Pakɔsje 19:13 - Maktub gə́ To gə Kəmee

¹³ See na̰ ɓa gər loo ndəm ləa wa. Néje gə́ m’ra lal gər ginee lé Maji kari ar məəi ti mbidi dɔ’g.

Pakɔsje 19:13 ပူးပေါင်းရင်းမြစ်များ

Gḭ-Néje 20:6

Ala ulá gə ni pana: Ma m’gər gao to gə́ i ra né gə məəi gə́ àr ŋgad-ŋgad ya. Yee ɓa ma nja m’ɔgi ne dɔ ra kaiya gə́ a gə kɔsm ne rəw lé. Gelee gə́ nee ɓa m’ya̰ loo m’ari ɔrɔ ne rəa el gə mbəa.

Maktub gə́ wɔji dɔ Jɔb 34:32

Né gə́ neḛ n’gər el lé maji karee tɔji neḛ ləma, Ɓó lé neḛ n’ra né gə́ to gə dɔ najee el kara N’a tel ra gogo el ŋga ləm tɔ, see a pa bèe wa.

Pakɔsje 11:7

Mbata Njesigənea̰ lé to njemeekarabasur ya Né gə́ to gə dɔ najee lé ɓa taa kəmee rəgm. Deḛ gə́ to njéra nédanaje lé d’a kaa kəmee gərərə ya.

Pakɔsje 119:133

Ar gɔlm ŋgəŋ ŋgəŋ-ŋgəŋ dɔ ta’g ləi ya Ɓó ar né gə́ kori-kori kára kara dum dɔm el tɔ.

Pakɔsje 18:23

Ndukunje ləa lai to nɔm’g ya. Ma nja kara m’ɔs rɔm rəw dɔ torndiaje’g el.

Pakɔsje 7:10

Ar meeyèr lə njémeeyèrje lé ɔs bo̰ ləm, Ar siŋga lə njémeekarabasurje lé ḭ dɔ maree’d gə́ kédé-kédé ləm tɔ Mbata i Ala gə́ njemeekarabasur lé I to njekuru meḛ dəwje ləm, I naa meḛ dee ləm tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Teḛ-Raga 21:14

Nɛ ɓó lé dəw wɔji mée’g mba ra gosɔyèr tɔl ne maree ndá lé gə́ loo-nékinjaməs’g ləm ya kara i a kɔree keneŋ mba tɔlee ya.

Ləbije 4:13

Ɓó lé koso-dəwje lə Israɛlje lai ra kaiya dɔ mbə’g lal gər gelee ləm, aree iya rəa kəm dee’g ləm tɔ ɓa d’al ne dɔ godndu Njesigənea̰ gə́ kára mba ra ne néje gə́ kəm ra el ar ta wa ne dɔ dee tɔɓəi,

Ləbije 4:2

Ula Israɛlje pana: Loo gə́ dəw kára ra kaiya dɔ mbə’g lal gər gelee, al ne dɔ godndu Njesigənea̰ gə́ kára ba ya ɓa ra ne néje gə́ kəm ra el ndá né gə́ kəm ra ɓa nee:

Ləbije 4:22

Ɓó lé dəw gə́ to mbai ra kaiya dɔ mbə’g lal gər gelee, al ne dɔ godndu gə́ kára gə́ ka̰ Njesigənea̰ Ala ləa ra ne néje gə́ kəm ra el ar ta wa ne dəa ɓa,

Ləbije 4:27

Ɓó lé dəw gə́ kari ba mbuna koso-dəwje’g neelé ra kaiya dɔ mbə’g lal gər gelee, al ne dɔ godndu Njesigənea̰ gə́ kára ɓa ra ne néje gə́ kəm ra el, ar ta wa ne dəa ɓa,

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

2 Piɛrə 2:10

Deḛ gə́ d’ya̰ rɔ dee d’ar mal néje gə́ yèr gə́ ula pər meḛ dee’g ləm, gə d’ila ndɔl dɔ dəw dɔ deeje’g ləm tɔ lé bo̰ néra dee a kɔs ta dee’g kunda njé gə́ raŋg lai. Deḛje neelé to njédumje ləm, gə njébeeleje ləm tɔ ndá deḛ taji njérɔndubaje gə́ taji ɓó deḛ ndəd kəm dee el.

1 Samel 25:39

Dabid oo to gə́ Nabal wəi ndá yeḛ pana: Maji kar dɔ ri Njesigənea̰ ai səgərə mbata yeḛ ɔr kəm ta ləm dan boo-rɔkul gə́ Nabal ila dɔm’g, ɔgm ne ma kura ləa dɔ ra majel’g lé! Njesigənea̰ ar némajel lə Nabal tel oso dəa-yeḛ’g ya. Yen ŋga Dabid ula njékulaje rɔ Abigayil’g dəjee mba karee tel to dené ləa.