Pakɔsje 17:14 - Maktub gə́ To gə Kəmee

¹⁴ Njesigənea̰, maji kari ɔrm ji dəwje gə́ dɔ naŋg nee gə jii gə́ ɓar mèr-mèr. Nédɔji lə dee to naŋg nee ləm, I ar meḛ dee ndan gə némajije ləi ləm tɔ, Ŋgan deeje kara meḛ dee ndan tub-tub Ar dee d’ya̰ ges néje lə dee gə́ uru kugu lé mbata lə ŋgaka deeje lé tɔ.

Pakɔsje 17:14 ပူးပေါင်းရင်းမြစ်များ

Maktub gə́ wɔji dɔ Jɔb 12:6

Meelɔm to mee kəi’g lə njétujilooje ləm, Si gə́ majee to mbata deḛ gə́ d’unda Ala ɓad ləma, Mbata dəw gə́ ar siŋgamoŋgee to magə ləa ləm tɔ.

Maktub gə́ wɔji dɔ Jɔb 12:9

Mbuna dee-deḛ’g lai neelé see na̰ ɓa a lal gər To gə́ ji Njesigənea̰ ɓa ra néje lai neelé wa.

Maktub gə́ wɔji dɔ Jɔb 21:21

Tɔgərɔ ya, see ta ɗi ɓa yeḛ ə̰ji dɔ njémeekəije’g ləa gə́ gée’g Loo gə́ naḭje ləa d’as mba̰ lé wa.

Maktub gə́ wɔji dɔ Jɔb 22:18

Lé bèe kara Ala nja ar némajije taa mee kəije lə dee pəl-pəl. Ma m’ndigi taa ta-kwɔji kəmkàr lə njémeeyèrje el!

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 73:12

Njémeeyèrje lé to togə́bè ya, Rɔ dee lel dee gə ndɔ dee ndɔ dee ləm, Nébaoje lə dee oso dɔ maree’d gə́ kédé-kédé ya ləm tɔ.

Gosota-Kəmkàrje 2:4

Ɓó lé i saŋgee to gə́ saŋg ne larnda ləma Ndolè gée to gə́ nébao bèe ləm tɔ ndá

Matiyo 13:44

Ɓeeko̰ gə́ dara lé to asəna gə nébao gə́ to loo-kiya’g mee ndɔ’g. Dəw teḛ keneŋ un iya kág gə́ lée’g ya. Rea lelee yaa̰ aree aw ndogo néje ləa mba kya̰ laree ndogo ne ndɔ neelé.

Lugu 16:25

Abrakam ilá keneŋ pana: Ŋgonəm, ar məəi olé dɔ némajije’g ləi loo gə́ i si ne gə kəmi danee’g lé nɛ Lajarə lé loo gə́ yeḛ si gə kəmee ɓəi lé yeḛ si dan némeeko̰’g ya, ɓasinè ndá yeḛ si dan meekulɔm’g ŋga, nɛ i ɓa yḛ̀ i si dan néurti’g gə́ si ya to ŋga.

Lugu 16:8

Loo gə́ ɓéeje oo goso lə njekaa dɔ néje ləa gə́ to majikoji el lé yeḛ ɔree ndəŋ ɔs ne gajee. Mbata ŋganje gə́ ɓasinè lé goso lə dee gə́ deḛ ra wɔji ne dɔ mar deeje lé dum ka̰ ŋgan lookàrje ya.

Tagə́maji gə́ Ja̰ ndang 15:19

Ɓó lé seḭ toje gə́ naŋg nee ndá naŋg neelé né kea̰ ɓa a ndigi ya, nɛ seḭ toje gə́ naŋg nee el mbata ma nja ma m’kɔd sí mbuna njé gə́ naŋg nee’g, yee ɓa njé gə́ naŋg nee d’wa sí gə meḛ dee gə mbəa.

Tagə́maji gə́ Ja̰ ndang 17:14

Ma m’un ta ləi m’ar dee, ndá njé gə́ dɔ naŋg nee d’wa dee gə meḛ dee mbata deḛ to gə́ ka̰ naŋg nee el, to gə́ ma kara m’to gə́ naŋg nee el lé tɔ.

Tagə́maji gə́ Ja̰ ndang 8:23

Ndá yeḛ ila dee keneŋ pana: Seḭje lé seḭ toje dəwje gə́ naŋg nee, nɛ ma lé m’to gə́ tar. Seḭ toje dəwje gə́ ka̰ naŋg nee, nɛ ma lé m’to gə́ dɔ naŋg nee el.

Maktub gə́ Jak ula ne ar ngan-Allaje 5:5

Seḭ sije ga̰daŋ dɔ naŋg nee dan nérɔlel gə́ wɔji dɔ darɔ sí-seḭ ləm, seḭ sije gə meendan ndɔ ndum mburug-mburug lə dəwje ya ləm tɔ.