Pakɔsje 18:39 - Maktub gə́ To gə Kəmee

³⁹ Ma m’iri dee njigi-njigi ɓó d’askəm kuba naŋg kḭ tar el ŋga, Deḛ toso ne gin gɔlm’g naŋg ya tɔ.

Pakɔsje 18:39 ပူးပေါင်းရင်းမြစ်များ

1 Sôrta Gḭka-Israɛlje 22:18

Njesigənea̰ gə́ to Ala lə sí lé see yeḛ nai sə sí ar sí waje rɔ sí gə looje lai el wa. Mbata yeḛ ya̰ koso-dəwje gə́ mee ɓee’g neelé jim’g ndá njé gə́ dɔ naŋg nee lé d’ula dɔ dee no̰ Njesigənea̰’g ləm, gə no̰ koso-dəwje’g ləa ləm tɔ.

Pakɔsje 18:32

See na̰ ɓa gə́ Ala ɓəi wa. See to Njesigənea̰ lé el wa. See na̰ ɓa to gə́ kɔr mbal lé ɓəi wa. See to Ala lə sí lé to el wa.

Pakɔsje 34:21

Yeḛ tɔs kəmee dɔ sḭgareaje’g lai ndá Siŋgarea kára kara a təd el.

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Gosota-Kəmkàrje 8:36

Nɛ yeḛ gə́ ra kaiya ɔsm ne rəw ndá Yeḛ ula kəm rəa-yeḛ nja ndòo, Deḛ lai gə́ d’ḛjim bəḭ-bəḭ lé Deḛ ndigi yoo ya.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Nɔ̰-ndôo gə́ wɔji dɔ Jerusalem 5:5

Njékula kəm sí ndooje lé D’al sí kunda ləm, Siŋga sí yɔ ləma, Loo-kwa-rɔ lə sí kara godo ləm tɔ.

Tagə́maji gə́ Ja̰ ndang 15:23

Yeḛ gə́ wam gə mée lé yeḛ nja wa Bɔm gə mée tɔ.

Njé gə́ Epesə 1:22

Yeḛ orè néje lai gə gin gɔlee mès ləm, aree to dəw dɔ Eglisə ləm tɔ.

Njé gə́ Pilibə 3:21

Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.