Pakɔsje 16:3 - Maktub gə́ To gə Kəmee

³ Njémeendaje gə́ d’isi mee ɓee’g lé Deḛ gə́ to njékwa Ala meḛ dee’gje lé M’unda dee dan kəm’g dana ɗəŋgərə.

Pakɔsje 16:3 ပူးပေါင်းရင်းမြစ်များ

2 Sôrta Gḭka Israɛlje 6:41

Ɓasinè, əi Njesigənea̰ Ala, Maji kari ḭta ree loo-kwa-rɔ’g ləi, I gə sa̰duk-manrɔ gə́ ka̰ siŋgamoŋ ləi lé. Ǝi Njesigənea̰ Ala, Maji kar njékinjanéməsje ləi lé D’ar kaji ɓa gə́ nédolé rɔ dee ləm, Ar deḛ gə́ i unda dee dan kəmi’g lé D’al rɔ dee d’isi ne dan maji’g ləm tɔ.

Pakɔsje 101:6

Majikojije gə́ mee ɓee’g neelé m’a korè kəm ndəŋ dɔ dee’g Gə mba kar dee d’isi ne mbɔrm’g dəb, Yeḛ gə́ njaa rəw gə́ danasur lé ndá Yeḛ a to kura ləm ya tɔ.

Pakɔsje 116:15

Kwəi lə deḛ gə́ d’unda Njesigənea̰ dan kəm dee’g lé To né gə́ to gə́ ŋgonkəmee ya.

Pakɔsje 119:63

Ma lé m’wa baokura gə deḛ lai gə́ ɓəli ləm, Gə deḛ gə́ d’aa dɔ ndukunje ləi kər-kər lé ləm tɔ.

Pakɔsje 122:8

Ma m’ndiŋga rɔm gə mba kar mee ɓee to lɔm Mbata lə ŋgakɔmje gə baokuraje ləm lé.

Pakɔsje 30:4

Njesigənea̰, i nja am m’unda loo m’teḛ dan njé gə́ d’wəi’g, I nja am m’tel m’isi kəmba əw gə deḛ gə́ d’uru mee bwa-dɔɓar’g lé.

Gosota-Kəmkàrje 12:26

Njemeekarabasur lé Tɔji kuramaree rəw gə́ maji, Nɛ rəw-kaw njémeeyèrje lé Ur dee walá.

Gosota-Kəmkàrje 13:20

Yeḛ gə́ ɔr kura gə njékəmkàrje lé Tel to njekəmkàr tɔ, Nɛ yeḛ gə́ to njeboalookaw lə mbəje lé Iŋga némajel keneŋ.

Gosota-Kəmkàrje 8:31

M’ra rɔlel dɔ naŋg’d ləa ləma, M’ar məəm lelm mbuna dəwje’g ləm tɔ.

Pa gə́ ur dɔ paje 7:10

Maji kar tai lel to gə́ mán-nduú Gə́ ai ndá ari rɔlel bèe ləm tɔ, Man-nduú gə́ ula njoroŋ mbata lə Yeḛ gə́ m’undá dan kəm’g lé ləm, Gə́ ruba ta njétoɓije’g lé ləm tɔ.

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Malasi 3:17

Njesigənea̰ gə́ njeboo-néje lé pana: D’a to koso-dəwje gə́ to ka̰ ma ya mee ndəa gə́ m’wa dɔ gɔlee’g lé. M’a koo kəmtondoo lə dee to gə́ dəw oo ne kəmtondoo lə ŋgonee gə́ ra né aree bèe.

Néra Njékaḭkulaje 9:13

Ananias ilá keneŋ pana: Mbaidɔmbaije, m’oo ta néra gə́ majel gə́ dəw neelé ra gə njémeendaje gə́ Jerusalem lé ta dəwje wəg-wəg.

Njé gə́ Galati 6:10

Togə́bè ɓa loo gə́ j’iŋga loo mba ra ndá maji kar sí j’wa noji gə dəwje lai ya nɛ noji gə́ j’a kwa gə ŋgako̰ síjeḛ gin meekun’g lé ar sí j’aree ur dɔ ka̰ njé gə́ raŋg’d tɔ.

Njé gə́ Epesə 1:1

Ma Pool, njekaḭkula lə Jeju Kristi gə́ Ala ɔrm kəmee’g to gə́ mée wɔji lé m’ndaŋg maktub nee m’ar deḛ gə́ to gə kəmee Epesə ləm, m’ar majikojije gə́ gin Jeju Kristi ləm tɔ.

Titə 3:8

Ta neelé to kankəmta ya. Ma m’ndigi kari ula dee taree rədədə ya mba kar deḛ gə́ d’ɔm meḛ dee dɔ Ala’g lé néraje gə́ maji ɓa d’a kwəi keneŋ ɗigi-ɗigi. Yee ɓa to né gə́ maji ləm, to gə́ gel né gə́ a la gə dəwje lai ləm tɔ.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.