Pakɔsje 17:1 - Maktub gə́ To gə Kəmee

¹ Tamaji lə Dabid Ǝi Njesigənea̰, maji kari ur mbii oo ne ndukwɔi ləm gə́ to danasur, Oré mbii ndəŋ dɔ ndu no̰je’g ləm ləm, Ur mbii gèŋ oo ne ta gə́ m’to ne tai’g Gə́ m’ra gə tam m’su ne kəm loo ɓa el ləm tɔ.

Pakɔsje 17:1 ပူးပေါင်းရင်းမြစ်များ

2 Samel 22:24

Ma lé m’to njegelgodo nea̰’g, M’ɔg rɔm dɔ néramje gə́ kori-kori’g tɔ.

2 Sôrta Gḭka Israɛlje 7:15

Un kudee ɓasinè lé mbim a to tag ləm, kəm a kaa loo gərərə ləm tɔ mba koo ne tamaji gə́ d’a gə ra lée’g neelé ya.

Nehemi 1:6

maji kari ur mbii gèŋ ləm, gə teḛ kəmi ləm tɔ gə mba k’oo ne tamaji ləm ma, kura ləi gə́ m’ra tai’g lé. Ɓasinè, dan kàrá gə loondul’g lé, m’no̰ tai’g mbata lə kuraje ləi gə́ Israɛlje lé ya. M’teggin kaiya lə Israɛlje, kaiya lə sí gə́ jeḛ n’ra j’ɔsje ne ta ləi rəw lé. Mbata ma jeḛ gə gel-bɔje lə bɔmje lé jeḛ n’raje kaiya ya.

Maktub gə́ wɔji dɔ Jɔb 16:17

Lé bèe kara jim ra né gə́ kərm-kərm kára el ləm, Tamaji ləm kara àr ne ŋgad-ŋgad ya ta-ta ləm tɔ.

Pakɔsje 102:2

Njesigənea̰, maji kari oo tamaji ləm, Ɓó gə mba kar ndu no̰ ləm lé Aw saar teḛ ne rɔi’g ya.

Pakɔsje 140:12

Dəw gə́ ndəa̰ pa taŋgɔm lé Maa̰ gɔlee dɔ naŋg nee el ləm, Dəw gə́ njera né kərm-kərm kara Meeko̰ aw səa aree tuji ne ləm tɔ.

Pakɔsje 142:1

Pakɔs lə Dabid gə́ ɔs loo gə́ yeḛ to ne mee bolè mbal’g. Yee ɓa gə́ tamaji ləa.

Pakɔsje 142:6

Njesigənea̰, i nja ɓa m’ɔr ndum m’no̰ ne wəl gə́ rɔi’g ya. Ma m’pana: I lé to gə́ njo̰loo-kula-dɔ ləm ya, I to né gə́ wɔji dɔm-ma ya dɔ naŋg’g lə deḛ gə́ d’isi kəmba.

Pakɔsje 143:1

Pakɔs lə Dabid. Njesigənea̰, maji kari oo tamaji ləm, Ur mbii gèŋ oo ne ndòo raje ləm! Maji kari ilam keneŋ am né gə́ m’aw ndée Gə goo meenda londoŋ ləi ləm, Gə goo néra gə dɔ najee ləi ləm tɔ.

Pakɔsje 145:18

Njesigənea̰ lé si mbɔr dee-deḛ gə́ ɓar ria’g lé dəb, Deḛ lai gə́ ɓar ria gə mée kára ba bərəŋ lé.

Pakɔsje 18:20

Yeḛ am m’ila rɔm rəs ləm, Yeḛ ajim ləm tɔ mbata yeḛ lé undam dan kəmee’g.

Pakɔsje 18:44

I ɔrm mbuna koso-dəwje gə́ njémaḭtaje’g ləm, I undam gə́ mbai dɔ ginkoji dəwje gə raŋg ləm tɔ. Dəwje gə́ m’gər dee kédé el lé ra kula d’am.

Pakɔsje 43:1

Ǝi Ala, maji kari ɔr kəm ta ləm gə goo rəbee, Oso gelm’g ɔs ne ta lə ginkoji dəwje gə́ to majikojije el lé rəw! Maji kari taam ji dəwje gə́ njéŋgɔmje’g ləm, gə njéra né kori-korije’g ləm tɔ.

Pakɔsje 5:2

Ǝi Njesigənea̰, maji kari tuga mbii oo ne ta ləm! Ur mbii gèŋ oo ne ndu tuma̰je gə́ m’tuma̰ lé!

Pakɔsje 54:4

Ǝi Ala, maji kari oo ndu tamaji ləm, Ur mbii oo ne taje gə́ teḛ tam’g lé ya tɔ.

Pakɔsje 55:18

Kàrkemetag, gə teḛ gə ndɔ rad, gə kàr gə́ aar daŋdɔ lé M’ila kəmə m’tuma̰ ne ŋgururu-ŋgururu Ndá yeḛ a koo ndum ya.

Pakɔsje 61:1

Pakɔs lə Dabid gə́ ar bao-pa mba karee ɔs sə dee lé. D’ɔs gə nékim gə́ gə kuláje.

Pakɔsje 61:2

Ǝi Ala, oo ndu no̰je ləm, Gə́ ur mbii gèŋ dɔ ndukwɔi’g ləm ya!

Pakɔsje 66:19

Nɛ Ala orè mbia ndəŋ dɔ ndukwɔi’g ləm Ndá am ne né gə́ m’dəjee lé

Pakɔsje 7:8

Maji kar koso-dəwje mbo̰ dɔ na̰ rɔi’g! Maji kari-i nja uba dɔ dee gao si tar!

Pakɔsje 84:9

Njesigənea̰, Ala gə́ njeboo-néje lé Maji kari oo tamaji gə́ m’ra tai’g ya, Ala lə Jakob, maji kari ur mbii gə́ rɔm’g ya tɔ.

Pakɔsje 86:1

Tamaji lə Dabid. Njesigənea̰, ur mbii gèŋ ɓó gə́ ilam keneŋ, Mbata ma lé m’to gə́ njendoo gə njenékəmndoo ya.

Pakɔsje 86:6

Njesigənea̰, maji kari ur mbii gèŋ oo ne tamaji ləm, Maji kari orè ne mbii ndəŋ dɔ ndukwɔi’g ləm ya kari.

Pakɔsje 88:3

Maji kar tamaji ləm lé aw saar teḛ nɔḭ’g ya ləm, Ur mbii gèŋ oo ne ndòo raje ləm lé ya ləm tɔ,

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Jeremi 3:10

Lée gə goo néje neelé lai kara Judaje gə́ to njéhulaije gə́ to ŋgako̰ deeje gə́ dené lé tel ree rɔm’g gə mee kára ba el. Deḛ ra gə́ néŋgɔm ya. Njesigənea̰ ɓa pa bèe.

Matiyo 15:8

Koso-dəwje neelé ta dee ɓa deḛ təd ne kagm, Nɛ meḛ dee nai səm əw.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

1 Ja̰ 3:21

Seḭ gə́ m’unda sí dan kəm’g, ɓó lé meḛ sí ila ta dɔ sí’g el ndá j’a koo loo gə mba rəm pər gə́ rɔ Ala’g lé gə meendakaḭ.