Pakɔsje 18:13 - Maktub gə́ To gə Kəmee

¹³ Loo gə́ ndogó nea̰’g lé sané mumje Gə kwɔji gə kɔr pərje kad-kad.

Pakɔsje 18:13 ပူးပေါင်းရင်းမြစ်များ

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Pakɔsje 104:7

Ta ndaŋg gə́ i ndaŋg dee lé Manje d’aḭ gə́ kédé ləm, Kaa ndi ləi gə́ ndaŋg lé Ar dee tudu kurum-kurum ləm tɔ.

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Pakɔsje 140:10

Deḛ gə́ d’aḭ dɔm sub lé Maji kar ta néra kori-kori gə́ teḛ ta dee’g lé Tel oso dɔ dee-deḛ’g ya.

Pakɔsje 78:48

Yeḛ uba nékulje lə dee ya̰ dee dan ndi kwɔji’g ləm, Ar pər gə́ dara tɔl koso-nékulje lə dee ləm tɔ.

Teḛ-Raga 20:18

Koso-dəwje lai d’oo ndu ndaŋg lə ndi ləm, gə telje lə ndi ləma, gə ndu to̰to̰ gə́ ɓar ləm tɔ, deḛ d’oo ndo̰ pərje gə sa pər gə́ tuu dɔ mbal’g lé. Koso-dəwje d’oo néje neelé ndá ar dee d’unda bala ləm, ar dee d’ɔr rɔ dee d’aar ne əw ləm tɔ.

Teḛ-Raga 9:24

Ndi ər gə kwɔji bai-bai ləm, pər kara pélé na̰ gə ndi kwɔji ləm tɔ, ndi kwɔji neelé al dɔ loo sula ləm, dəw oo garee togə́bè un kudee ndɔ tum gin ɓeeko̰ gə́ Ejiptə nee el ya saar ɓəi.

Ejekel 10:5

Kaa bag Nékundaje gə́ dara ɓar saar teḛ mee gadloo gə́ raga asəna gə ndu Ala gə́ Bao-siŋgamoŋ loo gə́ yeḛ pata bèe.

Habakuk 3:5

Loo gə́ nea̰’g lé yoo-koso ɓa teḛ keneŋ ləm, Tor gɔleeje’g lé rɔko̰ rɔnuŋga ɓa teḛ keneŋ ləm tɔ.

Tagə́maji gə́ Ja̰ ndang 12:29

Boo-dəwje gə́ d’aar keneŋ d’oo lé pa pana: To gə́ ndi gə́ ndaŋg. Njé gə́ raŋg pana: Kura gə́ dara ɓa wɔji səa ta.

Tel tura Godndu 32:24

Ɓó a tudu dee kurum-kurum ləm, Rɔko̰ rɔnuŋga gə rɔko̰je gə́ to ɓəl kədm-kədm D’a kula kəm dee ndòo ləm tɔ. M’a kula gə daje gə́ majel Gə́ mee wala’g ləm, Gə mas lije ləm tɔ dɔ dee’g.

Jujé 10:11

Loo gə́ d’isi d’aḭ no̰ Israɛlje’g teḛ ne loo-suru-ɗum’g lə ɓee gə́ Bet-Oron ndá Njesigənea̰ tila dee gə kwɔjije gə́ boi-boi gə́ d’ḭ dara saar ndá deḛ d’wəi ne lai ya mee ɓee gə́ Ajeka, deḛ gə́ d’wəi yoo-kwɔji lé bula d’unda deḛ gə́ Israɛlje tɔl dee gə kiambas tɔ.

Loo gə́ killa rea kəm Ja̰’g 19:6

Tɔɓəi ma m’oo ndu ɓar asəna gə ndu boo-dəwje gə́ bula digi-digi gə́ ɓar asəna gə mán gə́ ula u-u-u bèe ləm, asəna gə ndi gə́ ndaŋg paḭ-paḭ bèe ləm tɔ pana: Aleluia! Mbata Mbaidɔmbaije Ala lə sí gə́ to Bao-siŋgamoŋ lé yeḛ nja o̰ ɓee mba̰.

Loo gə́ killa rea kəm Ja̰’g 4:5

Ndi gə́ tel ləm, gə ndaŋg ləma, gə ndu dəwje gə́ ɓar ləm tɔ lé teḛ dan kalimbai’g lé. Néje d’asəna gə pərŋgelje siri ndɔḭ no̰ kalimbai’g lé ndɔḭ wər-wər, deḛ nja to ndilje lə Ala gə́ siri lé.

Loo gə́ killa rea kəm Ja̰’g 8:5

Kura gə́ dara lé un bai-larlɔr, odo ne yel pər gə́ to dɔ loo-nékinjaməs’g ɔm mée’g aree rusu ɓa unda ilá dɔ naŋg nee. Ndu dəwje ɓar yi-yi ləm, ndi tel ləm, ndi ndaŋg ləma, naŋg yə ləm tɔ.

1 Samel 7:10

Loo gə́ Samel si inja nékinjaməs gə́ ka̰ roo lé bèe-bèe ndá Pilistije d’ɔr rɔ d’aw ɓee lə Israɛlje kaw rɔ sə dee. Njesigənea̰ ar ndi ndaŋg dɔ Pilistije’g mee ndəa gən ar dee d’ila rima-rima rəw kaw dee’g. Bèe ɓa Israɛlje dum dee ne ya.