ləm.

Pakɔsje 119:16

Godnduije lé m’ar dee to gə́ nérɔlel ləm, M’ar məəm wəi dɔ ta’g ləi nda̰ el ləm tɔ.

Pakɔsje 119:171

Maji kar tam teḛ ila mber ta pidii Mbata i lé ndoom godnduije lé ya.

Pakɔsje 119:24

Tornduije lé m’oo dee gə́ nérɔlel ləm ləm, Deḛ to gə́ njétɔjim kəmkàrje ya ləm tɔ.

Pakɔsje 119:40

Aa oo, ndukunje ləi lé ma m’ndigi ra née ya, Maji kari am m’isi kəmba gə goo meekarabasur ləi lé.

Pakɔsje 119:54

Godnduije lé ɓa to gə́ gin pakɔsje ləm Gə́ m’ɔs mee kəi gə́ m’isi keneŋ gə́ mbá lé.

Pakɔsje 119:80

Maji kar məəm to goo kára ba bərəŋ gə́ dɔ godnduije’g Gə mba kar rɔkul tɔm ne jo̰dɔrɔ el.

Pakɔsje 119:92

Ɓó lé godndui lé m’aree to gə́ nérɔlel ləm bèe el ndá M’udu bo̰ dan nékəmndoo’g ləm mba̰ ya.

Pakɔsje 12:6

Njesigənea̰ pana: Njénékəmndooje lé d’ula kəm dee ndòo ləm, Njéndooje kara tuma̰ gə no̰ ŋgururu-ŋgururu ya ləm tɔ. Bèe ndá ɓasinè n’a kḭ ra né ya. N’a la gə deḛ gə́ d’oma̰ sə dee D’ar dee d’aw ne jələ-jələ lé.

Pakɔsje 13:3

See məəm a pélé wəs-wəs saar ndɔ gə́ ra wa. See m’a si gə məəm gə́ ndul saar ndɔ ka̰da wa. See njeba̰ ləm a kḭ koma̰ səm saar ndɔ gə́ ra wa.

Pakɔsje 40:8

Yen ɓa ma m’pana: Aa oo, m’isi m’ree (Deḛ ndaŋg ta ləm mee maktub gə́ kə́ na̰’d mber-mber’g)

Pakɔsje 93:5

Ndukunje ləi lé to kankəmta ya Ɓó loo maḭyee godo, Ǝi Njesigənea̰, némeenda kɔr jol-jol to gə́ mee kəi’g ləi lé ya Gə ləbee-ləbee saar-saar gə no̰ ya.

Teḛ-Raga 18:16

Loo gə́ ta gə́ kəm gɔl to mbuna dee’g ndá deḛ ree ne rɔm’g, ma m’ɔr kəm ta gə́ to mbuna dee’g ndá m’ar dee gər ne ndukunje lə Ala ləm, gə godndiaje ləm tɔ.

Gosota-Kəmkàrje 2:6

Mbata Njesigənea̰ ɓa Ar dəw kəmkàr, Tea-yeḛ nja ɓa négər Gə gosonégər d’ḭ keneŋ,

Gosota-Kəmkàrje 30:5

Taje lai gə́ Ala pa lé to taje gə́ àr ŋgad-ŋgad. Yeḛ to dər lə deḛ gə́ saŋg njo̰loo-kula-dɔ dee rəa’g.

Gosota-Kəmkàrje 6:23

Mbata godndu lé to gə́ pərndɔ ləm, Tandoo lé to lookàr ləma, Tandəji-kɔr gə mba gɔli ne lé To gə́ rəw gə́ ka̰ kəmə ləm tɔ.

Esai 64:5

Jeḛ lai n’toje dəwje gə́ mina̰ ləm, Néra sí gə́ gə dɔ najee kara To asəna gə kubu gə́ wa yiro gə́ mina̰ nag-nag ləm tɔ. Jeḛ lai n’toje j’asəna gə kam kag Gə́ gəḭ bèe ləm, Néra majel lə sí ɔr sí aw sə sí To gə́ lel bèe ləm tɔ.

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Njé gə́ Rɔmə 3:20

Mbata godndu lé dəw kára kara a kɔr ne ta dəa’g no̰ Ala’g el, mbata mbɔl dɔ godndu lé ɓa kəm dəwje inja ne dɔ kaiya’g.

Njé gə́ Rɔmə 7:22

Mbata məəm gə́ kəi lé m’ra rɔlel dɔ godndu Ala’g ya

Njé gə́ Rɔmə 7:7

See j’a pa ban tɔɓəi wa. See godndu lé to kaiya wa. Wah! bèe el. Né ɓó lé godndu godo ndá kəm a kinja dɔ kaiya’g el. Mbata ɓó lé godndu pana: I a ra kəmkəḭ dɔ né’g lə mari el, ndá m’a koo loo gər nékəmkəḭ el tɔ.

Njé gə́ Galati 2:19

mbata mbɔl dɔ godndu lé ɓa m’to ne yoo-dəw ginee’g mba karm m’tel m’isi kəmba mbata lə Ala lé.

Njé gə́ Galati 3:21

See godndu lé to gə mba kɔs ne ndukun lə Ala rəw wa. Wah! bèe el. Ɓó lé godndu kára to gən gə́ askəm kula kəmə meḛ dəwje’g ndá dəwje lé d’a si gə́ njémeekarabasurje gin godndu’g lé ya.

Tel tura Godndu 16:11

Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ.

Tel tura Godndu 16:14

Seḭ a kalje rɔ sí loo ra naḭ’g neelé, seḭ ləm, gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləm, gə Ləbije ləma, gə dəw-dɔ-ɓeeje, gə ŋganalje, gə njékəisiŋgaje gə́ d’isi mbuna sí’g ləm tɔ.