Pakɔsje 16:10 - Maktub gə́ To gə Kəmee

¹⁰ Mbata i a kya̰’m ɓee lə njé gə́ d’wəi’g lé el ləm, Yeḛ gə́ i undá dan kəmi’g lé I a kyá̰ k aree unda naŋg ndəs el ləm tɔ.

Pakɔsje 16:10 ပူးပေါင်းရင်းမြစ်များ

Maktub gə́ wɔji dɔ Jɔb 11:8

Négər ləa dəree ḭ gə́ tar unda dara. See ɗi ɓa i a ra wa. Kuru ləa to yaa̰ unda ɓee lə njé gə́ d’wəi. See ɗi ɓa i a gər wa.

Pakɔsje 139:8

Ɓó lé m’a kḭ kaw mee dara’g ndá I si keneŋ gən ya, Ɓó lé m’a to mbuna njé gə́ d’wəi’g kara I si gən ya tɔ.

Pakɔsje 49:15

D’ɔm dee ɓee lə yoo to gə́ koso-nékulje bèe Ar yoo ɓa unda dee gə́ nésɔ ləa, Waga ndá njéra nédanaje ɓa mbula dee naŋg gə gɔl dee ya ləm, Kura lə dee sané pá ləma, Ɓee lə yoo ɓa to loo-si dee ləm tɔ.

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Gosota-Kəmkàrje 15:11

Ɓee lə njé gə́ d’wəi gə bwa-wəl gə́ suna godo lé To raga ndəgəsə no̰ Njesigənea̰’g, Ŋga ɓəd ɓa see meḛ dəwje ɓəi wa.

Gosota-Kəmkàrje 27:20

Ɓee lə njé gə́ d’wəi ləm gə bwa-wəl gə́ suna godo ləm tɔ lé né as dee nda̰ el, Kəm dəw kara né asee nda̰ el tɔ.

Esai 14:9

Loo-si njé gə́ d’wəi’g lé D’aw dɔ na̰’d wur-wur keneŋ Mba kwai gə́ rɔ dee’g loo ree’g ləi, Deḛ ndel njé gə́ d’wəi lé nɔḭ’g, Dəwje gə́ boo-boo lai gə́ dɔ naŋg nee ləm, Gə mbaije lə ginkoji dəwje gə raŋg lai lé Deḛ d’ḭ dɔ kalimbaije’g lə dee ləm tɔ.

Esai 5:14

Gelee gə́ nee ɓa ɓee lə yoo lé təa to tag ləm, Ta bwa dɔɓar to tag hagaga ləm tɔ. Bèe ɓa boo-némajije gə nébaoje lə Sio̰ lé ndɔm na̰ keneŋ ləm, Boo-dəwje lə dee gə́ ndu dee ɓar yi-i-i gə rɔlel lé ndɔm na̰ keneŋ ləm tɔ.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ləbije 19:28

Seḭ a tḭjaje ndaji rɔsi’g kwaje ne ndòo yoo el ləm, seḭ a tḭjaje liba rɔ sí’g el ləm tɔ. Ma m’to Njesigənea̰.

Amɔs 9:2

Ɓó lé d’aw njal teḛ ne loo gə́ lə njé gə́ d’wəi’g ndá Ji neḛ a kwa dee wɔgədɔ kɔr dee ya ləm, Ɓó lé d’ḭ d’aw mee dara’g kara N’a kar dee rəm d’uru naŋg ya ləm tɔ.

Bula lə Israɛlje 6:6

Ndɔje lai gə́ yeḛ ɔr ne rəa unda gə kəmee mbata lə Njesigənea̰ lé yeḛ a tibi mbɔr nin dəw el,

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 16:23

Yeḛ si loo-si njé gə́ d’wəi’g ndá dan néurti gə́ rəa lé yeḛ un kəmee gə́ tar aa ne loo oo Abrakam si ŋgərəŋ ndá yeḛ oo Lajarə si mbɔree’g tɔ.

Lugu 4:34

Wai, Jeju gə́ Najaret! See ɗi ləi to rɔ sí’g wa. See i ree rɔ sí’g mba tuji sí kɔ to ŋga wa. Ma m’gər gao, i to Njemeenda ka̰ Ala lé nja.

1 Njé gə́ Kɔrḭtə 15:42

To kára ba asəna gə deḛ gə́ d’a gə teḛ dan njé gə́ d’wəi’g, darɔ dee gə́ dubu lé to né gə́ a gə kunda naŋg ndəs, nɛ teḛ gə́ d’a gə d’a kunda loo teḛ lé d’a teḛ gə rɔ dee gə́ a gə kunda naŋg ndəs el ŋga.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 20:13

Baa-boo-kad un deḛ gə́ d’wəi keneŋ lad-lad ree sə dee ləm, yoo gə ɓee lə yoo lé d’un deḛ gə́ d’wəi keneŋ lad-lad ree sə dee ləm tɔ. Deḛ gaŋgta dɔ dee’g kára-kára lai gə goo néra dee.