Pakɔsje 17:3 - Maktub gə́ To gə Kəmee

³ Ɓó lé i naa meekuru ləm Esé tən néram loondul’g, Ɓó lé i aḭ məəm ndá I a kiŋga né gə́ raŋg kára keneŋ el, Takə̰ji ləm tɔ ɓəd gə ta gə́ teḛ tam’g el tɔ.

Pakɔsje 17:3 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

Maktub gə́ wɔji dɔ Jɔb 23:10

Lé bèe kara yeḛ gər rəw-kabm gao, Loo gə́ yeḛ a naam ndá M’a kunda loo teḛ gə rɔm gə́ àr ŋgad-ŋgad to gə́ larlɔr bèe.

Maktub gə́ wɔji dɔ Jɔb 24:14

Njetɔl dəw uba naŋg ḭ loo gə́ loo si àr Ndá yeḛ tɔl njenékəmndoo ləm, gə njendoo ləma Loondul ndá yeḛ to njeɓogo ləm tɔ.

Pakɔsje 11:5

Njesigənea̰ lé naa meekuru lə njemeekarabasur ya. Nɛ njemeeyèr gə njera né kərm-kərm lé yeḛ ə̰ji dee bəḭ-bəḭ.

Pakɔsje 119:106

Ma lé m’un ndum gə rɔkubu ndá M’a kaar dɔ’g njaŋg Gə mba kaa ne dɔ godnduije gə́ meekarabasur ləi wɔji.

Pakɔsje 139:1

Pakɔs lə Dabid gə́ bao-pa ɔs sə dee lé. Njesigənea̰, i nja naa meekuru ləm, i gərm gao.

Pakɔsje 139:23

Ǝi Ala, maji kari ur məəm gə mba gər məəm ləm, Aḭ məəm gə mba gər takə̰jije ləm ləm tɔ.

Pakɔsje 16:7

Ma m’pidi Njesigənea̰ gə́ njekwɔjim kəmkàr lé, Dan loondul’g ya kara takə̰ji ləm tɔjim kəmkàr ya.

Pakɔsje 26:2

Njesigənea̰, maji kari ur məəm, Aḭ ne məəm oo ɓa, Maji kari naa məəm gə takə̰ji ləm To gə́ naa ne lar loo-kula-bṵda’g bèe tɔ.

Pakɔsje 39:1

Pa lə Dabid gə́ ar bao-pa gə́ ria lə Jedutun karee ɔs sə dee lé

Pakɔsje 66:10

Ǝi Ala, i nja naa sí I naa sí to gə́ deḛ ndiri ne lar loo-kula-bṵda’g bèe.

Pakɔsje 7:4

Njesigənea̰, Ala ləm, Ɓó lé m’ra né togə́bè ləm, Ɓó lé jim ra néra gə́ kori-kori ləm,

Gosota-Kəmkàrje 13:3

Yeḛ gə́ aa dɔ tapeaje ndá Ŋgəm kankəmrea, Yeḛ gə́ pata lal kḛji gelee lé Aḭ gə́ loo tuji’g.

Jeremi 12:3

Nɛ Njesigənea̰, i gərm gao ləm, I oom ləma, i naa meekuru ləm Gə́ m’ɔm dɔi’g ləm tɔ. Maji kari ɔr dee asəna gə badje Gə́ d’aw sə dee gə́ loo-tɔl dee’g ləm, Maji kari gɔl dee Ŋgina ne ndɔ ndum dee mburug-mburug ləm tɔ.

Jeremi 50:20

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.

Ojee 7:6

Deḛ d’o̰ njuma̰ na̰ D’ar meḛ dee nuŋga to gə́ bwa-bṵda bèe. Oŋg lə dee toɓi loondul’g saar ndá Teḛ gə ndɔ rad lé yḛ́ saar mbudu bib o̰ tɔ.

Misee 2:1

Meeko̰ a koso dɔ deḛ gə́ la̰ji tor néra gə́ kori-kori meḛ dee’g D’wa dɔ gɔlee jəb dɔ tira-to dee’g! Loo gə́ loo àr yərərə ndá d’aw ra née Loo gə́ d’ɔm siŋgamoŋ rəa lé ji dee’g tɔ.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Malasi 3:2

See na̰ ɓa a kaskəm kisi kəmba ndɔ ree’g ləa wa. See na̰ ɓa a kaar tar ndɔ gə́ yeḛ a teḛ lé wa. Mbata yeḛ a to kasəna gə pər lə njelḛ̀ lar ləm, a kasəna gə ya̰-kià lə njétogo kubuje kar dee ndá bèe ləm tɔ.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

Néra Njékaḭkulaje 16:9

Mee tilee’g neelé némḭdi teḛ dɔ Pool’g aree oo dəw gə́ Masedoinə gə́ teḛ dəa’g təsərə ra ndòo rəa’g togə́bè pana: Maji kari ɔd gə́ Masedoinə’g nee la sə sí.

1 Njé gə́ Kɔrḭtə 4:4

nɛ yee gə́ nee ɓa ɔr ta dɔm’g el tɔ. Mbaidɔmbaije ɓa gə́ njekɔrkəmta ləm.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Maktub gə́ Jak ula ne ar ngan-Allaje 3:2

Néra gə́ to lée’g el tuga sí gə́ jigi ɓigidi-ɓigidi. Ɓó lé tapa dəw kára tugá gə́ jigi el ndá yeḛ to dəw gə́ maji ɔr njoroŋ, yeḛ askəm kwa rəa kir-kir.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Samel 24:10

Dabid dəji Sawul pana: See gelee ban ɓa, i ur mbii dɔ ta’g lə dəwje gə́ pana: Aa oo, Dabid aw saŋg loo ra səi némajel lé wa.

1 Samel 24:12

Bɔm, maji kari oo ta kubu ləi gə́ boi yul gə́ to jim’g nee. To gə́ ma m’inja ta kubu ləi gə́ boi yul nɛ m’tɔli el ndá maji kari ə̰ji gər ləm, ar kəmi inja dɔ’g ləm tɔ, to gə́ né gə́ majel əsé kɔs ta rəw godo rɔm’g ləm, m’ra kaiya m’ɔsi ne rəw el ləm tɔ. Nɛ i nja ɓa i umum rəw’g gə mba tɔlm ya.

1 Samel 26:11

Wah! Ma ɓa yḛ̀, maji kar Njesigənea̰ ɔgm loo kun jim kɔrɔ ne rɔ yeḛ gə́ Njesigənea̰ wa dəa gə́ ubu lé! Nɛ maji kari un ko̰-niŋga ləa gə́ to mbɔr négəd dəa’g ləm, gə ku-gwɔb-mán ləa ləm tɔ ndá ar sí j’ɔd j’awje.

1 Samel 26:23

Njesigənea̰ a ra gə nana kara gə goo nérea gə́ gə dɔ najee ləm, gə goo ŋgonkoji ləa ləm tɔ mbata Njesigənea̰ ilai jim’g ɓogənè nɛ ma ɓa m’ndigi kun jim kɔrɔ ne rɔ yeḛ gə́ Njesigənea̰ wa dəa gə ubu lé el.