Pakɔsje 15:2 - Maktub gə́ To gə Kəmee

² Yeḛ gə́ njaa rəw néra gə́ danasur’g ləm, Gə ra né gə́ gə dɔ najee ləma, Gə pata gə goo kankəmta gə́ to mée’g ləm tɔ ɓa.

Pakɔsje 15:2 ပူးပေါင်းရင်းမြစ်များ

Pakɔsje 24:4

Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Gosota-Kəmkàrje 20:7

Njemeekarabasur lé njaa gə goo rəbee, Rɔlel nai gə ŋganeeje gə́ gée’d gogo.

Gosota-Kəmkàrje 28:18

Yeḛ gə́ njaa gə goo rəbee lé a kaji ne, Nɛ yeḛ gə́ un rəwje joo gə́ nduni lé a koso yeḛ gə́ kára’g.

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Misee 2:7

Seḭ ŋgaka Jakob, See seḭ a paje ta gə́ togə́bè wa. See Njesigənea̰ to njekḭ kalaŋ Kar mée ḭ səa jugugu wa. See yee gə́ bèe ɓa gə́ nérea wa. See taje ləm lé maji lə dee to keneŋ Mbata lə yeḛ gə́ njaa danasur el wa.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Néra Njékaḭkulaje 10:35

Nɛ gə ginkoji dəwje gə raŋg lé nana ɓa gə́ ɓəlee ra ne né gə́ to gə dɔ najee ndá to gə́ njetaakəmee rəgm ya.

Njé gə́ Rɔmə 2:10

Deḛ gə́ ra némaji lé d’a si dan rɔnduba’g gə dan riɓar’g gə dan meekulɔm’g ləm tɔ, Jibje kédé ɓa Grekje ɓəi!

Njé gə́ Galati 2:14

Loo gə́ ma m’oo to gə́ deḛ njaa dana gə goo kankəmta lə Tagə́maji lé el ndá ma m’ula Képas kəm dee’g lai m’pana: Ɓó lé i to gə́ Jib ɓa nérai to gə goo ka̰ njépole-magəje ɓó to gə goo ka̰ Jibje el ndá ŋga, see gelee ban ɓa i ɔs njépole-magəje mba kar dee tel rɔ dee gə́ Jib tɔɓəi wa.

Njé gə́ Epesə 2:10

Mbata jeḛ gə́ j’ɔm na̰’d gə Kristi lé jeḛ n’toje nékundaje lə Ala gə́ yeḛ unda sí mba kar sí n’ra ne néraje gə́ maji gə́ Ala nja wa dəa gɔl-gɔl kédé mba kar sí n’raje.

Njé gə́ Epesə 4:25

Gelee gə́ nee ɓa, maji kar sí ɔgje ta sí dɔ taŋgɔm’g. Nɛ kankəmta ɓa, maji kar nana kara aree teḛ təa’g ar maree, mbata jeḛ lai jeḛ n’toje barkəmrɔ na̰.

Njé gə́ Kolosə 3:9

Ulaje na̰ taŋgɔm mbuna sí’g el mbata dəw gə́ ləw gə néreaje lé seḭ ɔrje jo̰gee ubaje ya̰je mba̰,

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

1 Ja̰ 2:29

Ɓó lé seḭ gəreeje gə́ njemeekarabasur gao ndá maji kar sí gərje gao nana ɓa gə́ ra né gə́ to gə dɔ najee ndá Bɔ-dəwje nja ɓa gə́ njekojee.

1 Ja̰ 2:6

Yeḛ gə́ pana: Neḛ nai səa ndá maji karee un panjaa ləa-yeḛ lé lad tɔ.

1 Ja̰ 3:7

Ŋganəmje, maji kar dəw kára kara su kəm sí el. Yeḛ gə́ ra né gə́ gə goo rəbee ndá yeḛ to njemeekarabasur to gə́ Kristi to gə́ njemeekarabasur bèe tɔ.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.