Pakɔsje 18:15 - Maktub gə́ To gə Kəmee

¹⁵ Yeḛ rɔ ɓandaŋgje ləa sané ne njéba̰je ləm kad-kad, Yeḛ ar ndu ndaŋg lə ndi lé ɔs goo na̰ ŋgɔg-ŋgɔg Sané dee ar dee d’aw ne dɔ na̰’d pum-pum.

Pakɔsje 18:15 ပူးပေါင်းရင်းမြစ်များ

2 Samel 22:16

Ǝi Njesigənea̰, gə goo taji gə́ i taji dee ləm, Gə goo ndu kəmə gə́ teḛ əmi’g ləm tɔ lé Dɔ diŋgri loo gə́ gel manje teḛ ləm, Gin naŋg nee kara teḛ raga ndəgəsə kəm dee’g ləm tɔ.

2 Mbaije 19:7

M’a gə kula ndil kára mée’g mba karee oo sorta kára ɓa yeḛ a tel kaw mee ɓee’g ləa ɓəi, tɔɓəi m’a kar dee tɔlee gə kiambas dan mee ɓee’g ləa ya tɔ.

Maktub gə́ wɔji dɔ Jɔb 36:32

Tèl lə ndi lé yeḛ ndəm jia dɔ’g Ndá yeḛ aw ne gə́ dɔ njéba̰je’g ləa.

Maktub gə́ wɔji dɔ Jɔb 4:9

Kəmə gə́ Ala ila pugudu dɔ dee’g lé deḛ tuji ne ləm, Lel oŋg ləa roo dee dula-dula ləm tɔ.

Pakɔsje 104:5

I nja tum gin naŋg neelé Ndá né a yə ŋgirá nda̰ el.

Pakɔsje 106:9

Yeḛ ḭ gə baa-boo-kad gə́ ria lə Baa-Kas lé aree yi tə Ya̰ rəw ar dee njaa kəm wəlee’g lé Asəna gə dɔdilaloo bèe ya.

Pakɔsje 144:6

Maji kari ar ndi tel wəḭ-wəḭ Sané ne njéba̰je ləm kad-kad ləm, Rɔ ɓandaŋgje ləi lé ar dee ndəm ne rəw-kaw dee’g ləm tɔ.

Pakɔsje 74:15

I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Pakɔsje 76:6

Bao-rɔje gə́ njékwa diŋgam meḛ dee’gje lé D’unda dee banrɔ ya, D’oso gə rudu ɓi lə dee, Deḛ bao-rɔje lai neelé d’oo loo kaḭ bada dɔ rɔ dee’g el.

Pakɔsje 77:18

Ndi gə́ il lé tel to ko̰ ndi gə́ mbél manee naŋg ləm, Nda̰gee kara ɓar dan loo kil’g ləa ya ləma, Kandə ɓandaŋgje ləi turu pə-pə gə mee looje lai-lai ya ləm tɔ.

Pakɔsje 92:10

Ǝi Njesigənea̰, aa oo, njéba̰je ləi lé Aa oo, njéba̰je ləi lé d’udu guduru mba̰, Deḛ lai gə́ ra né gə́ majel lé kara sané kad mba̰ tɔ.

Teḛ-Raga 15:8

Gə goo kəmə gə́ teḛ əmi’g lé Man wa ne dɔ na̰ ko̰-ko̰ ləm, Man gə́ ula lé kara aar ne tar Asəna gə ndògo-bɔrɔ bèe ləm tɔ. Paŋgəm mán tel to né gə́ kədərə kaw-kaw dan mán baa-boo’g ya.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Jeremi 31:37

Njesigənea̰ pa togə́bè pana: Ɓó lé dəw askəm kwɔji tad lə dara gə́ tar ləm, Gə askəm tən gin naŋg gə́ bər ləm tɔ ndá Ma kara m’a kɔm ginkoji Israɛlje lai kɔrɔ Gə mbata néra deeje lai tɔ, Njesigənea̰ ɓa pa bèe.

Junas 2:6

Manje neelé tur dɔm pubug Gə mba kar kəmə ləm godo, Ŋguru mán neelé tula dɔm yal ləm, Mu manje kara ɓindi na̰ dɔm’g ləm tɔ.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Jakari 9:14

Njesigənea̰ a nduba rəa dɔ dee’g tar Ndá kandə ɓandaŋg ləa a teḛ to gə́ tel lə ndi bèe, Mbaidɔmbaije gə́ Njesigənea̰ a kar to̰to̰ ləa ɓar, Yeḛ a kaw kəmee gə́ kédé dan lel-boo gə́ dɔkɔl.

1 Samel 7:10

Loo gə́ Samel si inja nékinjaməs gə́ ka̰ roo lé bèe-bèe ndá Pilistije d’ɔr rɔ d’aw ɓee lə Israɛlje kaw rɔ sə dee. Njesigənea̰ ar ndi ndaŋg dɔ Pilistije’g mee ndəa gən ar dee d’ila rima-rima rəw kaw dee’g. Bèe ɓa Israɛlje dum dee ne ya.