Pakɔsje 150:6 - Maktub gə́ To gə Kəmee

⁶ Maji kar né gə́ rara gə́ aw kəmba lé Pidi Njesigənea̰ ya. Maji kar sí pidije Njesigənea̰ lé ya!

Pakɔsje 150:6 ပူးပေါင်းရင်းမြစ်များ

Pakɔsje 103:22

Seḭ kula reaje lai lé Undaje no̰ dɔkaisəgərə lə Njesigənea̰ Gə looje lai-lai gə́ yeḛ dum dɔ loo keneŋ. Ŋgaw məəm, maji kari unda no̰ dɔkaisəgərə lə Njesigənea̰!

Pakɔsje 145:10

Ǝi Njesigənea̰, néraje ləi lai lé d’a kɔs ne gajii ləm, Majikojije ləi kara d’a kunda no̰ dɔkaisəgərə ləi ya ləm tɔ.

Pakɔsje 145:21

Maji kar tam teḛ pidi ne Njesigənea̰ ləm, Maji kar dəwje lai d’ar dɔ ria ai səgərə saar-saar gə no̰ ya ləm tɔ.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 68:5

Ɔsje pa arje Ala, arje ria ɓar ne! Woḭje kəm rəw arje yeḛ gə́ njaa dɔdilaloo’g lé. Njesigənea̰ ɓa to gə́ ria ya, Bèe ndá alje rɔ sí nea̰’g!

Loo gə́ killa rea kəm Ja̰’g 5:13

Nékundaje lə Ala gə́ gə ri dee ri dee mbuna dara’g ləm, gə dɔ naŋg nee ləm, gə gin naŋg’d ləm, gə dan baa-boo-kad’g ləma, gə néje gə́ gə ria-ria gə́ to keneŋ ləm tɔ lé ma m’oo ndu dee ɓar pana: Yeḛ gə́ si kalimbai’g ləm, Gə Ŋgonbad ləm tɔ lé Maji kar dɔ ri dee ai səgərə-səgərə ləm, Maji kar ta pidi gə riɓar gə rɔnduba gə siŋgamoŋ To ka̰ dee gə ləb dee ləb dee saar gə no̰.