Pakɔsje 18:14 - Maktub gə́ To gə Kəmee

¹⁴ Njesigənea̰ ndaŋg rəa mee dara’g, Njekurdɔloo ar ndia ɓar gə kwɔji gə kɔr pərje tɔ.

Pakɔsje 18:14 ပူးပေါင်းရင်းမြစ်များ

Maktub gə́ wɔji dɔ Jɔb 37:4

Tɔɓəi ndia ɓar wəl, Yeḛ ar ndu rɔnduba ləa ɓar ɔr loo lɔi-lɔi, Loo gə́ ndia ɓar lé ndá yeḛ ɔg ne tèl lə ndi el.

Maktub gə́ wɔji dɔ Jɔb 37:5

Ala ndaŋg rəa gə ndia gə́ to ɓəl kədm-kədm, Yeḛ ra boo-néje gə́ jeḛ n’gər gin dee el.

Maktub gə́ wɔji dɔ Jɔb 38:35

See i ila tèlje lə ndi tar wa. See d’ɔd d’aw wa. See dee d’ulai pana: Yḛ̀ j’aar nee wa.

Maktub gə́ wɔji dɔ Jɔb 6:4

Mbata kandə ɓandaŋgje lə Bao-siŋgamoŋ wam Ar kuma̰-yoo gə́ keneŋ andə rɔm’g tɔ. Néɓəlje lə Ala mbo̰ na̰ dɔm’g rɔ səm.

Pakɔsje 144:6

Maji kari ar ndi tel wəḭ-wəḭ Sané ne njéba̰je ləm kad-kad ləm, Rɔ ɓandaŋgje ləi lé ar dee ndəm ne rəw-kaw dee’g ləm tɔ.

Pakɔsje 21:12

Deḛ lé d’wɔji-kwɔji ra səi majel, Deḛ d’ə̰ji néje gə́ majel meḛ dee’g gə mba ra to Nɛ siŋga dee a godo.

Pakɔsje 29:3

Ndu Njesigənea̰ ɓar dɔ manje’g pṵgum-pṵgum ləm, Ala gə́ njedo̰gɔr-ronduba ar ndi ndaŋg paḭ-paḭ ləm tɔ, Njesigənea̰ lé si dɔ baa-booje’g ya.

Pakɔsje 29:7

Ndu Njesigənea̰ lé ar ndo̰ pərje teḛ bilim-bilim.

Pakɔsje 77:17

Ǝi Ala, manje lé d’ooi ya, Manje lé d’ooi ya ndá deḛ ndəb ne pəd-pəd, Ɓul manje kara tuga ne poŋgm-poŋgm tɔ.

Pakɔsje 77:18

Ndi gə́ il lé tel to ko̰ ndi gə́ mbél manee naŋg ləm, Nda̰gee kara ɓar dan loo kil’g ləa ya ləma, Kandə ɓandaŋgje ləi turu pə-pə gə mee looje lai-lai ya ləm tɔ.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Joɛl 2:11

Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

Habakuk 3:11

Kàr gə naḭ d’aar loo-kaar dee’g régégé Gə goo ndɔḭ lə ɓandaŋgje ləi gə́ teḛ lé ləm, Gə goo ndɔḭ lə niŋga-ndəije ləi gə́ ndogó ləm tɔ.

Bula lə Israɛlje 24:8

Ala ar dee d’unda loo mee ɓee gə́ Ejiptə teḛ ləm, Yeḛ nja siŋgá to asəna gə ka̰ dadɔg bèe mbata lə dee ləm tɔ. Deḛ ti ginkoji dəwje gə́ d’ḭ sə dee lé mbidi-mbidi ləm, Deḛ gaŋg siŋga dee dana ɗuguru-ɗuguru ləma, Deḛ rɔ dee gə ɓandaŋgje lə dee ləm tɔ.

Tel tura Godndu 32:23

M’a mbo̰ némajelje ɓəd-ɓəd kɔm dɔ dee’g ləm, M’a tur dee gə ɓandaŋgje ləm ləm tɔ.

Tel tura Godndu 32:42

Kiambas ləm a gaŋg dakasrɔ dee mbidi-mbidi ndá M’a kar kandə ɓandaŋgje ləm d’ai məs dee, Məs dee gə́ d’iŋga dooje ləm Gə ɓərje ləma, Gə yiŋga dɔ njéba̰je ləm lé ləm tɔ.

Jujé 10:10

Ndá Njesigənea̰ sané dee kad-kad no̰ Israɛlje’g, ar Israɛlje tɔl dee bula mbɔr Gabao̰’g ləm, tuba goo dee gə rəw gə́ aw gə́ Bet-Oron ləma, dum dɔ dee saar teḛ ne Ajeka gə Makéda ləm tɔ.

1 Samel 2:10

Njéba̰je lə Njesigənea̰ lé D’a kunda bala. Yeḛ a kar ndi ḭ mee dara gə́ tar Mba ndaŋ dɔ dee’g: Njesigənea̰ a gaŋg rəwta Kun ne rudu naŋg nee lad. Yeḛ a kar mbai ləa siŋgamoŋ, Yeḛ a kar siŋgamoŋ lə yeḛ gə́ yeḛ wa dəa gə́ ubu lé Ḭ dɔ maree’d gə́ kédé-kédé.