Pakɔsje 149:3 - Maktub gə́ To gə Kəmee

³ Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

Pakɔsje 149:3 ပူးပေါင်းရင်းမြစ်များ

2 Samel 6:14

Dabid ndam gə siŋgarea bura no̰ Njesigənea̰’g ləm, yeḛ tɔ kubu gə́ d’ṵji gə kúla palégal ɓa rḛgee’g ləm tɔ.

2 Samel 6:16

Loo gə́ d’andə gə sa̰duk-manrɔ lə Njesigənea̰ mee ɓee’g lə Dabid ndá Mikal, ŋgolə Sawul gə́ dené lé aa loo kəmbolè’g ndá yeḛ oo mbai Dabid gə́ tal ləm, gə la ləm tɔ no̰ Njesigənea̰’g ndá yeḛ ə̰jee bəḭ-bəḭ gə mée ya.

1 Sôrta Gḭka-Israɛlje 16:42

Heman gə Jedutun d’aar mbɔr dee’g gə to̰to̰je ləm, gə ma̰dje gə́ sa səgə-səgə ləm tɔ mbata lə deḛ gə́ d’im d’aree ɓar ŋgəw ləm, gə nékimje gə́ wɔji dɔ pa kula rɔnduba dɔ Ala’g lé ləm tɔ. Ŋgalə Jedutun to njéŋgəm tarəwkəije ya.

1 Sôrta Gḭka-Israɛlje 25:6

Deḛ lai neelé bɔ deeje d’ɔr no̰ dee keneŋ mba kar dee d’ɔs pa mee kəi’g lə Njesigənea̰ ləm, d’isi gə ma̰dje gə́ sa səgə-səgə, gə kṵdu-ko̰déje, gə kṵdu-kagje ji dee’g mbata loo-kwa-dɔ-na̰ mee kəi’g lə Ala ləm tɔ. Asap, gə Jedutun, gə Heman lé ra kula gə goo ndukunje lə mbai tɔ.

2 Sôrta Gḭka Israɛlje 20:28

Deḛ d’andə Jerusalem mee kəi’g lə Njesigənea̰ gə ndu kṵdu-kagje ləm, gə kṵdu-kaje ləma, gə to̰to̰je ləm tɔ.

2 Sôrta Gḭka Israɛlje 29:25

Yeḛ ar dee d’unda Ləbije mee kəi’g lə Njesigənea̰ gə ma̰dje gə́ sa səgə-səgə ləm, gə kṵdu-ko̰déje ləma, gə kṵdu-kagje ləm tɔ ji dee’g gə goo rəw gə́ Dabid ləm, gə Gad gə́ njekoota ta Ala’g lé mbata lə mbai ləma, gə Natan gə́ to njetegginta d’wɔji ləm tɔ, mbata to ndukun gə́ Njesigənea̰ ɓa un ar njéteggintaje pa taree ya.

Esdras 3:10

Loo gə́ njékulaje tum gin kəi lə Njesigənea̰ gə́ to gə kəmee neelé mba̰ ndá d’ar njékinjanéməsje d’ula kubu-kḭjanéməs rɔ dee’g ree ne gə to̰to̰je ji dee’g ləm, Ləbije gə́ to gel-bɔje lə Asap d’odo ma̰dje ji dee’g ləm tɔ, gə mba kɔs ne gaji Njesigənea̰ gə goo rəw gə́ Dabid, mbai lə Israɛlje tɔji dee kédé lé.

Pakɔsje 30:11

Njesigənea̰, maji kari tuga mbii oo ne ndum ndá Oo ne kəm lootondoo’g ya! Njesigənea̰, maji kari ree la səm ya kari.

Pakɔsje 33:2

Maji kar sí pidije Njesigənea̰ gə kṵdu-kag ləm, Pideeje gə kṵdu-ko̰dè gə́ kulá dɔg ləm tɔ.

Pakɔsje 81:2

Ɔsje pa gə boo-rɔkal arje Ala gə́ to siŋgamoŋ lə sí lé, Ilaje ndu sí naŋg raje ne né wəl gə rɔlel gə́ rɔ Ala’g lé lə Jakob lé tɔ.

Pakɔsje 81:3

Unje pa ɔsje ləm, Arje ndu dalè bajiŋ ləm, Gə ndu kṵdu ləma, gə ndu kṵdu-ko̰dè ləm tɔ lé ɓar ɔr loo lɔi-lɔi.

Pakɔsje 87:7

Deḛ gə́ d’ɔs pa gə deḛ gə́ ndam lé Ra né gə ndu dee gə́ boi wəl pana: Gin rɔlel lə sí lai ḭ rɔi’g ya!

Teḛ-Raga 15:20

Miriam, njetegginta gə́ dené gə́ to kɔnan Aaro̰je lé un dalè bajiŋ jia’g, ar denéje lai kara ree gə dalè bajḭgje gée’g ndá deḛ ndam ne.

Jeremi 31:13

Yen ɓa ŋgama̰dje D’a ra rɔlel loo-ndam’g ləm, Basaje gə ɓugaje kara d’a ra rɔlel ya ləm tɔ. M’a kar kəmndooyoo lə dee tel kalrɔ ləm, M’a gɔl meḛ dee ləm tɔ, M’a kar dee rɔlel karee taa tor Mée tila ŋgaḭla-ŋgaḭla lə dee.

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Njéga̰g-Rəwtaje 11:34

Loo gə́ Jepte aw tel ree gə́ kəi ləa gə́ Mispa ndá aa oo, ŋgonee gə́ dené unda loo teḛ tila kəmee gə dalè gə ndamje. To ŋgonee gə́ kára ba kiao ya, yeḛ aw gə ŋgon gə́ diŋgam əsé ŋgon gə́ dené gə́ raŋg el.