Pakɔsje 16:1 - Maktub gə́ To gə Kəmee

¹ Pa lə Dabid Ǝi Ala! Maji kari tɔs kəmi dɔm’g Mbata i nja ɓa to njo̰loo-kula-dɔ ləm.

Pakɔsje 16:1 ပူးပေါင်းရင်းမြစ်များ

Pakɔsje 116:6

Njesigənea̰ lé to gə́ njeŋgəm dee gə́ négər nà meḛ dee tas, Ma lé m’to njenékəmndoo ndá yeḛ nja ɓa ajim.

Pakɔsje 125:1

Pakɔs kḭ kaw tuga ne loo ɗao-ɗao gə́ tar. Deḛ gə́ d’ɔm meḛ dee dɔ Njesigənea̰’g lé To d’asəna gə mbal gə́ Sio̰ gə́ né yə ŋgirá el bèe Nɛ yee ŋgəŋ ŋgəŋ-ŋgəŋ saar gə no̰ ya.

Pakɔsje 146:5

Rɔlel nai gə yeḛ gə́ Ala lə Jakob to gə́ njela səa ya ləm, Yeḛ gə́ unda mée yel dɔ Njesigənea̰ Ala’g ləa lé ləm tɔ.

Pakɔsje 17:5

Gɔlm ŋgəŋ ŋgəŋ-ŋgəŋ dɔ kila rəwje’g ləi ləm, Gɔlm unda ndolè nda̰ el ləm tɔ.

Pakɔsje 17:8

Maji kari tɔs kəmi dɔm’g asəna gə ŋgonkəmi ləm, Maji kari iyam kɔrɔg gel bagi’g lé ləm tɔ.

Pakɔsje 22:8

Deḛ lai gə́ d’oom lé ndá d’ula sul dɔm’g, Deḛ teḛ ta dee ləgəgə-ləgəgə ləm, Deḛ tuga dɔ dee jəgm-jəgm dɔm’g ləm tɔ pana:

Pakɔsje 25:20

Maji kari tɔs kəmi dɔm’g Ɓó gə ajim ne! Loo gə́ m’saŋg njo̰loo-kula-dɔ ləm rɔi’g ndá Am m’nai gə rɔkul el.

Pakɔsje 31:23

Ta teḛ tam’g pe’d am m’pana: I nja tubam ɔsm rɔi’g rəw gə́ raŋg! Nɛ loo gə́ m’ila ndum naŋg m’ra ne ndòo rɔi’g ndá I ilam keneŋ ya.

Pakɔsje 37:28

Mbata Njesigənea̰ ndigi néra gə́ gə meekarabasur ləm, Yeḛ uba majikojije ləa ya̰ dee el ləm tɔ, Yeḛ tɔs kəmee bao-bao dɔ dee’g. Nɛ ŋgaka njémeeyèrje lé D’a kudu bo̰ dɔ naŋg nee.

Pakɔsje 56:1

Pa lə Dabid gə́ ar bao-pa mba karee ɔs sə dee lé. D’ɔs gə ndu gwɔs pa gə́ wɔji dɔ dərnda gə́ si dɔ kagje gə́ əw. Loo gə́ Pilistije d’uba Dabid d’wá mee ɓee gə́ Gat’g lé.

Pakɔsje 60:1

Pakɔs lə Dabid gə́ ar bao-pa mba karee ɔs sə dee lé gə mba ndoo dee ne né. D’ɔs gə ndu pa gə́ pana: Pudu ndujaje.

Pakɔsje 7:1

Pa no̰ ndòo lə Dabid gə́ yeḛ ɔs ar Njesigənea̰ wɔji ne dɔ Kus, dəw gə́ ginkoji’g lə Bḛjami.

Pakɔsje 7:2

Njesigənea̰, Ala ləm, m’saŋg loo-kula-dɔm rɔi’g, Maji kari ɔrm ji deḛ gə́ d’ula kəm ndòo’g lé ajim.

Pakɔsje 84:12

Mbata Njesigənea̰, Ala to kàr ləm, gə dər-rɔ ləm tɔ, Meenoji gə rɔnduba lé Njesigənea̰ ɓa ar dee, Deḛ gə́ njaa gə goo rəw gə́ danasur lé Yeḛ ɔg dee némaji kára kara bèe el.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Pakɔsje 97:10

Seḭ gə́ undaje Njesigənea̰ dan kəm sí’g lé Ǝ̰jije né gə́ majel bəḭ-bəḭ ya. Yeḛ tɔs kəmee bao-bao dɔ majikojije’g ləa Ɔr dee ne ji njémeeyèrje’g.

Gosota-Kəmkàrje 2:8

Gə mba ŋgəm ne kila-rəwje Gə́ ka̰ néra gə́ gə dɔ najee ləm, Gə mba gəd ne majikojije ləa Dɔ rəw-kaw dee’g ləm tɔ.

2 Njé gə́ Kɔrḭtə 1:9

Meḛ síjeḛ’g lé j’oo rɔ sí gə́ ka̰ yoo ya doŋgɔ. Nɛ j’ɔm meḛ sí dɔ Ala’g yeḛ gə́ njekar dəwje d’unda loo teḛ loo-yoo’g lé ɓó j’ɔm meḛ sí dɔ rɔ sí’g el.

2 Timote 1:12

Yee ɓa, m’isi ne dan némeeko̰’g gə mbəa. Nɛ ma m’ra kəmkul dɔ’g el mbata yeḛ gə́ m’ɔm məəm dəa’g lé ma m’gəree gao ləm, m’unda ne məəm yel gə́ dəa’g mbata yeḛ askəm ŋgəm né gə́ m’ya̰ jia’g lé saar ndɔ gə́ boo’g lé ləm tɔ.