Pakɔsje 149:4 - Maktub gə́ To gə Kəmee

⁴ Mbata Njesigənea̰ ar rəa lelee dɔ dəwje’g ləa, Njénékəmndooje lé yeḛ aji dee ula ne rɔnduba dɔ dee’g tɔ.

Pakɔsje 149:4 ပူးပေါင်းရင်းမြစ်များ

Pakɔsje 117:2

Mbata meemaji ləa gə́ wɔji dɔ sí lé To né gə́ boo ya ləm, Meenda ləa kara To saar-saar gə no̰ ya ləm tɔ. Pidije Njesigənea̰.

Pakɔsje 132:16

N’a kula kaji rɔ njékinjanéməsje’g ləa asəna gə kubu bèe ləm, Majikojije ləa lé d’a ra né wəl-wəl gə rɔlel ya ləm tɔ.

Pakɔsje 147:11

Njesigənea̰ lé unda deḛ gə́ ɓəlee Deḛ gə́ d’unda meḛ dee yel gə́ dɔ meemaji’g ləa lé dan kəmee’g.

Pakɔsje 22:8

Deḛ lai gə́ d’oom lé ndá d’ula sul dɔm’g, Deḛ teḛ ta dee ləgəgə-ləgəgə ləm, Deḛ tuga dɔ dee jəgm-jəgm dɔm’g ləm tɔ pana:

Pakɔsje 35:27

Deḛ lai gə́ d’al rɔ dee mbata ta wa dɔm el lé Maji kar dee d’iŋga rɔlel gə boo-rɔkal ləm, Maji kar dee pa lal kila ta dee naŋg pana: Maji kula rɔnduba dɔ Njesigənea̰’d Gə́ ndigi kar kura ləa si dan meelɔm’g lé.

Pakɔsje 90:17

Maji kar meenoji lə Njesigənea̰, Ala lə sí nai rɔ sí’g, Maji kari ar kula ra sí gə́ jeḛ n’raje gə ji sí to ne njaŋg, Oiyo, maji kar kula ra sí gə́ jeḛ n’raje gə ji sí to njaŋg ya.

Gosota-Kəmkàrje 11:20

Deḛ gə́ meḛ dee to kori-kori lé To kḛji kəm Njesigənea̰’g, Nɛ deḛ gə́ rəw-kaw dee to gə goo rəbee lé Taa kəmee rəgm.

Pa gə́ ur dɔ paje 1:11

J’a ra néɗɔi-rɔije gə larlɔr Gə́ ndaŋgee mèr ləm, gə larnda ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Jeremi 32:41

Rɔm a lelm mba kam m’ra sə dee meemaji ndá m’a ma̰a dee tɔgərɔ mee ɓee’g neelé gə meendakaḭ gə ŋgaw məəm bura ya.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Ǝbrəje 12:10

Bɔ síje lé d’wɔji sí kəmkàr dɔ néra sí’g waga ba, to gə́ meḛ dee wɔji. Nɛ Ala lé wɔji sí kəmkàr dɔ néra sí’g mba kar sí j’isi ne gə majee ɓa meḛ sí a ndá to gə́ mée-yeḛ ndá tɔ.

1 Piɛrə 3:4

nɛ saŋgje né gə́ ka̰ ma̰də gə́ meḛ sí’g gə́ ula rəa meḛ sí’g kəi njuma̰ gə́ wɔji dɔ meenda kɔr jol-jol ləm, gə kaw yururu ləm tɔ yee ɓa gə́ né gə́ gadee dum ndogo no̰ Ala’g ya.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.