Pakɔsje 18:12 - Maktub gə́ To gə Kəmee

¹² Loo gə́ ndul ndiŋ-ndiŋ lé to loo-kwa-rɔ ləa ləm, To kəi-kubu ləa gə́ ra gugu ne dəa sub ləm tɔ. Man gə́ ndul konono ləm, gə kil-lə-ndi gə́ ndul ndiŋ-ndiŋ ləm tɔ lé Dolè ne rəa yul ya tɔ.

Pakɔsje 18:12 ပူးပေါင်းရင်းမြစ်များ

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Teḛ-Raga 19:9

Njesigənea̰ ula Moyis pana: Aa oo, m’a ree rɔi’g dan mum’d gə́ dəb bigim’g, mba kar dəwje d’oo ndum loo gə́ ma k’aar kwɔji səi ta ləm, gə mba kar dee d’ɔm ne mee dee dɔi’g ta-ta ləm tɔ. Ndá Moyis lé ndaji ta lə koso-dəwje lé ar Njesigənea̰ ya.

Esai 50:3

M’ar loo gə́ ndul njudu-njudu udu kəm dara ləm, M’ar kubu-kwa-ndòo ɓa gə́ nékila dəa’g ləm tɔ.

Matiyo 17:2

Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Jujé 10:11

Loo gə́ d’isi d’aḭ no̰ Israɛlje’g teḛ ne loo-suru-ɗum’g lə ɓee gə́ Bet-Oron ndá Njesigənea̰ tila dee gə kwɔjije gə́ boi-boi gə́ d’ḭ dara saar ndá deḛ d’wəi ne lai ya mee ɓee gə́ Ajeka, deḛ gə́ d’wəi yoo-kwɔji lé bula d’unda deḛ gə́ Israɛlje tɔl dee gə kiambas tɔ.

Loo gə́ killa rea kəm Ja̰’g 16:21

Ndi kwɔji gə́ ər ɓai-ɓai kara ḭ dara toso dɔ dəwje’g. Kwɔji kára ndá wɔi asəna gə nékwɔji kwɔi-lə-né rɔ-sɔ-sɔ, ar dəwje d’ila ne ndɔl dɔ Ala’g mbata ndi kwɔji neelé gə́ to tuji-boo lé.